• News
  • Views
  • Videos
  • Movies
  • Sports
  • Money
  • Women
  • India
More
Hero Hero
  • LocalNews
  • Obituary
  • Photo
  • Letters
  • Cartoon
  • Editorial
  • Kakadrishti
  • Kerala
  • India
  • World
  • Money
  • Sport
  • Weekend
  • Nagaram
  • Chitrabhumi
  • Column
  • Exikuttan

വ്യാപാരത്തില്‍ സഹകരിക്കും; മോദി-ഷി ചര്‍ച്ചയില്‍ ധാരണ

Oct 13, 2019, 07:00 AM IST
A A A

*ആർ.സി.ഇ.പി: ഇന്ത്യയുടെ ആശങ്ക പരിഗണിക്കുമെന്ന് ഷി *കശ്മീർ വിഷയം ചർച്ചചെയ്തില്ല

# പ്രശാന്ത് കാനത്തൂർ
Chennai Connect
X

PTI

മഹാബലിപുരം: അഭിപ്രായഭിന്നതകൾ വിവേകപൂർവം കൈകാര്യംചെയ്യാനും പരസ്പരസഹകരണത്തിൽ പുതിയ അധ്യായമെഴുതാനും തീരുമാനിച്ച് ഇന്ത്യ-ചൈന രണ്ടാം അനൗദ്യോഗിക ഉച്ചകോടി ശനിയാഴ്ച അവസാനിച്ചു. ഉഭയകക്ഷി വ്യാപാരം, നിക്ഷേപം, സേവനം എന്നീ മേഖലകളിൽ തുടർചർച്ചകൾക്കായി ഉന്നതതലസംവിധാനമുണ്ടാക്കാൻ ചർച്ചകളിൽ ധാരണയായി. ഇതിനുള്ള സമിതിയിൽ ധനമന്ത്രി നിർമലാ സീതാരാമനും ചൈനീസ് ഉപപ്രധാനമന്ത്രി ഹ്യു ചുൻഹ്വയും അംഗങ്ങളാകും.

നിർദിഷ്ട, മേഖലാസമഗ്രസാമ്പത്തിക പങ്കാളിത്ത കരാറിലുള്ള (ആർ.സി.ഇ.പി.) ഇന്ത്യയുടെ ആശങ്ക അനുഭാവപൂർവം പരിഗണിക്കാമെന്ന് ചൈനീസ് പ്രസിഡന്റ് ഷി ജിൻപിങ് ഉറപ്പുനല്കി. ഉച്ചകോടി ഇന്ത്യയും ചൈനയും തമ്മിലുള്ള ബന്ധത്തിൽ പുതുയുഗപ്പിറവിയാകുമെന്ന് പ്രധാനമന്ത്രി നരേന്ദ്ര മോദി അഭിപ്രായപ്പെട്ടു.

കശ്മീർവിഷയം ചർച്ചയിൽ ഉയർന്നതേയില്ലെന്ന് ഉച്ചകോടിക്കുശേഷം നടത്തിയ വാർത്താസമ്മേളനത്തിൽ വിദേശകാര്യസെക്രട്ടറി വിജയ് ഗോഖലെ പറഞ്ഞു. എന്നാൽ, ബുധനാഴ്ച പാകിസ്താൻ പ്രസിഡന്റ് ഇമ്രാൻ ഖാനുമായി നടത്തിയ കൂടിക്കാഴ്ചയുടെ വിവരം ഷി, മോദിയെ ധരിപ്പിച്ചു. അതിർത്തിത്തർക്കം പരിഹരിക്കാനുള്ള പ്രത്യേകപ്രതിനിധികളുടെ പ്രവർത്തനത്തെ ഇരുവരും സ്വാഗതം ചെയ്തു.

കോവളം താജ് ഫിഷർമെൻസ് കോവിൽ മോദിയും ഷിയും തമ്മിൽ രാവിലെ 10.20-നു തുടങ്ങിയ ചർച്ച 11.10-ന് അവസാനിച്ചു. തുടർന്ന് 90 മിനിറ്റുനീണ്ട നയതന്ത്ര ഉദ്യോഗസ്ഥതല ചർച്ചയും നടന്നു. ചർച്ചകളിലെ മറ്റ് പ്രധാന തീരുമാനങ്ങൾ:

* വാണിജ്യ, ഐ.ടി. മേഖലകളിൽ യോജിച്ചപ്രവർത്തനങ്ങൾക്കു ധാരണ. ഈ മേഖലകളിലും ഫാർമസ്യൂട്ടിക്കൽ രംഗത്തും നിക്ഷേപത്തിനായി ഇന്ത്യൻ കമ്പനികൾക്ക് ചൈനയിലേക്കു ക്ഷണം.

