തൊഴിലുടമകള്‍ തങ്ങളുടെ ജീവനക്കാരെ മറ്റുള്ളവര്‍ക്ക് വേണ്ടി ജോലി ചെയ്യാന്‍ അനുവദിച്ചാല്‍ പിഴ, Saudi

ജാഫറലി പാലക്കോട്‌

05 December 2022, 05:13 PM IST

റിയാദ്: തങ്ങളുടെ കിഴിലുള്ള ജീവനക്കാരെ മറ്റുള്ളവര്‍ക്ക് വേണ്ടിയോ സ്വന്തം നേട്ടത്തിനുവേണ്ടിയോ കരാറിനു വിരുദ്ധമായി ജോലി ചെയ്യാന്‍ അനുവദിക്കുന്ന തൊഴിലുടമകള്‍ക്ക് പിഴയും തടവും റിക്രൂട്ട്മെന്റ് വിലക്കും ഏര്‍പ്പെടുത്തുമെന്ന് ജനറല്‍ ഡയറക്ടറേറ്റ് ഓഫ് പാസ്പോര്‍ട്ട് (ജവാസത്ത്) അറിയിച്ചു.
പിഴ 1,00,000 (ഒരു ലക്ഷം) റിയാലും 6 മാസം തടവും ലഭിക്കുമെന്നും റിക്രൂട്ട് ചെയ്യുന്നതില്‍ നിന്നുള്ള വിലക്ക് 5 വര്‍ഷം വരെയാണെന്നും പാസ്പോര്‍ട്ട് വിഭാഗം വ്യക്തമാക്കി.

താമസ, തൊഴില്‍, അതിര്‍ത്തി സുരക്ഷാ നിയമങ്ങള്‍ ലംഘിക്കുന്നവരെ മക്ക, റിയാദ്, കിഴക്കന്‍ പ്രവിശ്യ മേഖലകളില്‍ 911 എന്ന നമ്പറിലും സൗദിയിലെ മറ്റു പ്രവശ്യയിലുള്ളവര്‍ക്ക് 999 വഴിയും റിപ്പോര്‍ട്ട് ചെയ്യാനും പാസ്പോര്‍ട്ട് വിഭാഗം ആഹ്വാനം ചെയ്തിട്ടുണ്ട്.