വേമ്പനാട്ടുകായലില്‍ 84-വര്‍ഷം മുന്‍പ് മനുഷ്യന്റെ കൈ കരുത്തിലും ഇച്ഛാശക്തിയിലും കുത്തി ഉയര്‍ത്തപ്പെട്ട ഭൂമിയാണ് ആര്‍-ബ്ലോക്ക്. കായലില്‍ നിന്ന് ചെളി കുത്തിയെടുത്ത് ഉണ്ടാക്കിയതാണ് 1540 ഏക്കര്‍ വിസ്തൃതിയും,10.75 കിലോമീററര്‍ ചുറ്റളവുമുള്ള ഈ വിസ്മയ ഭൂമി. ആലപ്പുഴയില്‍ നിന്ന് പതിനൊന്നു കിലോമീറ്റര്‍ ജലമാര്‍ഗ്ഗം സഞ്ചരിച്ചാണ് ഇവിടെ എത്തുന്നത്. ജല നിരപ്പില്‍ നിന്ന് രണ്ടര മീറ്റര്‍ താഴെയുള്ള ഈ പ്രദേശത്ത് ഇരുപത്തി നാലു മണിക്കൂറും മോട്ടോര്‍ ഉപയോഗിച്ച് വെള്ളം വറ്റിച്ചാണ് കൃഷി ചെയ്തിരുന്നത്. നെല്‍ കൃഷിയും കരകൃഷിയും വിജയകരമായി ചെയ്തിരുന്ന ഇവിടെ തെങ്ങും, മാവും, പുളിയും തുടങ്ങി എല്ലാത്തരം ഫലവൃക്ഷങ്ങളും ഉണ്ടായിരുന്നു.നൂറുകണക്കിന് ആളുകള്‍ ജോലിക്കായി എത്തിയിരുന്ന ഈ പ്രദേശം കുട്ടനാടിന്റെ 'ഗള്‍ഫ്' ആയിരുന്നു. കാര്‍ഷിക രംഗത്തെ തകര്‍ച്ചയും വെള്ളപ്പൊക്കവും ആര്‍-ബ്ലോക്കിന്റെ പ്രതാപ കാലം അവസാനിപ്പിച്ചു. മോട്ടോറുകള്‍ പ്രവര്‍ത്തിക്കാതായതോടെ കൃഷി ആകെ നശിച്ചു. വീടുകളില്‍ വെള്ളം കയറി ദുരിതമനുഭവിക്കുകയാണ് ഇവിടെയുള്ളവര്‍. പ്രതാപകാലത്ത് 250-തോളം കുടുംബങ്ങള്‍ ഉണ്ടായിരുന്ന ഇവിടെ ഇന്നവശേഷിക്കുന്നത് 15-ഓളം കുടുംബങ്ങള്‍ മാത്രം. ടൂറിസ്റ്റുകളുമായി വേമ്പനാടു കായലിലെത്തുന്ന ഹൗസ് ബോട്ടുകള്‍ ഈ വിസ്മയ ഭൂമി കാണാന്‍ ആര്‍-ബ്ലോക്കിനെ ചുറ്റിയാണ് കടന്നു പോകുന്നത്.ആര്‍-ബ്ലോക്കിന്റെ നഷ്ടപ്രതാപത്തെ തിരിച്ചു കൊണ്ടു വരുവാന്‍ കൃഷിക്കു പുറമേ ഇപ്പോള്‍ മികച്ച ടൂറിസം സാധ്യതകളും നിലനില്‍ക്കുന്നു.
ചിത്രങ്ങളും എഴുത്തും: സി.ബിജു.
ആര്‍-ബ്ലോക്കിലേക്ക്
ബോട്ട് അടുക്കാത്ത ബോട്ട് ജെട്ടി
ജലനിരപ്പിന് താഴേയുള്ള കെട്ടിടം
നഷ്ടപ്രതാപത്തിന്റെ ബാക്കി പത്രം
പമ്പ് ഹൗസ്
തകര്ന്നു കിടക്കുന്ന പമ്പ് ഹൗസുകളിലൊന്ന്
മാസങ്ങളായി വെള്ളം കയറിക്കിടക്കുന്ന വീടുകളും ,പുരയിടവും
മാസങ്ങളായി വെള്ളം കയറിക്കിടക്കുന്ന വീടുകളും ,പുരയിടവും
മാസങ്ങളായി വെള്ളം കയറിക്കിടക്കുന്ന വീടുകളും ,പുരയിടവും
മാസങ്ങളായി വെള്ളം കയറിക്കിടക്കുന്ന വീടുകളും ,പുരയിടവും
മാസങ്ങളായി വെള്ളം കയറിക്കിടക്കുന്ന വീടുകളും ,പുരയിടവും
മാസങ്ങളായി വെള്ളം കയറിക്കിടക്കുന്ന വീടുകളും ,പുരയിടവും
വില കിട്ടാതെ കൂട്ടിയിട്ടിരിക്കുന്ന നാളികേരം
പുല്ല് ചെത്തി കൊണ്ടു പോകുന്ന തൊഴിലാളി
ആര്‍-ബ്ലോക്കിലേത്തുന്ന ഹൗസ് ബോട്ടുകള്‍
