.jpg?$p=2922c1a&f=16x10&w=856&q=0.8)
.
റിയാദ്: കേളി കലാസാംസ്‌കാരിക വേദിയുടെ, കേരളത്തില്‍ ഒരു ലക്ഷം പൊതിച്ചോറുകള്‍ വിതരണം ചെയ്യുന്ന 'ഹൃദയപൂര്‍വ്വം കേളി' പദ്ധതിയുടെ സംസ്ഥാനതല ഉദ്ഘാടനം നടന്നു.
കേളി കലാസാംസ്‌കാരിക വേദിയും കുടുംബവേദിയും ചേര്‍ന്നാണ് കേരളത്തിലെ 14 ജില്ലകളിലെയും സാധ്യമായ ഇടങ്ങളിലെ സര്‍ക്കാര്‍ ആശുപത്രികളിലും അഗതി മന്ദിരങ്ങളിലുമുള്ള അന്തേവാസികള്‍ക്കും, നിര്‍ധനരായ രോഗികള്‍ക്കും, കൂട്ടിരിപ്പുകാര്‍ക്കും, ഭക്ഷണമെത്തിക്കുന്ന പ്രവര്‍ത്തനം നടത്തുന്നത്. ഓരോ ഇടങ്ങളിലെയും കുടുംബശ്രീയുമായി കൈകോര്‍ത്താണ് പദ്ധതി നടപ്പിലാക്കുന്നത്. കേളിയുടെ പന്ത്രണ്ടാം കേന്ദ്ര സമ്മേളനത്തിന് മുന്‍പ് ഒരു ലക്ഷം പൊതിച്ചോറുകളാണ് കേരളത്തില്‍ വിതരണം ചെയ്യുക.
തിരുവനന്തപുരം മെഡിക്കല്‍കോളേജ് ക്യാമ്പസ് പരിസരത്ത് സംഘടിപ്പിച്ച ഉദ്ഘാടന ചടങ്ങിന് ചിത്ര മെഡിക്കല്‍ ട്രസ്റ്റ് അഡ്മിനിസ്ട്രീറ്റിവ് ഓഫീസര്‍ മനോജ് അധ്യക്ഷത വഹിച്ചു. കേളി രക്ഷാധികാരി മുന്‍ സെക്രട്ടറി കെ ആര്‍ ഉണ്ണിക്കൃഷ്ണന്‍ സ്വാഗതം പറഞ്ഞു. കേരള പ്രവാസി സംഘം സംസ്ഥാന സെക്രട്ടറി സജീവ് തൈക്കാട് വിതരണോദ്ഘാടനം നിര്‍വ്വഹിച്ചു.
കേളി കേന്ദ്ര കമ്മറ്റി അംഗമായിരുന്ന ബേബി നാരായണന്‍, കേരള പ്രവാസി സംഘം തിരുഃവനന്തപുരം ജില്ലാ കമ്മറ്റി അംഗംങ്ങളായ ഇടയാര്‍ ദീപു, രാജീവ്, കെ.രാജ്മോഹന്‍ എന്നിവര്‍ ആശംസകള്‍ അര്‍പ്പിച്ചു സംസാരിച്ചു.
റീജിയണല്‍ കാന്‍സര്‍ സെന്ററിലേയും, മെഡിക്കല്‍ കോളേജിലെയും, ചിത്ര മെഡിക്കല്‍ ട്രസ്റ്റിലെയും നിരവധിപേര്‍ ഭക്ഷണ പൊതികള്‍ ഏറ്റുവാങ്ങി. നാട്ടില്‍ അവധിയിലുള്ള കേളിയുടെ പ്രവര്‍ത്തകരും മുന്‍ പ്രവര്‍ത്തകരും ചടങ്ങിന് നേതൃത്വം നല്‍കി. കേളി രക്ഷാധികാരി അംഗമായിരുന്ന സതീഷ് കുമാര്‍ ചടങ്ങിന് നന്ദി പറഞ്ഞു.
Content Highlights: keli
Also Watch
RELATED STORIES
.jpg?$p=a80322e&f=1x1&w=100&q=0.8)
.jpg?$p=aa62323&f=1x1&w=100&q=0.8)
.jpg?$p=2922c1a&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
IN CASE YOU MISSED IT
.jpg?$p=0040ee1&f=1x1&w=100&q=0.8)
.jpg?$p=2c33390&q=0.8&f=16x11&w=104)
.jpg?$p=3fe45b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..