Photo: Pravasi mail
റിയാദ്: സൗദി പ്രവാസികളുടെ തിരിച്ചറിയല്‍ രേഖയായ ഇക്കാമ (റസിഡന്‍സി പെര്‍മിറ്റ്) പുതുക്കിയാല്‍ അത് പ്രിന്റ് ചെയ്ത പകര്‍പ്പ് കൈവശം വെക്കേണ്ടതില്ലെന്നും പകരം ഇഖാമയുടെ ഡിജിറ്റല്‍ പകര്‍പ്പ് മൊബൈലിലോ മറ്റോ സൂക്ഷിച്ചാല്‍ മതിയാകുമെന്ന് ജനറല്‍ ഡയറക്ടറേറ്റ് ഓഫ് പാസ്പോര്‍ട്ട് (ജവാസാത്ത്) വ്യക്തമാക്കി.
പ്രവാസികള്‍ക്കും അവരുടെ ആശ്രിതര്‍ക്കും വിദേശ തൊഴിലാളികള്‍ക്കും ഇഖാമ പുതുക്കിയാല്‍ അതിന്റെ ഹാര്‍ഡ് കോപ്പി കൈവശം വെയ്ക്കുന്നതിന് പകരം സ്മാര്‍ട്ട് ഫോണില്‍ ഡിജിറ്റല്‍ ഇഖാമ ഉപയോഗിക്കാവുന്നതാണ്. പ്രിന്റ് എടുക്കാന്‍ ജവാസാത്ത് ഓഫീസ് സന്ദര്‍ശിക്കേണ്ടതില്ലെന്നും ജവാസാത്ത് അറിയിച്ചു.
ഇഖാമ വിതരണം ചെയ്ത തീയതി മുതല്‍ അഞ്ച് വര്‍ഷത്തേക്കുള്ളതാണ്. ഇഖാമ എല്ലാ വര്‍ഷവും തൊഴിലുടമയുടെ അബ്ഷര്‍ പ്ലാറ്റ്‌ഫോം വഴി ഇലക്ട്രോണിക് ആയി പുതുക്കാനാകും. കാലാവധി കഴിഞ്ഞ് മൂന്ന് ദിവസത്തിന് ശേഷം പ്രവാസികളുടെ ഇഖാമ പുതുക്കുന്നതില്‍ വീഴ്ച വരുത്തിയാല്‍ പിഴ ചുമത്തും. ആദ്യ തവണ 500 റിയാല്‍ പിഴയും, കാലതാമസം ആവര്‍ത്തിച്ചാല്‍ 1,000 റിയാലുമാണ് പിഴ.
വര്‍ക്ക് പെര്‍മിറ്റുമായി ബന്ധിപ്പിച്ചിട്ടുള്ള ഇഖാമകള്‍ നല്‍കാനും, കുറഞ്ഞത് മൂന്ന് മാസം കൂടുമ്പോള്‍ തൊഴിലുടമ ഇഖാമ പുതുക്കി നല്‍കുന്ന സംവിധാനവുമാണ് ജവാസത്ത് അനുവദിച്ചിട്ടുള്ളത്. പുതുക്കല്‍ നടപടിക്രമങ്ങള്‍ പൂര്‍ത്തിയാക്കുന്നതിന് ആവശ്യമായ ഫീസ് അടച്ച ശേഷം പ്രവാസികളുടെ ആശ്രിതര്‍ക്കും ഇതുപോലെ ഇഖാമ പുതുക്കാവുന്നതാണ്. ഗാര്‍ഹിക ജോലിയുമായി ബന്ധപ്പെടവര്‍ക്കു ഇത്തരം നടപടിക്രമങ്ങളില്‍നിന്നും ഒഴിവാക്കിയിട്ടുണ്ട്.
വര്‍ക്ക് പെര്‍മിറ്റ്, റസിഡന്‍സി പെര്‍മിറ്റ്, ജീവനക്കാരുടെ ലെവി, ആശ്രിതരുടെ ഫീസ്, ഇഖാമ ഇഷ്യൂ ചെയ്യുന്നതിനുള്ള മറ്റ് ഫീസുകള്‍ എന്നിവയ്ക്കുള്ള ഫീസ് വിഭജിച്ച് അടയ്ക്കാന്‍ ജവാസാത്ത് അനുവദിച്ചിട്ടുണ്ട്. ഗാര്‍ഹിക തൊഴിലാളികളുടെ ഇഖാമ കാലാവധി 14 മാസത്തില്‍ കുറവാണെങ്കില്‍ ആ ദിവസം മുതല്‍ ഇഖാമ പുതുക്കാവുന്നതാണ്. അതേസമയം മറ്റ് തൊഴില്‍ വിസയിലുള്ളവര്‍ക്ക് 6 മാസത്തില്‍ താഴെ കാലാവധിയുണ്ടാകുമ്പോഴാണ് ഇഖാമ പുതുക്കി നല്‍കുക. ഗാര്‍ഹിക തൊഴിലാളികളൊഴിച്ചുള്ളവര്‍ക്ക് വര്‍ക്ക് പെര്‍മിറ്റും ഇന്‍ഷുറന്‍സ് പോളിസിയും ഇഖാമ പുതുക്കുന്നതിന് ആവശ്യമാണ്.
Content Highlights: Now it is enough to have a digital copy of Iqama
Also Watch
RELATED STORIES
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..