ജിഐസി ന്യൂയോര്‍ക്ക് ചാപ്റ്റര്‍ ഭാരവാഹികളുടെ സ്ഥാനാരോഹണവും പ്രവര്‍ത്തനോദ്ഘാടനവും നടന്നു


.

ന്യൂയോര്‍ക്ക്: 2022 ഒക്ടോബര്‍ 10 ന്, മന്‍ഹാട്ടനില്‍ ഇന്ത്യന്‍ ഉടമസ്ഥതയിലുള്ള ആഡംബര ഹോട്ടലായ ഹയാറ്റില്‍ ഗ്ലോബല്‍ ഇന്ത്യന്‍ കൗണ്‍സില്‍ (ജിഐസി) ന്യൂയോര്‍ക്ക് ചാപ്റ്റര്‍ ഭാരവാഹികളുടെ സ്ഥാനാരോഹണവും പ്രവര്‍ത്തനോദ്ഘാടനവും സംഘടിപ്പിച്ചു. ചടങ്ങില്‍ സിറ്റിംഗ് ജഡ്ജി ബിജു കോശി സംഘടനയുടെ ന്യൂയോര്‍ക്ക് ചാപ്റ്ററിന്റെ ഭാരവാഹികള്‍ക്ക് പ്രതിജ്ഞ ചൊല്ലിക്കൊടുത്തു.

ക്രിസ്റ്റല്‍ ഷാജന്റെ അമേരിക്കന്‍ ദേശീയഗാനത്തോടെയാണ് ചടങ്ങ് ആരംഭിച്ചത്, തുടര്‍ന്ന് എല്ലാ അംഗങ്ങളും ഒരുമിച്ച് ഇന്ത്യന്‍ ദേശീയഗാനം ആലപിച്ചു;



ഗ്ലോബല്‍ ജനറല്‍ സെക്രട്ടറി സുധീര്‍ നമ്പ്യാര്‍ സ്ഥാനാരോഹണ ചടങ്ങിലേക്ക് ഏവരെയും സ്വാഗതം ചെയ്യുകയും ഗ്ലോബല്‍ അസോസിയേറ്റ് ട്രഷറര്‍ ടോം ജോര്‍ജ്ജ് കോലത്ത് ഭാരവാഹികളുടെ പട്ടിക പ്രഖ്യാപിക്കുകയും ചെയ്തു. ഗ്ലോബല്‍ പ്രസിഡന്റ് പി.സി. മാത്യു അവിടെ പങ്കെടുത്ത സദസ്സിനെയും നാല് ഭൂഖണ്ഡങ്ങളില്‍ നിന്നുള്ള എല്ലാ അംഗങ്ങളെയും ഒരു സൂം പ്ലാറ്റ്ഫോമില്‍ അഭിസംബോധന ചെയ്തു.

പ്രസിഡന്റ് പി സി മാത്യു സമ്മേളനത്തെ അഭിസംബോധന ചെയ്തുകൊണ്ട് ജി ഐ സി യുടെ ദര്‍ശനവും ദൗത്യവും വിശദീകരിച്ചു. സ്റ്റോക്കുകള്‍, ക്രിപ്റ്റോകറന്‍സികള്‍, വിദ്യാഭ്യാസ ഇവന്റുകള്‍ എന്നിവയുടെ അവബോധം വളര്‍ത്തുന്നതിന് ഈ സംഘടനയില്‍ ഒരു സെഗ്മെന്റ് ഉണ്ടായിരിക്കും. സിനിമകള്‍ ഈ നൂറ്റാണ്ടിലെ ഏറ്റവും സ്വാധീനമുള്ള മാധ്യമമായതിനാല്‍, ഗാന്ധിജിയുടെ ജീവിതത്തെ സ്പര്‍ശിക്കുന്ന 'ദി ഫൂട്ട്പ്രിന്റ്സ്' എന്ന ഹ്രസ്വ ഫീച്ചര്‍ ഫിലിം ജിഐസി പൂര്‍ത്തിയാക്കിയിട്ടുണ്ടെന്നും അദ്ദേഹം പറഞ്ഞു.

