.
മിസോറി: ഡ്യൂട്ടി നിർവഹണത്തിനിടയിൽ രണ്ടു മിസോറി പോലീസ് ഉദ്യോഗസ്ഥർക്ക് വെടിയേറ്റതിൽ ഒരു പോലീസ് ഉദ്യോഗസ്ഥൻ മരിക്കുകയും ഒരാൾക്ക് ഗുരുതരമായി പരിക്കേൽക്കുകയും ചെയ്തു. രാത്രി 9.30 ഓടെയാണ് വെടിവെപ്പ് നടന്നത്. സെന്റ് ലൂയിസിന് പടിഞ്ഞാറ് 80 മൈൽ അകലെ 2,100 താമസക്കാരുള്ള ഹെർമനിലെ ഒരു കൺവീനിയൻസ് സ്റ്റോറിൽ ഞായറാഴ്ചയായിരുന്നു സംഭവം. ഡിറ്റക്ടീവ് സാർജന്റ് ഹെർമൻ പോലീസ് ഡിപ്പാർട്ട്‌മെന്റിലെ മേസൺ ഗ്രിഫിത്ത് മരിച്ചു. ഓഫീസർ ആദം സുല്ലെൻട്രപ്പിനെ (31) പരിക്കുകളോടെ ആശുപത്രിയിൽ പ്രവേശിപ്പിച്ചതായി അധികൃതർ അറിയിച്ചു.
ഓഫീസറിൽ ഒരാൾക്ക് തലയിലും മറ്റൊൾക്കു നെഞ്ചിലുമാണ് വെടിയേറ്റത്‌. ഇരുവരെയും വിമാനത്തിൽ ആശുപത്രിയിലേക്ക് മാറ്റി. ഡിറ്റക്ടീവ് സർജന്റ് ഗ്രിഫിത്ത് ആശുപത്രിയിൽ വച്ച് മരിക്കുകയായിരുന്നു.
വെടിവയ്പിനെ തുടർന്ന് മിസോറി സ്റ്റേറ്റ് ഹൈവേ പട്രോളിൽ നിന്ന് ബ്ലൂ അലേർട്ട് ലഭിച്ചു. തുടർന്ന് നടത്തിയ അന്വേക്ഷണത്തിൽ കെന്നത്ത് ലീ സിംപ്‌സൺ (35) ആണ് വെടിവെച്ചതെന്ന്‌ എംഎസ്‌എച്ച്‌പി തിരിച്ചറിഞ്ഞു. അയാൾ സംഭവസ്ഥലത്ത് നിന്ന് ഓടിപ്പോയതായി വക്താവ് അറിയിച്ചു.
തിങ്കളാഴ്ച പുലർച്ചയോടെ, ഷൂട്ടിംഗ് സൈറ്റിൽ നിന്ന് വളരെ അകലെയല്ലാത്ത ഹൈവേ 19 ന് സമീപമുള്ള വീട് പോലീസ് വളഞ്ഞു. ഉച്ചകഴിഞ്ഞ് ടിവി വീഡിയോയിൽ പോലീസ് റോബോട്ടിനെ മുൻവശത്തെ സ്‌ക്രീൻ വാതിൽ വലിക്കാൻ ഉപയോഗിക്കുന്നത് കാണിച്ചു, തുടർന്ന് ഒരു ഡ്രോൺ അകത്തേക്ക് അയച്ചു. തന്ത്രപരമായി പോലീസ് സംഘം വീട്ടിലേക്ക് കണ്ണീർ വാതകം പ്രയോഗിച്ചതിന് ശേഷമാണ് സിംസണെ കസ്റ്റഡിയിലെടുത്തതെന്ന് പട്രോളിംഗ് തിങ്കളാഴ്ച ഉച്ചയോടെ സ്ഥിരീകരിച്ചതായി സെന്റ് ലൂയിസ് പോസ്റ്റ്-ഡിസ്പാച്ച് റിപ്പോർട്ട് ചെയ്തു.
പിടികൂടിയ സിംപ്‌സണിന് ഒരു നീണ്ട ക്രിമിനൽ ചരിത്രമുണ്ടെന്ന് റിപ്പോർട്ടുണ്ട്. 2004 മുതൽ നിലവിലുള്ള നിരവധി കേസുകളുണ്ട്. 2022 ഏപ്രിൽ മുതൽ അയാൾ ഒളിവിലായിരുന്നു.
വീരമൃത്യു വരിച്ച ഉദ്യോഗസ്ഥന്റെ കുടുംബത്തിന് അനുശോചനം രേഖപ്പെടുത്തുന്നതായി മിസോറി ഗവർണർ മൈക്ക് പാർസൺ ട്വീറ്റ് ചെയ്തു.
വാർത്തയും ചിത്രവും: : പി പി ചെറിയാൻ
Content Highlights: Missouri, Shot dead, Police officers
Also Watch
RELATED STORIES
IN CASE YOU MISSED IT
.jpg?$p=79c0b37&q=0.8&f=16x11&w=104)
.jpg?$p=430c1f1&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..