മനാമ: ബഹ്റൈന് കേരളീയ സമാജം 2023-2024-ലേക്കുള്ള കുട്ടികളുടെ വിഭാഗം ഭരണസമിതിയുടെ സ്ഥാനാരോഹണ ചടങ്ങ് മേയ് 18 വ്യാഴാഴ്ച വൈകീട്ട് 8 മണിക്ക് സമാജം ഡയമണ്ട് ജൂബിലി ഹാളില്‍ നടത്തും. ഗോപു അജിത് പ്രസിഡണ്ടും അനിക് നൗഷാദ് സെക്രട്ടറിയുമായുള്ള 16 അംഗങ്ങള്‍ അടങ്ങിയ കമ്മിറ്റിയാണ് ചുമതല ഏല്‍ക്കുന്നത്.
സാറ സാജന്‍-വൈസ് പ്രസിഡന്റ്, സംവൃത് സതീഷ്-അസിസ്റ്റന്റ് സെക്രട്ടറി, മിലന്‍ വര്‍ഗീസ്-ട്രഷറര്‍, ഹിരണ്‍മയി അയ്യപ്പന്‍-അസിസ്റ്റന്റ് ട്രഷറര്‍, മീനാക്ഷി ഉദയന്‍-കലാവിഭാഗം സെക്രട്ടറി, റിയ റോയ്-അസിസ്റ്റന്റ് കലാവിഭാഗം സെക്രട്ടറി, ശ്രേയസ് രാജേഷ്-മെമ്പര്‍ഷിപ്പ് സെക്രട്ടറി, മിത്ര പാര്‍വതി, വൈഷ്ണവി സന്തോഷ്, ദില്‍ന മനോജ്, എന്നിവര്‍ അസിസ്റ്റന്റ് മെമ്പര്‍ഷിപ്പ് സെക്രട്ടറി, ഐഡന്‍ മാതെന്‍ ബിനു-സാഹിത്യ വിഭാഗം സെക്രട്ടറി, ആയിഷ നിയാസ്-സാഹിത്യ വിഭാഗം അസിസ്റ്റന്റ് സെക്രട്ടറി, രോഹിത് രാജീവ്-സ്‌പോര്‍ട്‌സ് സെക്രട്ടറി, നിദില്‍ ദിലീഷ്-അസിസ്റ്റന്റ് സ്‌പോര്‍ട്‌സ് സെക്രട്ടറി അടങ്ങിയ 16 അംഗ ഭരണ സമിതി ആണ് ചുമതല ഏല്‍ക്കുന്നത്.
കുട്ടികളുടെ ഭരണ സമിതിക്കൊപ്പം അവര്‍ക്കു വേണ്ട എല്ലാ സഹകരണവും, പ്രോത്സാഹനവും നല്‍കുന്നതിനായി കുട്ടികളുടെ പാട്രണ്‍ കമ്മിറ്റിയും ചുമതല ഏല്‍ക്കുന്നുണ്ട്. മനോഹരന്‍ പാവറട്ടി-കണ്‍വീനര്‍ ആയും, മായ ഉദയന്‍, ജയ രവികുമാര്‍ എന്നിവര്‍ ജോയിന്റ് കണ്‍വീനര്‍ ആയും, അഭിലാഷ് വെള്ളുക്കൈ, സതീഷ് കെ, ഷിബു ജോണ്‍, എസ് കൃഷ്ണകുമാര്‍, പ്രദീഷ് ജോസഫ്, ജെസ്ലി കലാം,ജയ ഉണ്ണികൃഷ്ണന്‍, നീതു സലീഷ്, ബബിത ജഗദീഷ്, എന്നിവര്‍ കമ്മിറ്റി അംഗങ്ങളായും ആണ് പാട്രണ്‍ കമ്മിറ്റി.
