.
മനാമ: ഹുവാവെ മിഡില്‍ ഈസ്റ്റ് സംഘടിപ്പിച്ച ഐസിടി മത്സരത്തില്‍ മേഖല തലത്തില്‍ മൂന്നാം സ്ഥാനം നേടിയ ബഹ്റൈന് ടീമിനെ ബഹ്റൈനിലെ ഹുവാവെ ഗ്രൂപ്പ് ആദരിച്ചു. ഗതാഗതവകുപ്പ് മന്ത്രി മുഹമ്മദ് ബിന്‍ തമീര്‍ അല്‍ കാബിയുടെ സാന്നിധ്യത്തില്‍ മനാമ റീജന്‍സി ഇന്റര്‍കോണ്ടിനെന്റല്‍ ഹോട്ടലില്‍ സംഘടിപ്പിച്ച ചടങ്ങില്‍ ചൈനീസ് എംബസി ചാര്‍ജ് ഡി അഫയേഴ്‌സ് ലിയൂഖിങ് അടക്കം നിരവധി വിശിഷ്ട വ്യക്തിത്വങ്ങളും മാധ്യമ പ്രവര്‍ത്തകരും പങ്കെടുത്തു. ബഹ്റൈനില്‍ നിന്ന് ദാന കമല്‍, ഹുസൈന്‍ ഹസ്സന്‍, ജൗഡ് എന്നിവരടങ്ങിയ ടീം ആണ് പ്രശസ്ത വിജയം കൈവരിച്ചത്. ഈ മത്സരത്തില്‍ 11 രാജ്യങ്ങളില്‍ നിന്നുള്ള 472 യൂണിവേഴ്‌സിറ്റികളെ പ്രതിനിധീകരിച്ച് 19,300 യുവ സാങ്കേതിക പ്രതിഭകള്‍ മാറ്റുരച്ചു. എന്നാല്‍ ഫൈനലില്‍ എത്തിയ 15 ടീമില്‍ നിന്നാണ് ബഹ്റൈന് മൂന്നാം സ്ഥാനത്തെത്തിയതെന്നത് ശ്രദ്ധേയമാണ്. ബഹ്റൈന് ഗതാഗതവകുപ്പ് മന്ത്രി മുഹമ്മദ് ബിന്‍ തമീര്‍ അല്‍ കാബി പ്രതികരിച്ചു. ബഹ്റൈന് ടീം മൂന്നാം സ്ഥാനത്തെത്തിയതില്‍ അഭിമാനിക്കുന്നുവെന്ന് വിജയികളെ അഭിനന്ദിച്ചുകൊണ്ടു മന്ത്രി പറഞ്ഞു. നമ്മുടെ ഭാവിയിലേക്കുള്ള ഡിജിറ്റല്‍ സമ്പദ്വ്യവസ്ഥയെ മുന്നോട്ടു നയിക്കുന്നതില്‍ യുവാക്കളുടെ പങ്ക് അഭിനന്ദനീയമാണ്. ഇതിനു മന്ത്രാലയത്തില്‍നിന്നുള്ള എല്ലാവിധ പിന്തുണയും ഉണ്ടാകുമെന്നും മന്ത്രി വാഗ്ദാനം ചെയ്തു.
ആരോഗ്യകരമായ മത്സരമെന്നതിലുപരി പ്രാദേശിക യുവപ്രതിഭകളെ വളര്‍ത്തിയെടുക്കാനുള്ള പ്രതിജ്ഞാബദ്ധമായ ഒരു ശ്രമം കൂടിയാണിതെന്നു ചടങ്ങില്‍ പങ്കെടുത്ത ചൈനീസ് എംബസി ചാര്‍ജ് ഡി അഫായേഴ്‌സ് ലിയൂഖിങ് സൂചിപ്പിച്ചു. ഈ വാര്‍ഷിക ആഘോഷത്തിന്റെ തുടര്‍ച്ചയായ വിജയം സൂചിപ്പിക്കുന്നത് ഈ മേഖലയിലെ പ്രതിഭകളായ യുവാക്കളുടെ ആത്മാര്‍ത്ഥമായ പങ്കാളിത്തം തന്നെയാണെന്നും അതില്‍ അഭിമാനിക്കുന്നുവെന്നും ഹുവാവെ ബഹ്റൈന് ചീഫ് എക്‌സിക്യൂട്ടീവ് ഓഫീസര്‍ ഇഥന്‍ സണ്‍ പ്രതികരിച്ചു. യുവാക്കളുടെ പ്രതിഭാ സമ്പന്നതയെ പ്രോത്സാഹിപ്പിക്കുന്നതിന് തങ്ങള്‍ പ്രതിജ്ഞാബദ്ധരാണ്. രാജ്യത്തിന്റെ സാമ്പത്തിക, സാമൂഹിക അടിത്തറയും സമ്പദ്‌വ്യവസ്ഥയും ഉയര്‍ത്തിക്കാട്ടുന്നതില്‍ ഇത്തരം മത്സരങ്ങള്‍ പ്രോത്സാഹനമാണെന്നും ഇത്തരത്തിലുള്ള പിന്തുണ എന്നും ഈ രാജ്യത്തോട് ഉണ്ടാകുമെന്നും അദ്ദേഹം കൂട്ടിച്ചേര്‍ത്തു. 2017 ല്‍ ഐ സി ടി മത്സരങ്ങള്‍ക്ക് തുടക്കമിട്ട ശേഷം ഇതുവരെയായി 80,000 യുവ പ്രതിഭകള്‍ തങ്ങളുടെ കഴിവുകള്‍ വിനിയോഗിച്ചു മത്സരങ്ങളില്‍ പങ്കെടുത്തിട്ടുണ്ട്, അദ്ദേഹം പറഞ്ഞു.
Content Highlights: Bahrain team wins ICT
Also Watch
IN CASE YOU MISSED IT
.jpg?$p=79c0b37&f=1x1&w=100&q=0.8)
.jpg?$p=2922c1a&f=1x1&w=100&q=0.8)
.jpg?$p=79c0b37&q=0.8&f=16x11&w=104)
.jpg?$p=430c1f1&q=0.8&f=16x11&w=104)
.jpg?$p=2922c1a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..