Photo: REUTERS/Stephanie McGehee/File Photo
കുവൈത്ത് സിറ്റി: കുവൈത്തില്‍ നിലവിലുള്ള പാര്‍ലമെന്റിനെ അസാധുവാക്കി, പഴയ പാര്‍ലിമെന്റിനെ പുനസ്ഥാപിച്ചു. 2020-ല്‍ പാര്ലമെന്റ് പിരിച്ചു വിട്ട നടപടി ഭരണഘടനാ വിരുദ്ധമായി പ്രഖ്യാപിച്ചുകൊണ്ട് ഭരണഘടനാ കോടതിയാണ് സുപ്രധാന വിധി പുറപ്പെടുവിച്ചത്. ജസ്റ്റിസ് മുഹമ്മദ് അല്‍ നാജിയുടെ നേതൃത്വത്തിലുള്ള ബെഞ്ചാണ് വിധി പ്രഖ്യാപിച്ചത്.
ഇതോടെ 2022 സെപ്റ്റംബര്‍ മാസം നടന്ന പാര്ലമെന്റ് തിരഞ്ഞെടുപ്പും അതില്‍ വിജയികളായ മുഴുവന്‍ സ്ഥാനാര്‍ഥികളും (നിലവിലെ പാര്ലമെന്റ് അംഗങ്ങള്‍) അസാധുവാകുകയും 2020-ല്‍ തിരഞ്ഞെടുക്കപ്പെട്ട അംഗങ്ങള്‍ പദവിയില്‍ തിരികെ എത്തുകയും ചെയ്യും.
2022 ജൂലായിലാണ് രണ്ട് വര്‍ഷം പ്രായമായ പാര്ലമെന്റ് പിരിച്ചു വിട്ട് തിരഞ്ഞെടുപ്പ് പ്രഖ്യാപിച്ചത്. ഈ നടപടിക്കെതിരേ അഞ്ച് മണ്ഡലങ്ങളില്‍ നിന്നുള്ള എം.പിമാര്‍ നല്‍കിയ ഹര്‍ജി പരിഗണിച്ചുകൊണ്ടാണ് അപൂര്‍വ്വമായ വിധി.
അമീറിന്റെ പ്രത്യേക ഉത്തരവിനെ തുടര്‍ന്ന് പാര്ലമെന്റ് പിരിച്ചു വിടപ്പെടുന്ന നിരവധി സംഭവങ്ങള്‍ ഉണ്ടായിട്ടുണ്ടെങ്കിലും 2012-നു ശേഷം ഇത് ആദ്യമായാണ് ഭരണഘടനാ കോടതിയുടെ ഉത്തരവിനെ തുടര്‍ന്ന് രാജ്യത്ത് ഇത്താരമൊരു രാഷ്ട്രീയ സാഹചര്യം ഉടലെടുക്കുന്നത്. 2020 ഡിസംബറില്‍ നിലവില്‍ വന്ന പാര്‍ലമെന്റിന് അടുത്ത വര്‍ഷം ഡിസംബര്‍ വരെ കാലാവധിയുണ്ടാകും.
Content Highlights: The existing parliament in Kuwait was abolished
Also Watch
RELATED STORIES
.jpg?$p=a80322e&q=0.8&f=16x11&w=104)
.jpg?$p=fdf1e0b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..