ചലച്ചിത്ര താരം മധുപാല്‍ ചടങ്ങില്‍ മുഖ്യാതിഥി ആയിരിക്കും. ഉദ്ഘാടന ചടങ്ങിനോട് അനുബന്ധിച്ച് കുട്ടികള്‍ അവതരിപ്പിക്കുന്ന വിവിധ കലാപരിപാടികള്‍ വേദിയില്‍ അരങ്ങേറും. സംഗീത അധ്യാപിക ദിവ്യ ഗോപകുമാറിന്റെ ശിഷ്യര്‍ ഒരുക്കുന്ന സംഘഗാനം, ബഹ്റൈനിലെ നൃത്ത അധ്യാപകരായ സ്വാതി വിപിന്‍, അഭിരാമി സഹരാജന്‍, ശ്യാം ചന്ദ് എന്നിവര്‍ സംവിധാനം നിര്‍വ്വഹിക്കുന്ന സംഘ നൃത്തം, ലോക പ്രസിദ്ധ ചിത്രകാരന്‍ ലിയനാര്‍ഡോ ഡാവിഞ്ചിയുമായി ബന്ധപ്പെടുത്തി ചിക്കൂസ് ശിവന്‍ രചിച്ച 'തിരുവത്താഴം' എന്ന ലഘു നാടകം എന്നിവ വേദിയില്‍ അവതരിപ്പിക്കും. സന്തോഷ്, ഐഡന്‍ ആഷ്ലി, ആരോണ്‍, ജൂഹാന്‍, ഐഡന്‍ ഷിബു, ആതി അനീഷ്, നര്‍ത്തകരായി ഇരുപതോളം കൊച്ചു കുട്ടികളും ഇതില്‍ പങ്കെടുക്കുന്നു. നാടകം സംവിധാനം നിര്‍വ്വഹിക്കുന്നത് മനോഹരന്‍ പാവറട്ടി, സഹ സംവിധാനം ജയ രവികുമാര്‍, ദീപ സംവിധാന നിയന്ത്രണം കൃഷ്ണകുമാര്‍ പയ്യന്നൂര്‍, വിഷ്ണു നാടകഗ്രാമം, സംഗീത നിയന്ത്രണം ഐശ്വര്യമായ, ശബ്ദ നിയന്ത്രണം പ്രദീപ് ചോന്നമ്പി, രംഗ സജ്ജീകരണം മനോജ് യൂ സദ്ഗമയ, ചമയം-ശ്യാം ചന്ദ്, ഡ്രാമ കോര്‍ഡിനേഷന്‍ മായ ഉദയന്‍. ബി. കെ.എസ് സ്‌കൂള്‍ ഓഫ് ഡ്രാമയുടെ സഹകരണത്തോടെയാണ് നാടകം അവതരിപ്പിക്കുന്നത്.
ഉദ്ഘാടനശേഷം മേയ് 19, 20 തിയതികളിലായി ഡോപ ബഹ്‌റൈനും, സക്‌സസ് സ്റ്റെപ്‌സും സംയുക്തമായി മധുപാല്‍, ഡോ. ആഷിക് സൈനുദീന്‍, അനീഷ് നിര്‍മലന്‍ എന്നിവരുടെ നേതൃത്വത്തില്‍ കരിയര്‍ ഡവലപ്‌മെന്റ് ക്യാമ്പ് സംഘടിപ്പിച്ചിട്ടുണ്ട്. 10 മുതല്‍ 18 വയസ്സ് വരെ പ്രായമുള്ള കുട്ടികള്‍ക്കാണ് ക്യാമ്പില്‍ പ്രവേശനം.
സമാജത്തിന്റ മറ്റു ഉപവിഭാഗങ്ങള്‍ക്കൊപ്പം വളരെ പ്രാധാന്യം അര്‍ഹിക്കുന്ന പ്രവര്‍ത്തനങ്ങള്‍ കാഴ്ച്ച വയ്ക്കുന്ന ബി കെ എസ് ചില്‍ഡ്രന്‍സ് വിംഗ് എന്നെന്നും കുട്ടികളുടെ ഉന്നമനത്തിനായുള്ള പ്രവര്‍ത്തനം കാഴ്ചവെക്കുമെന്നും, മേയ് 18ന് നടക്കുന്ന ഉദ്ഘാടന ചടങ്ങില്‍ പങ്കെടുക്കണമെന്നും കുട്ടികളെ പ്രോത്സാഹിപ്പിക്കണമെന്നും സമാജം പ്രസിഡന്റ്പി വി. രാധാകൃഷ്ണപിള്ള, സെക്രട്ടറി വര്‍ഗീസ് കാരക്കല്‍, വൈസ് പ്രസിഡന്റ് ദേവദാസ് കുന്നത്ത് എന്നിവര്‍ അഭ്യര്‍ത്ഥിച്ചു.
Content Highlights: bahrain keraleeya samajam
Also Watch
RELATED STORIES
.jpg?$p=a80322e&f=1x1&w=100&q=0.8)
IN CASE YOU MISSED IT
.jpg?$p=dd5ad99&f=1x1&w=100&q=0.8)
.jpg?$p=dd5ad99&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..