Photo: Pravasi mail
ദോഹ: ഖത്തര്‍ ദേശീയ കായിക ദിനത്തോടനുബന്ധിച്ച് ഖത്തറിലെ പ്രമുഖ യുവജന സംഘടനയായ ഫോക്കസ് ഇന്റര്‍നാഷണല്‍ ഖത്തര്‍ റീജ്യന്‍ സംഘടിപ്പിച്ച സ്‌പോര്‍ട്‌സ് ഫോക്കസ് 2023 മത്സരങ്ങളില്‍ റയ്യാന്‍ ഡിവിഷന്‍ ഓവറോള്‍ ചാമ്പ്യന്‍മാരായി.
അല്‍വക്‌റ, ഹിലാല്‍, അല്‍ സദ്ദ്, ദോഹ, റയ്യാന്‍, മദീന ഖലീഫ തുടങ്ങി ആറ് ഡിവിഷനുകള്‍ തമ്മില്‍ നടന്ന മത്സരങ്ങളില്‍ നിരവധി യുവാക്കള്‍ പങ്കെടുത്തു. മഅ്മൂറയിലെ കാംബ്രിഡ്ജ് സ്‌കൂള്‍, ശാന്തിനികേതന്‍ സ്‌കൂള്‍, വുകൈറിലെ ലെജന്റ്‌സ് ഗ്രൗണ്ട്, തുമാമയിലെ ഫോക്കസ് വില്ല എന്നിവിടങ്ങളിലായി നടന്ന വിവിധ പരിപാടികള്‍ ഫോക്കസ് ഇന്റര്‍നാഷണല്‍ ഖത്തര്‍ റീജ്യന്‍ സി ഇ ഒ ഹാരിസ് പി ടി ഉദ്ഘാടനം ചെയ്തു.
യുവാക്കളില്‍ ശാരീരികവും മാനസികവുമായ സുസ്ഥിരതയെ വാര്‍ത്തെടുക്കുന്നതില്‍ ഖത്തര്‍ ഒരുക്കുന്ന മികച്ച സൗകര്യങ്ങള്‍ ഏറെ പ്രശംസനീയമാണ്. കായികവും വിദ്യാഭ്യാസവും സാംസ്‌കാരികവുമായ വിവിധ പദ്ധതികളില്‍ ക്രിയാത്മകമായി ഇടപെടാന്‍ അവസരം നല്‍കുന്ന ഈ രാജ്യത്തോടെ ഓരോ പ്രവാസിയും ഏറെ കടപ്പെട്ടിരിക്കുന്നുവെന്നും സി ഇ ഒ ഹാരിസ് പി ടി പറഞ്ഞു. ശാരീരികാരോഗ്യം പോലെ ഏറെ പ്രധാനമാണ് മാനസികാരോഗ്യവും. സ്ഥിരോത്സാഹത്തോടെയുള്ള വ്യായാമം, ഭക്ഷണക്രമീകരണം എന്നിവയിലൂടെ ആരോഗ്യം നിലനിര്‍ത്താന്‍ ഓരോ പ്രവാസിയും ശ്രദ്ധിക്കണമെന്നും അദ്ദേഹം കൂട്ടിച്ചേര്‍ത്തു.
ഫുട്‌ബോള്‍, വോളീബോള്‍, ക്രിക്കറ്റ്, ആം റസ്ലിംഗ്, ടേബിള്‍ ടെന്നീസ്, കാരംസ്, ബാഡ്മിന്റണ്‍, ചെസ്സ് തുടങ്ങി വിവിധ മത്സരങ്ങളാണ് ഖത്തറിലെ വിവിധ സ്ഥലങ്ങളിലായി സംഘടിപ്പിക്കപ്പെട്ടത്. റയ്യാന്‍ ഡിവിഷന്‍ മികച്ച പോയിന്റ് നില കരസ്ഥമാക്കി ചാമ്പ്യന്‍മാരായപ്പോള്‍ ഹിലാല്‍ ഡിവിഷന്‍ ഫസ്റ്റ് റണ്ണര്‍ അപ്പും, വക്‌റ ഡിവിഷന്‍ സെക്കന്റ് റണ്ണര്‍ അപ്പും നേടി.
Content Highlights: Sports Focus Ryan Division Overall Champions
Also Watch
RELATED STORIES
.jpg?$p=3ca10ba&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..