ന്യൂയോര്‍ക്ക് ചാപ്റ്റര്‍ ഗ്ലോബല്‍ ഇന്ത്യന്‍ കൗണ്‍സില്‍ അംഗങ്ങള്‍ ഡോ.അനില്‍ പൗലോസ്, (പ്രസിഡന്റ്), അറ്റോണി കല്പനാ നാഗമ്പള്ളി (വൈസ് പ്രസിഡന്റ്), പ്രകാശ് പശിപതി (സെക്രട്ടറി), ഡോ.ശീതള്‍ ദേശായി (അസോസിയേറ്റ് സെക്രട്ടറി), രാജീന്ദര്‍ കൗര്‍ സിംഗ് (ട്രഷറര്‍), പീറ്റര്‍ തോമസ് (അസോസിയേറ്റ് ട്രഷറര്‍), ആന്‍ഡ്രൂസ് കുന്നുപറമ്പില്‍(സ്റ്റേറ്റ് കോര്‍ഡിനേറ്റര്‍), സജി തോമസ് (മീഡിയ & ബിസിനസ് പ്രമോഷന്‍), ത്രിലോക് മാലിക് (സ്റ്റേറ്റ് കോര്‍ഡിനേറ്റര്‍), മൊഹിന്ദര്‍സിംഗ് തനേജ (ബ്രാന്‍ഡ് അംബാസഡര്‍), എലിസബത്ത് പൗലോസ് (ഗ്ലോബല്‍ ബിസിനസ് സെന്റര്‍ ഓഫ് എക്‌സലന്‍സ് കോചെയര്‍) എന്നിവര്‍ സത്യപ്രതിജ്ഞ ചെയ്ത് ഭാരവാഹിത്വം ഏറ്റെടുത്തു.

എംസിയായിരുന്ന ഡോ.താരാ ഷാജന്‍, എന്തുകൊണ്ടാണ് ജിഐസി മറ്റ് സംഘടനകളില്‍ നിന്ന് വ്യത്യസ്തമാകുന്നതെന്നും, സമൂഹത്തിന് പ്രയോജനപ്പെടുന്ന തരത്തില്‍ ജീവിതത്തിന്റെ വിവിധ മേഖലകളില്‍ നിന്നുള്ള എല്ലാ വൈദഗ്ധ്യവും പ്രയോജനപ്പെടുത്തേണ്ടതിന്റെ പ്രാധാന്യവും അവര്‍ സൂചിപ്പിച്ചു. ന്യൂയോര്‍ക്ക് ചാപ്റ്ററിനെ പ്രതിനിധീകരിച്ച് ഗ്ലോബല്‍ കമ്മിറ്റിയില്‍ നിന്നുള്ള ഗ്ലോബല്‍ അംബാസഡര്‍ ശോശാമ്മ ആന്‍ഡ്രൂസും ഉഷാ ജോര്‍ജും. ന്യൂയോര്‍ക്ക് ചാപ്റ്റര്‍ ഗുഡ്വില്‍ അംബാസഡര്‍ ആന്‍ഡ്രൂസ് കുന്നുംപറമ്പില്‍ എന്നിവര്‍ ആശംസകള്‍ അര്‍പ്പിച്ചുകൊണ്ട് ന്യൂയോര്‍ക്കില്‍ മികച്ച ഒരു ടീമിനെ വളര്‍ത്തിയെടുക്കുന്നതിനും ആതിഥ്യമരുളുന്നതിനും മുന്‍കൈ എടുത്ത ഡോ.അനില്‍ പൗലോസിനെ വിശിഷ്യാ അഭിനന്ദിച്ചു.

