ജയ്പുര്‍: പ്രധാനമന്ത്രി നരേന്ദ്രമോദിയുടെ ഭാര്യ യശോദാ ബെന്‍ സഞ്ചരിച്ച കാര്‍ ട്രക്കുമായി കൂട്ടിയിടിച്ചു. യശോദയുടെ ബന്ധു മരിച്ചു. യശോദയ്ക്കും ഒപ്പം സഞ്ചരിച്ച നാലുപേര്‍ക്കും പരിക്കേറ്റിട്ടുമുണ്ട്. രാജസ്ഥാനിലെ ചിത്തോഡ്ഗഢില്‍ ബുധനാഴ്ചയാണ് സംഭവം.

ബസന്ത് ഭായി മോദി (67) എന്നയാളാണ് മരിച്ചത്. ആറുപേരാണ് കാറിലുണ്ടായിരുന്നത്. കോടയില്‍ നടക്കുന്ന ഒരു ചടങ്ങില്‍ പങ്കെടുക്കാനായി ചിത്തോഡ്ഗഢില്‍നിന്ന് പോകുമ്പോഴാണ് സംഭവം. പരിക്കേറ്റവരെ ആസ്​പത്രിയിലെത്തിച്ചു.

1968-ലാണ് മോദി യശോദാബെന്നിനെ വിവാഹം ചെയ്തത്. പക്ഷേ, ഈ ബന്ധം ഏറെക്കാലം നീണ്ടുനിന്നില്ല. മോദി പ്രധാനമന്ത്രിയായശേഷം ഇവര്‍ക്ക് എസ്.പി.ജി. സുരക്ഷ ഏര്‍പ്പെടുത്തിയിട്ടുണ്ട്.