* ചൈനയുടെ ഇറക്കുമതിയും ഇന്ത്യയുടെ കയറ്റുമതിയും തമ്മിലുള്ള അന്തരം സംബന്ധിച്ച ആശങ്കകൾ പരിഹരിക്കും.

* 2017-ലെ ഡോക്‌ലാം സംഘർഷത്തോടെ നിലച്ച പ്രതിരോധചർച്ചകൾ പുനരാരംഭിക്കും. ഇതിനായി പ്രതിരോധമന്ത്രി രാജ്‌നാഥ് സിങ്ങിനെ ഷി ചൈനയിലേക്കു ക്ഷണിച്ചു.

* ഇന്ത്യ-ചൈന ഉഭയകക്ഷിബന്ധത്തിന്റെ എഴുപതാം വർഷമായ 2020-ൽ ഇരുരാജ്യങ്ങളിലെയും ജനങ്ങൾ തമ്മിലുള്ള ബന്ധം ദൃഢമാക്കാൻ അവസരമൊരുക്കും. ഇതിന്റെ ഭാഗമായി ഇരുരാജ്യങ്ങളിലുമായി 35 വീതം പരിപാടികൾ സംഘടിപ്പിക്കും.

* ഭീകരതയ്ക്കെതിരേ യോജിച്ചു പ്രവർത്തിക്കും.

* തമിഴ്നാടും ചൈനയിലെ ഫൂജിയാൻ പ്രവിശ്യയും തമ്മിൽ രണ്ടായിരം വർഷം മുമ്പുണ്ടായിരുന്ന വ്യാപാരബന്ധത്തിന്റെ അടയാളങ്ങൾ കണ്ടെത്തുന്നതിനായി സംയുക്ത ഗവേഷണം നടത്തും.

* പരസ്പരസഹകരണം, ആശയവിനിമയം, ഉഭയകക്ഷിബന്ധം, വ്യാപാരം എന്നിവയിൽ ചർച്ച തുടരും.

ചർച്ചയായവ

* വ്യാപാരം

* ആർ.സി.ഇ.പി.

* ഭീകരത

* പ്രതിരോധം

ചർച്ചയാകാഞ്ഞവ

* ജമ്മുകശ്മീർ

* ബെൽറ്റ് ആൻഡ് റോഡ് ഇനിഷ്യേറ്റിവ്

* വാവേയ്ക്ക് 5ജി അനുവദിക്കൽ

Content Highlights: modi xi jinping mahabalipuram summit

PRINT
EMAIL
COMMENT
Next Story

കോക്സ് ആൻഡ് കിങ്സ് കേസിൽ റാണ കപൂറിന് ജാമ്യം

മുംബൈ: കോക്സ് ആൻഡ് കിങ്സ് വായ്പാ തിരിമറിയുമായി ബന്ധപ്പെട്ട കേസിൽ യെസ് ബാങ്ക് സഹസ്ഥാപകനും .. 

Read More
 

Related Articles

'മോദി കി ദുകാനി'ല്‍ നിന്ന് രണ്ടര രൂപയ്ക്ക് ഇനി സാനിറ്ററി പാഡുകളും ലഭിക്കും- പ്രധാനമന്ത്രി
News |
Videos |
കോവി‍ഡ് വാക്സിൻ സർട്ടിഫിക്കറ്റിൽ നിന്ന് മോദിയുടെ ചിത്രം ഒഴിവാക്കണമെന്ന് തിരഞ്ഞെടുപ്പ് കമ്മീഷൻ
Videos |
ഒന്നര വർഷത്തെ ഇടവേളയ്ക്ക് ശേഷം പ്രധാനമന്ത്രി നരേന്ദ്ര മോദി വീണ്ടും വിദേശത്തേക്ക്
Education |
പ്രധാനമന്ത്രിയുമായി സംവദിക്കാം,  പരീക്ഷാ പേ ചര്‍ച്ചയിലൂടെ
 
  • Tags :
    • Narendra Modi
    • Xi Jing Ping
    • mahabalipuram summit
More from this section
കോക്സ് ആൻഡ് കിങ്സ് കേസിൽ റാണ കപൂറിന് ജാമ്യം
ഇന്ത്യയിൽ ഉള്ളത് മോദി-ഷാ സിൻഡിക്കേറ്റ് മാത്രം -മമത
നാഗപട്ടണത്ത്‌ മൂന്ന്‌ മത്സ്യത്തൊഴിലാളികൾ മരിച്ചു
യു.പി. സുന്നി വഖഫ് ബോർഡ് അംഗങ്ങളെ തിരഞ്ഞെടുത്തു
ദേശീയ റോഡ് സൈക്ലിങ് ചാമ്പ്യൻഷിപ്പിൽ ജേതാവായി മലയാളി
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Podcast Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
         
© Copyright Mathrubhumi 2021. All rights reserved.