പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന ടി.കെ.കെ ഹസ്സന് വാഴക്കാട് കൂട്ടായ്മയുടെ ഉപഹാരം പ്രസിഡൻറ് പി.കെ. അബ്ദുൽ ഹമീദ് സമ്മാനിക്കുന്നു
ദമ്മാം: നാല്‌ പതിറ്റാണ്ട് നീണ്ട സൗദിപ്രവാസ ജീവിതത്തിന്‌ വിരാമമിട്ട് നാട്ടിലേക്ക് മടങ്ങുന്ന വാഴക്കാട് കൂട്ടായ്മയുടെ കാര്യദർശി ടി.കെ.കെ. ഹസ്സന് യാത്രയയപ്പ് നൽകി. അൽകോബാർ അപ്സര ഓഡിറ്റോറിയത്തിൽ സംഘടിപ്പിച്ച പരിപാടിയിൽ നാട്ടുകാരായ നിരവധി പേർ പങ്കെടുത്തു.
മുജീബ് കളത്തിൽ അധ്യക്ഷത വഹിച്ച പരിപാടിയിൽ വാഴക്കാട് വെൽഫെയർ സെൻറർ പ്രസിഡൻറ് പി.കെ. അബ്ദുൽ ഹമീദ് കൂട്ടായ്മയുടെ ഉപഹാരം ടി.കെ.കെ ഹസ്സനും സഹധർമ്മിണി ആയിശ ഹസ്സനും സമ്മാനിച്ചു. ഹ്രസ്വ സന്ദർശനത്തിന്‌ ദമ്മാമിലെത്തിയ വാഴക്കാട്ടെ പൗരപ്രമുഖനായ ഒ.കെ ഹുസൈൻ മാസ്റ്റർ പരിപാടി ഉത്ഘാടനം ചെയ്തു.
അബ്ദുറഹ്മാൻ മാസ്റ്റർ, സി.കെ.ജാവിശ് അഹ്മദ്, നജീബ് അരഞ്ഞിക്കൽ, നസീബ് വാഴക്കാട് എന്നിവർ ആശംസകൾ നേർന്നു. ടി.കെ.കെ.ഹസ്സൻ മറുപടി പ്രസംഗം നിർവ്വഹിച്ചു. പ്രവാസ ലോകത്തെ യുവാക്കൾ ജീവകാരുണ്യപ്രവർത്തനങ്ങളിൽ കൂടുതൽ സജീവതയിലേക്ക് വരുന്നതോടൊപ്പം തന്നെയും സ്വന്തം ഭാവിയെ ക്യയാത്മകമാക്കുവാൻ ശ്രദ്ധയോടെ പ്രവാസ കാലം ചലിപ്പിക്കണമെന്നും അദ്ദേഹം പറഞ്ഞു.
നാട്ടിൽ കെ.എസ്.ആർ.ടി.സി ജീവനക്കാരനായിരിക്കെ 1982 ദമ്മാമിലെത്തിയ ടി.കെ.കെ ഹസ്സൻ പതിനാറ് വർഷത്തോളം സൗദി അറാംക്കോയിൽ സേവനമനുഷ്ടിച്ചിട്ടുണ്ട്. ടെക്നോ സെർവ് കമ്പനിയിലെ 19 വർഷത്തെ സേവനത്തിന്‌ ശേഷമാണ്‌ പ്രവാസ ജീവിതത്തിന്‌ വിരാമമിട്ടത്.
വാഴക്കാട് വെൽഫെയർ സെൻററിൻറെ പ്രസിഡൻറ്, ജനറൽ സെക്രട്ടറി തുടങ്ങിയ പദവികൾ വഹിച്ചിട്ടുള്ള അദ്ദേഹം സെൻററിൻറെ നിരവധി ജീവകാരുണ്യപ്രവർത്തനങ്ങൾക്ക് നേത്യത്വം നൽകിയിട്ടുണ്ട്. ദമ്മാം കിസ്മത്ത് കൂട്ടായ്മയുടെ ആദരവ് ലഭിച്ചിട്ടുണ്ട്.
Content Highlights: Dammam
Also Watch
RELATED STORIES
.jpg?$p=6729b05&f=1x1&w=100&q=0.8)
IN CASE YOU MISSED IT
.jpg?$p=6e22375&f=1x1&w=100&q=0.8)
.jpg?$p=2922c1a&f=1x1&w=100&q=0.8)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..