.
ന്യൂയോർക്ക്: ജൂൺ ആദ്യം ന്യൂയോർക്കിൽ ലോക കേരള സഭയുടെ അമേരിക്ക റീജിയൻ സമ്മേളനം നടത്താനുള്ള തീരുമാനം ഫോമ പ്രസിഡണ്ടും ലോക കേരള സഭാംഗവുമായ ഡോ. ജേക്കബ് തോമസ് സ്വാഗതം ചെയ്‌തു.
മുഖ്യമന്ത്രി പിണറായി വിജയനും ഏതാനും മന്ത്രിമാരും പങ്കെടുക്കുന്ന സമ്മേളനത്തിന് ചുക്കാൻ പിടിക്കുന്നത് നോർക്കയാണ് (Department of Non-Resident Keralites Affairs). ഇതാദ്യമായാണ് ഇത്തരമൊരു സമ്മേളനം അമേരിക്കയിൽ. സമ്മേളനത്തിന് സംഘടനകളുടെ സഹകരണം സർക്കാർ അഭ്യർത്ഥിച്ചിരുന്നു. യൂറോപ്പ് റീജിയണൽ സമ്മേളനം നേരത്തെ ലണ്ടനിൽ നടക്കുകയുണ്ടായി.
അമേരിക്കയിലും കാനഡയിലുമുള്ള പ്രവാസികൾക്കു തങ്ങളുടെ ആവശ്യങ്ങളും നിലപാടുകളും അറിയിക്കാൻ സമ്മേളനം വേദിയാകും. അതുപോലെ കേരളത്തിൽ നിക്ഷേപം നടത്താൻ ആഗ്രഹിക്കുന്നവർക്ക് വ്യക്തമായ മാർഗനിർദേശങ്ങളും നിക്ഷേപസാധ്യതയുള്ള മേഖലകളും അധികൃതർ തന്നെ വിശദീകരിച്ചു നൽകും. ഈ സമ്മേളനം എന്തുകൊണ്ടും സുപ്രധാനമായിരിക്കുമെന്ന് ഡോ. ജേക്കബ് തോമസ് പറഞ്ഞു. കേരളത്തിലെ നിക്ഷേപമാണ് സർക്കാർ പ്രധാനമായും ഇത്തരം സമ്മേളനങ്ങളിലൂടെ ലക്ഷ്യമിടുന്നത്.
സാംസ്കാരിക തലത്തിലുള്ള ആശയവിനിമയത്തിനും സമ്മേളനം വേദിയാകും. നോർക്ക വൈസ് ചെയർമാൻ ശ്രീരാമകൃഷ്ണൻ, കെ. വാസുകി ഐ എ എസ് തുടങ്ങിയവരും സമ്മേളനത്തിനെത്തും.
സമ്മേളനം വിജയിപ്പിക്കാൻ എല്ലാവിധ പിന്തുണയും നൽകുമെന്ന് ഫോമാ ജനറൽ സെക്രട്ടറി ഓജസ് ജോൺ, ട്രഷറര്‍ ബിജു തോണിക്കടവില്‍, വൈസ് പ്രസിഡന്റ് സണ്ണി വള്ളിക്കളം, ജോ. സെക്രട്ടറി ഡോ. ജയ്മോൾ ശ്രീധർ, ജോയിന്റ് ട്രഷറര്‍ ജെയിംസ് ജോര്‍ജ് എന്നിവർ അറിയിച്ചു.
വാർത്തയും ചിത്രവും: ജോയിച്ചൻ പുതുകുളം
Content Highlights: FOMAA,Lok Kerala Sabha,NEW YORK, norka
Also Watch
RELATED STORIES
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=79c0b37&f=1x1&w=100&q=0.8)
.jpg?$p=79c0b37&q=0.8&f=16x11&w=104)
.jpg?$p=430c1f1&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..