.jpg?$p=8a7b7b1&f=16x10&w=852&q=0.8)
.
റിയാദ്: പുതുതായി അവതരിപ്പിച്ച നാലു ദിവസത്തെ സ്റ്റോപ്പ് ഓവര്‍ ട്രാന്‍സിറ്റ് വിസയില്‍ സൗദിയിലെത്തുന്നവര്‍ക്ക് കാറുകള്‍ ഓടിക്കാന്‍ അനുവദിക്കും. ഇത്തരം ട്രാന്‍സിറ്റ് വിസക്കാര്‍ക്ക് കാറുകള്‍ വാടകക്കുകല്‍കാനുള്ള അംഗീകാരം വാടക കാറുകള്‍ നല്‍കുന്ന സ്ഥാപനങ്ങള്‍ക്ക് നല്‍കിയതായി സൗദി പൊതു സുരക്ഷാവിഭാഗം അറിയിച്ചു. വിമാനമാര്‍ഗം സൗദിയിലെത്തുന്ന ട്രാന്‍സിറ്റ് വിസ ഉടമകള്‍ക്ക് ഡ്രൈവിങ് അംഗീകാര സേവനത്തില്‍നിന്ന് ഈ പ്രയോജനം നേടാവുന്നതാണ്. ആഭ്യന്തര മന്ത്രാലയത്തിന് കീഴിലുള്ള 'അബ്ഷീര്‍ ബിസിനസ്' എന്ന ഇലക്ട്രോണിക് പ്ളാറ്റ്ഫോമിലൂടെ കാറുകളുടെ വാടകാ നടപടിക്രമങ്ങള്‍ പുര്‍ത്തിയാക്കാനാകും.
സന്ദര്‍ശകരുടെ സമയവും പരിശ്രമവും ലാഭിക്കാന്‍ ഉപകരിക്കുംവിധം വാഹനം വാടകയ്ക്കെടുക്കുന്നതിനുള്ള നടപടിക്രമങ്ങള്‍ ലളിതമാക്കിയിട്ടുണ്ട്. അതുകൊണ്ടുതന്നെ ഈ ആവശ്യവുമായി ബന്ധപ്പെട്ട് ഒരു ട്രാഫിക് വിഭാഗ ഓഫീസും വ്യക്തിപരമായി സന്ദര്‍ശിക്കേണ്ടതില്ല.
ജനുവരി 30 മുതലാണ് ഇലക്ട്രോണിക് സ്റ്റോപ്പ് ഓവര്‍ ട്രാന്‍സിറ്റ് വിസ സേവനം സൗദി അറേബ്യ ആരംഭിച്ചത്. കഴിഞ്ഞ തിങ്കളാഴ്ച വിദേശകാര്യ മന്ത്രാലയം നല്‍കിയ ചട്ടങ്ങളനുസരിച്ച് വിസ ഉടമകള്‍ക്ക് നാലുദിവസം സൗദിയില്‍ താമസിക്കാന്‍ കഴിയും. എന്നാല്‍ വിസയുടെ കാലാവധി മൂന്ന് മാസത്തേക്കുള്ളതാണ്.
വിസ തികച്ചും സൗജന്യവും വിമാന ടിക്കറ്റിനൊപ്പം തല്‍ക്ഷണം ലഭിക്കുന്നതുമാണ്. സൗദി എയര്‍ലൈന്‍സുമായും ബന്ധപ്പെട്ട വിഭാഗവുമായുള്ള ഏകീകരണത്തോടെയും സഹകരണത്തോടെയുമാണ് മന്ത്രാലയം ഇത്തരമൊരു സേവനം ആരംഭിച്ചിട്ടുള്ളത്.
സൗദിയൊട്ടുക്കും യാത്ര ചെയ്യാമെന്നതിലുപരി ടൂറിസം പരിപാടികളില്‍ പങ്കെടുക്കാനും മുസ്ലിങ്ങളായ യാത്രക്കാര്‍ക്ക് മക്കയില്‍ ഉംറ ചെയ്യാനും മദീനാ സന്ദര്‍ശനത്തിനും ട്രാന്‍സിറ്റ് വിസ അനുവദിക്കും.
സൗദി എയര്‍ലൈന്‍സ് വിമാനക്കമ്പനിയുടെയും ഫ്ളൈനാസിന്റെയും ഇലക്ട്രോണിക് പ്ളാറ്റ്ഫോമുകളിലൂടെ ട്രാന്‍സിറ്റ് വിസയ്ക്കുള്ള അപേക്ഷ സമര്‍പ്പിക്കാവുന്നതാണ്. വിദേശകാര്യ മന്ത്രാലയത്തിലെ ഏകീകൃത ദേശീയ വിസ പ്ളാറ്റ്ഫോമിലേക്ക് ഇത് യാന്ത്രികമായി കൈമാറ്റം ചെയ്യപ്പെടുകയും നടപടികള്‍ പൂര്‍ത്തിയാക്കി ഡിജിറ്റല്‍ വിസ ഉടനടി ഇ മെയില്‍ വഴി യാത്രക്കാരന് ലഭിക്കുകയും ചെയ്യും.
Content Highlights: transit visa, rent car driving permission
Also Watch
RELATED STORIES
IN CASE YOU MISSED IT
.jpg?$p=2922c1a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..