പ്രതീകാത്മക ചിത്രം
ജിദ്ദ: സൗദിയിലേക്കുള്ള തൊഴില്‍ വിസ സ്റ്റാമ്പിംഗ് പ്രയാസമുള്ളതാകും. തൊഴില്‍ വിസ സ്റ്റാമ്പിംഗിനു ഇന്ത്യയിലെ വിഎഫ്എസ് കേന്ദ്രങ്ങളില്‍ ബയോമെട്രിക് വിവരം നല്‍കണമെന്നാണ് പുതിയ നിര്‍ദ്ദേശം. ഫാമിലി, സന്ദര്‍ശന വിസകള്‍ നേരത്തെ വിഎഫ്എസ് വഴിയാക്കിയിരുന്നു.
ഇന്ത്യയില്‍നിന്നും ഫാമിലി, സന്ദര്‍ശന വിസ എന്നിവയില്‍ സൗദിയിലേക്ക് പോകുന്നവര്‍ക്ക് വിഎഫ്എസ് കേന്ദ്രങ്ങളില്‍ചെന്ന് വിരലടയാളം നല്‍കണമെന്ന് നേരത്തെ നിര്‍ബന്ധമാക്കിയതിന് പിറകെയാണ് തൊഴില്‍ വിസ സ്റ്റാമ്പിംഗിനും വിരലടയാളം നിര്‍ബന്ധമാക്കിയിരിക്കുന്നത്. മുംബൈയിലുള്ള സൗദി കോണ്‍സുലേറ്റാണ് ഇക്കാര്യം ആവശ്യപ്പെട്ടതെന്നാണ് വിസ സേവന മേഖലയില്‍ പ്രവൃത്തിക്കുന്നവര്‍ അറിയിച്ചിട്ടുള്ളത്. ഈ മാസം 29 മുതല്‍ പുതിയ നടപടി പ്രാബല്യത്തില്‍ വരിക.
സൗദി തൊഴില്‍ വിസ സ്റ്റാമ്പ് ചെയ്യണമെങ്കില്‍ ആദ്യം വിഎഫ്എസ് കേന്ദ്രത്തില്‍ വിരലടയാളം നല്‍കണം. കേരളത്തില്‍ ആകെ കൊച്ചിയില്‍ മാത്രമാണ് വിഎഫ്എസ് കേന്ദ്രമുള്ളത്. കേരളത്തിലെ വിവിധ ഭാഗങ്ങളിലുള്ളവര്‍ ഇവിടെയെത്തി വിരലടയാളം നല്‍കേണ്ടിവരുന്നത് പ്രയാസമുണ്ടാക്കും.
വിരലടയാളമെടുത്ത ശേഷം മാത്രമെ വിസാ നടപടികള്‍ ആരംഭിക്കുകയുള്ളൂ. വിരലടയാളം നല്‍കാത്തവരുടെ വിസ നടപടികള്‍ റദ്ദാക്കും. സൗദി കോണ്‍സുലേറ്റ് ഏജന്റുമാര്‍ക്ക് ഇത്സംബന്ധമായ സര്‍ക്കുലര്‍ നല്‍കിയിട്ടുണ്ട്.
Content Highlights: employee visa stamping news, Saudi
Also Watch
RELATED STORIES
.jpg?$p=fad68fb&f=1x1&w=100&q=0.8)
.jpg?$p=bec7056&f=1x1&w=100&q=0.8)
IN CASE YOU MISSED IT
.jpg?$p=16c85a6&f=1x1&w=100&q=0.8)
.jpg?$p=6518725&f=1x1&w=100&q=0.8)
.jpg?$p=6518725&q=0.8&f=16x11&w=104)
.jpg?$p=aa62323&q=0.8&f=16x11&w=104)
.jpg?$p=2d05142&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..