ചെന്നൈ: തമിഴ്‌നാട്ടിലെ കടലൂരില്‍ ആള്‍ത്തുള വൃത്തിയാക്കാനിറങ്ങിയ മൂന്നുശുചീകരണത്തൊഴിലാളികള്‍ വിഷവായു ശ്വസിച്ച് മരിച്ചു. കെ. ജയകുമാര്‍(28), എസ്. വേലു(28), എസ്. മുരുഗന്‍(39) എന്നിവരാണ് മരിച്ചത്. കടലൂര്‍ മുനിസിപ്പാലിറ്റിയിലെ അഴുക്കുചാല്‍ വൃത്തിയാക്കാനായി കരാറെടുത്ത തൊഴിലാളികളായിരുന്നു ഇവര്‍.
കടലൂരിലെ മോഹിനിപ്പള്ളത്തെ ആള്‍ത്തുള വൃത്തിയാക്കാനിറങ്ങിയപ്പോഴായിരുന്നു ദുരന്തമുണ്ടായത്. 15 അടി ആഴമുള്ള കുഴിയില്‍ വേലുവാണ് ആദ്യം ഇറങ്ങിയത്. വേലു തിരിച്ചുവരാത്തതിനെത്തുടര്‍ന്ന് മരുഗനും പിന്നീട് ജയകുമാറും ഇറങ്ങി.
കടലൂരിലെ മോഹിനിപ്പള്ളത്തെ ആള്‍ത്തുള വൃത്തിയാക്കാനിറങ്ങിയപ്പോഴായിരുന്നു ദുരന്തമുണ്ടായത്. 15 അടി ആഴമുള്ള കുഴിയില്‍ വേലുവാണ് ആദ്യം ഇറങ്ങിയത്. വേലു തിരിച്ചുവരാത്തതിനെത്തുടര്‍ന്ന് മരുഗനും പിന്നീട് ജയകുമാറും ഇറങ്ങി.
മൂന്നുപേരെയും കാണാതായതിനെത്തുടര്‍ന്ന് നാട്ടുകാര്‍ അഗ്നിശമനസേനയെ വിവരമറിയിച്ചു. അഗ്നിശമന സേനാ പ്രവര്‍ത്തകര്‍ അബോധാവസ്ഥയിലായ മൂന്നുപേരെയും കടലൂര്‍ സര്‍ക്കാര്‍ ജനറല്‍ ആസ്പത്രിയിലെത്തിച്ചെങ്കിലും മരിച്ചിരുന്നു. സംഭവത്തില്‍ തിരുപ്പപ്പുലിയൂര്‍ പോലീസ് കേസെടുത്തു.
