.
ജിദ്ദ: ഒ.ഐ.സി.സി വെസ്റ്റേണ്‍ റീജ്യണല്‍ കമ്മിറ്റിയുടെ കീഴില്‍ പ്രവര്‍ത്തിക്കുന്ന പ്രവാസി സേവന കേന്ദ്രയുടെ എട്ടാം വാര്‍ഷികാഘോഷം 'ഹൃദ്യം 2022' ഉത്സവസമാനമായ അന്തരീക്ഷത്തില്‍ ജിദ്ദയിലെ പൗരപ്രമുഖരുടേയും ഇതര പ്രവാസി സ0ഘടനാ നേതാക്കളുടെയും സാന്നിധ്യത്തില്‍ അരങ്ങേറി. ലീഡര്‍ കെ കരുണാകരന്റെ നാമോദയത്തില്‍ ഒരുക്കിയ ഓഡിറ്റോറിയത്തില്‍ വെച്ച് നടന്ന ചടങ്ങില്‍ വിവിധ സേവന മേഖലകളില്‍ പ്രവര്‍ത്തിച്ച കണ്‍വീനര്‍മാരെയും വളണ്ടിയര്‍മാരെയും ജിദ്ദ ഒഐസിസി മൊമെന്റോകളും സര്‍ട്ടിഫിക്കറ്റുകളും നല്‍കി ആദരിച്ചു.
നാലു പതിറ്റാണ്ടുകള്‍ക്ക് മുന്‍പ് ഒഐസിസിയുടെ ആദ്യരൂപമായ ഐ.സി.സി.യുടെ ജീവകാരുണ്യ പ്രവര്‍ത്തന രീതി പ്രവാസി സമൂഹത്തിനു ഗുണകരമായി ഇപ്പോഴും തുടര്‍ന്ന് വരുന്നതില്‍ ഏറെ സന്തോഷമുണ്ടെന്നും അതിന്റെ തുടര്‍ച്ചയായി നടന്ന് വരുന്ന മഹത്തായ സേവനമാണ് ഹെല്പ് ഡെസ്‌ക്ക് എന്നും സ്ഥാപക നേതാവ് ചെമ്പന്‍ അബ്ബാസ് ചടങ്ങ് ഉദ്ഘാടനം ചെയ്തു കൊണ്ട് പറഞ്ഞു. ചടങ്ങില്‍ റീജ്യണല്‍ കമ്മിറ്റി പ്രസിഡന്റ് കെ.ടി.എ മുനീര്‍ അധ്യക്ഷം വഹിച്ചു.
ലീഡര്‍ കെ കരുണാകരന്‍ അനുസ്മരണം ഇന്റര്‍നാഷണല്‍ ഇന്ത്യന്‍ സ്‌കൂള്‍ മുന്‍ ചെയര്‍മാന്‍ എന്‍ജിനിയര്‍ ഇഖ്ബാല്‍ പൊക്കുന്നു നടത്തി. അന്തരിച്ച ആദ4ശ ധീരതയുടെ ആള്‍ രൂപമായിരുന്ന നേതാവ് പി.ടി.തോമസിനേയു0 അനുസ്മരിക്കപ്പെട്ടു.
കെഎംസിസി സെന്‍ട്രല്‍ കമ്മിറ്റി ജനറല്‍ സെക്രട്ടറി അബൂബക്കര്‍ അരിമ്പ്ര, നവോദയ മുഖ്യ രക്ഷാധികാരി ഷിബു തിരുവനന്തപുരം, തമിഴ് സംഘം പ്രതിനിധി എം.സിറാജുദ്ധീന്‍, സിഫ് പ്രസിഡന്റ് നീലാമ്പ്ര ബേബി, സി.എം അഹമ്മദ്, മിര്‍സ ശരീഫ് തുടങ്ങിയവര്‍ സംസാരിച്ചു. ജനറല്‍ സെക്രട്ടറി സാക്കിര്‍ ഹുസൈന്‍ എടവണ്ണ സ്വാഗതവും ട്രഷറര്‍ ശ്രീജിത്ത് ഭാസ്‌കരന്‍ കണ്ണൂര്‍ നന്ദിയും പറഞ്ഞു.
Content Highlights: oicc
Also Watch
RELATED STORIES
.jpg?$p=2922c1a&f=1x1&w=100&q=0.8)
.jpg?$p=430c1f1&f=1x1&w=100&q=0.8)
.jpg?$p=79c0b37&f=1x1&w=100&q=0.8)
IN CASE YOU MISSED IT
.jpg?$p=afe3202&f=1x1&w=100&q=0.8)
.jpg?$p=5ab4c51&f=1x1&w=100&q=0.8)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..