.
മസ്കറ്റ് : മുൻ വിദേശ കാര്യ സഹമന്ത്രിയും പ്രമുഖ പാർലമെന്റേറിയനും ആയിരുന്ന മുസ്ലിം ലീഗ് നേതാവ് ഇ അഹമ്മദിന്റെ പേരിൽ ഇന്ത്യൻ പാർലമെന്റിലെ മികച്ച പ്രവർത്തനങ്ങളെ അടിസ്ഥാനമാക്കി മസ്കറ്റ് കെഎംസിസി നൽകി വരുന്ന ഇ അഹമ്മദ് എക്സലൻസ് അവാർഡ് 2023 ആലത്തൂർ എംപി രമ്യ ഹരിദാസിന് ഏറ്റുവാങ്ങി. വെള്ളിയാഴ്ച വൈകുന്നേരം 7:30 ന് എയർപോർട്ടിനു സമീപത്തെ ഹോർമുസ്‌ ഗ്രാന്റ്‌ ഹോട്ടലിൽ നടന്ന ഇ അഹമ്മദ് അനുസ്മരണ സമ്മേളനം വേദി യിൽ വച്ച് ഇന്ത്യൻ യൂണിയൻ മുസ്ലിം ലീഗ് ദേശീയ പ്രസിഡന്റ് പ്രൊഫസർ ഖാദർ മൊഹിദീൻ രമ്യ ഹരിദാസിന് പുരസ്‌കാരം കൈമാറി.
വലിയ സന്തോഷത്തോടെയും അഭിമാനത്തോടെയുമാണ് ഈ അവാർഡ് ഏറ്റുവാങ്ങുന്ന തെന്ന് രമ്യ ഹരിദാസ് എം പി പറഞ്ഞു. ഇ അഹമ്മദിനെ പോലെയുള്ള ഒരു പാർലമെന്റേറിയന്റെ പേരിലുള്ള അവാർഡ് ഏറ്റുവാങ്ങുന്നത് വലിയൊരു ഉത്തരവാദിത്വമാണ്. മുന്നോട്ടുള്ള പ്രയാണത്തിൽ അടുക്കും ചിട്ടയും കരുതലോടും കൂടി ഇടപെടാനുള്ള ഉത്തരവാദിത്വം വീണ്ടും ഓർമ്മിപ്പിക്കാൻ വേണ്ടിയാണ് കെഎംസിസി ഈ അവാർഡ് നല്കിയിരിക്കുന്നതെന്നും അവർ കൂട്ടിച്ചേർത്തു.
ജാതി മത രാഷ്ട്രീയ ചിന്തകൾക്ക് അതീതമായി സേവനം ചെയ്യുന്ന സി എച് സെന്ററിനെയും കെഎംസിസി യെയും രമ്യ ഹരിദാസ് അഭിനന്ദിച്ചു. ഏതു സർക്കാരുകൾ വന്നാലും രാഷ്ട്രീയ ഭേദമില്ലാതെ സമൂഹത്തിനു കൈത്താങ്ങാകുന്ന സംഘടനയാണ് കെഎംസിസി. കോവിഡ് കാലത്തു മസ്കറ്റ് കെഎംസിസി ചെയ്ത സേവനങ്ങൾ മഹത്തരമാണ്. കെഎംസിസി യുടെ ചാർട്ടേർഡ് വിമാനം വഴി നിരവധി ആളുകളാണ് തന്റെ മണ്ഡലത്തിലടക്കം നാടണഞ്ഞത്. മരുന്നായും കൂട്ടായും മതം നോക്കാതെ മരണപ്പെട്ടവന്റെ മരണാന്തര ക്രിയ നൽകുന്നതിന് പോലും കെഎംസിസി യുടെ പ്രവർത്തകർ മുന്നിട്ടിറങ്ങിയത് പടച്ചവന്റെ പുസ്തകത്തിൽ രേഖപ്പെടുത്തുന്ന സൽകർമ്മം ആണെന്നും രമ്യ ഹരിദാസ് പറഞ്ഞു.
ഇ അഹമ്മദിന്റെ സഭയിലുള്ള ഇടപെടലുകൾ താനുൾപ്പെടെ പുതുതലമുറയിലെ സാമാജികർക്കു എന്നും ഉപകാരപ്പെടുന്ന റഫറൻസ് ആണെന് അഭിപ്രായപ്പെട്ട രമ്യ ഹരിദാസ് സദസ്സിന്റെ ആവശ്യം പരിഗണിച്ചു പട്ടു പാടിയും അവരെ കൈയിലെടുത്തു.
ഇന്ത്യൻ യൂണിയൻ മുസ്ലിം ലീഗ് ദേശീയ പ്രസിഡന്റ് പ്രൊഫസർ ഖാദർ മൊഹിദീൻ ഉൽഘാടനം ചെയ്ത പരിപാടിയിൽ മസ്കറ്റ് കെഎംസിസി കേന്ദ്രകമ്മറ്റി പ്രസിഡന്റ് റഈസ് അഹമ്മദ് അധ്യക്ഷനായിരുന്നു. കേന്ദ്രകമ്മറ്റി ജനറൽ സെക്രട്ടറി റഹീം വറ്റല്ലൂർ സ്വാഗതം പറഞ്ഞു. ഗൾഫാർ എഞ്ചിനീയറിംഗ് മാനേജിങ് ഡയറക്ടർ ഡോക്ടർ പി മുഹമ്മദലി, ഒമാൻ ചേംബർ ഓഫ് കൊമേഴ്‌സ് ആൻഡ് ഇൻഡസ്ടറി അംഗം അബ്ദുൽ ലത്തീഫ് ഉപ്പള, തുടങ്ങിയവർ ആശംസകൾ അർപ്പിച്ചു സംസാരിച്ചു. കോഴിക്കോട് ജില്ലാ മുസ്ലിം ലീഗ് സെക്രട്ടറി എൻ.പി അബ്ദു സമദ് പൂക്കാട് ഇ അഹമ്മ്ദ് അനുസ്മരണ പ്രഭാഷണം നിർവഹിച്ചു. മസ്കറ്റ് കെഎംസിസി കേന്ദ്രകമ്മറ്റി ട്രഷറർ ഷമീർ പി.ടി.കെ നന്ദി രേഖപ്പെടുത്തി.
Content Highlights: remya haridas received E Ahmed Excellence Award
Also Watch
RELATED STORIES
.jpg?$p=1cca25e&f=1x1&w=100&q=0.8)
.jpg?$p=5138d0d&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..