ന്യൂയോര്‍ക്ക് ചാപ്റ്ററിന്റെ പ്രസിഡന്റായി തന്നെ തിരഞ്ഞെടുത്തതിന് ഡോ.അനില്‍ വി പൗലോസ് ആഗോള ജിഐസി നേതൃത്വത്തിനും ജീവിതത്തിന്റെ എല്ലാ മേഖലകളിലും തനിക്ക് പിന്തുണയുമായി എപ്പോഴും ഒപ്പമുള്ള ഭാര്യ എലിസബത്ത് പൗലോസിനും നന്ദി പറഞ്ഞു. 'ലോകമെമ്പാടുമുള്ള സഹ ഇന്ത്യക്കാരുമായി ഒരു കമ്മ്യൂണിറ്റിയായി സേവിക്കുകയും പിന്തുണയ്ക്കുകയും ഒത്തുചേരുകയും ചെയ്യുന്ന ഈ സംഘടനയുടെ ഭാഗമാകാന്‍ കഴിഞ്ഞത് ഒരു ബഹുമതിയും പദവിയുമാണ്'. ന്യൂയോര്‍ക്ക് ചാപ്റ്റര്‍ രൂപീകരിക്കാന്‍ മുന്‍കൈയെടുത്ത ടോം ജോര്‍ജിനും ആഗോള ജിഐസി നേതൃത്വവുമായ പി സി മാത്യു, സുധീര്‍ നമ്പ്യാര്‍, താരാ ഷാജന്‍ എന്നിവര്‍ക്കും ഡോ.പൗലോസ് നന്ദി പറഞ്ഞു. എല്ലാ ന്യൂയോര്‍ക്ക് ചാപ്റ്റര്‍ ടീം അംഗങ്ങള്‍ക്കും, എല്ലാ കമ്മിറ്റി അംഗങ്ങള്‍ക്കും, അംബാസഡര്‍മാര്‍ക്കും, അംഗങ്ങള്‍ക്കും, അവരുടെ വിലയേറിയ സമയത്തിനും സംഭാവനകള്‍ക്കും ഡോ.പൗലോസ് നന്ദി പറഞ്ഞു.

ഡോ.താരാ ഷാജന്‍ നന്ദി രേഖപ്പെടുത്തിയതോടൊപ്പം ഗ്ലോബല്‍ പ്രസിഡന്റ് പി സി മാത്യു, സുധീര്‍ നമ്പ്യാര്‍, ടോം ജോര്‍ജ്, ഗ്ലോബല്‍ ഗുഡ്വില്‍ അംബാസഡര്‍ ഡോ.ജിജ മാധവന്‍ ഹരി സിംഗ്, ഡോ.രാജ്മോഹന്‍ പിള്ള (ഗ്ലോബല്‍ ബിസിനസ് ചെയര്‍), ഡോ.മാത്യൂ ജോയിസ് (ഗ്ലോബല്‍ മീഡിയാ ചെയര്‍), നാരായണ്‍ ജംഗ (യുവജനം), സീമ ബാലസുബ്രഹ്‌മണ്യം (പബ്ലിക് റിലേഷന്‍സ്) ദിലീപ് ചൗഹാന്‍, സുനില്‍ ഹാലി, ബ്രാന്‍ഡ് അംബാസഡര്‍ ഋഷി രാജ് സിങ് എന്നിവരുടെ പ്രോത്സാഹനത്തിനും പിന്തുണയ്ക്കും എല്ലാവരോടും നന്ദി പറഞ്ഞു, വിഭവസമൃദ്ധമായ സദ്യയോടെ ചടങ്ങുകള്‍ സമാപിച്ചു.

Content Highlights: gic


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022


Arif Muhammed Khan

1 min

143 ദിവസം സംസ്ഥാനത്തിനു പുറത്ത്, ചെലവാക്കിയത് 1 കോടിയിലധികം; മാര്‍ഗനിര്‍ദേശങ്ങള്‍ പാലിക്കാതെ ഗവര്‍ണർ

Dec 5, 2022


04:02

'ലൈലാ ഓ ലൈലാ...' എവർ​ഗ്രീൻ ഡിസ്കോ നമ്പർ | പാട്ട് ഏറ്റുപാട്ട്‌

Sep 26, 2022

Most Commented