• News
  • Views
  • Videos
  • Movies
  • Sports
  • Money
  • Women
  • Pathanamthitta
More
Hero Hero
  • Thiruvananthapuram
  • Kollam
  • PTA
  • Alappuzha
  • KTM
  • Idukki
  • EKM
  • Thrissur
  • Palakkad
  • Malappuram
  • Kozhikode
  • Wayanad
  • Kannur
  • Kasaragod

തിരുവാറന്മുള ഓണസദ്യ: നിയോഗം നിറവേറ്റാൻ മങ്ങാട്ട് ഭട്ടതിരി പുറപ്പെട്ടു

Sep 9, 2019, 07:00 AM IST
A A A
# കാണക്കാരി രവി
kumaranallur
X

തിരുവാറന്മുളയപ്പന് ഓണവിഭവങ്ങള്‍ സമര്‍പ്പിക്കാന്‍, കുമാരനല്ലൂര്‍ മങ്ങാട്ട് ഇല്ലത്ത് നാരായണ ഭട്ടതിരി വളവരവെച്ച ചുരുളന്‍വള്ളത്തില്‍ ഇല്ലക്കടവില്‍നിന്ന് പുറപ്പെടുന്നു

കോട്ടയം: തിരുവാറന്മുള പാർഥസാരഥി ഭഗവാന്റെ തിരുവോണസദ്യക്കുള്ള വിഭവസമർപ്പണത്തിന് കുമാരനല്ലൂർ മങ്ങാട്ടില്ലത്ത് നാരായണ ഭട്ടതിരി യാത്രതിരിച്ചു. മൂപ്പുമുറ കാരണവർ സ്ഥാനത്ത് ഭട്ടതിരിക്ക് ഇത് 21-ാം ഊഴം. ആചാരപ്പെരുമയും ഐതിഹ്യപരിവേഷവുമുള്ള ഭട്ടതിരിയുടെ തോണിയാത്ര മീനച്ചിൽ, കൊടൂർ, പമ്പയാറുകളുടെ തീരങ്ങളെ വിശ്വാസക്കുളിരണിയിക്കുന്ന ഓണക്കാഴ്ച.

മൂന്ന് തുഴച്ചിൽകാരോടൊപ്പം വളവരവെച്ച ചുരുളൻ വള്ളത്തിലാണ് ഭട്ടതിരിയുടെ യാത്ര. ഞായറാഴ്ച 12-ന് ഇല്ലക്കടവിൽനിന്ന് പുറപ്പെട്ട ഭട്ടതിരിയെ കുമാരനല്ലൂർ ദേവിയുടെ ദേശവഴിക്കാർ ആർപ്പും കുരവയുമായി യാത്രയയച്ചു.

ഞായറാഴ്ച വിശ്രമമില്ലാതെ തുഴഞ്ഞ് പൂരാടപ്പുലർച്ചെ കിടങ്ങറയിലെത്തും. അവിടെനിന്ന് ഒൻപതരയോടെ തിരുവല്ല മൂവടത്തുമഠത്തിലെത്തും. വിശ്രമത്തിനുശേഷം പമ്പയാറ്റിലൂടെ സന്ധ്യക്ക്‌ ആറന്മുളയെത്തി അതിഥിമന്ദിരത്തിൽ തങ്ങും. അന്ന് ക്ഷേത്രത്തിൽ കയറില്ല.

ഉത്രാടപ്പുലർച്ചെയാണ് തിരുവോണതോണി നയിക്കാൻ ഭട്ടതിരി കാട്ടൂരിലേക്ക് പുറപ്പെടുന്നത്.

വരവേൽപ്പിനൊരുങ്ങി കാട്ടൂർ

ഉത്രാടദിവസം, തന്റെ മൂലകുടുംബം സ്ഥിതിചെയ്തിരുന്ന കാട്ടൂരിലെത്തുന്ന ഭട്ടതിരിയെ കരക്കാർ സ്വീകരിക്കും. കാട്ടൂർ മഹാവിഷ്ണുക്ഷേത്രത്തിലെ ഉച്ചപ്പൂജ സമയത്ത് ദർശനം നടത്തും. ക്ഷേത്രസങ്കേതത്തിൽ വിശ്രമിക്കുന്ന ഭട്ടതിരി മഹാവിഷ്ണു ക്ഷേത്രത്തിലെ ദീപാരാധനയ്ക്കുശേഷം മേൽശാന്തി കൊളുത്തിക്കൊടുക്കുന്ന ഭദ്രദീപം തിരുവോണതോണിയിൽ പ്രതിഷ്ഠിക്കും. ഇതിനകം, പാരമ്പര്യ ആചാരപ്രകാരം തിരുവാറന്മുളയപ്പനുള്ള എല്ലാ ഓണവിഭവങ്ങളും കാട്ടൂർ കരക്കാർ തിരുവോണത്തോണിയിൽ നിറയ്ക്കും.

ചെലവ് മിച്ചം പണക്കിഴി ഭഗവാന്

തിരുവോണദിവസം ആറന്മുള ക്ഷേത്രത്തിൽ നടക്കുന്ന എല്ലാ ചടങ്ങുകളിലും പങ്കെടുക്കുന്ന ഭട്ടതിരി അത്താഴപൂജയ്ക്കുശേഷം ’ചെലവ് മിച്ചം’ എന്ന സങ്കല്പത്തിൽ പണക്കിഴി കാണിക്കയർപ്പിച്ച് കുമാരനല്ലൂരിലേക്ക്‌ മടങ്ങും.

കുമാരനല്ലൂർ ദേവിക്ക് സഹോദരി സങ്കല്പം

ആറന്മുള ദേശവഴിയിൽപ്പെട്ട കാട്ടൂരിൽ താമസക്കാരായിരുന്ന മങ്ങാട്ടു ഭട്ടതിരി കുടുംബം നൂറ്റാണ്ടുകൾക്ക് മുൻപ് കുമാരനല്ലൂരിൽ കുടിയേറിയത് പാർഥസാരഥി ഭഗവാൻറെ അഭീഷ്ടാനുസരണം ആയിരുന്നെന്ന് വിശ്വാസം. അക്കാലം മുതൽ ആറന്മുളയപ്പന് തിരുവോണസദ്യക്കുള്ള വിഭവസമർപ്പണം മങ്ങാട്ടില്ലത്തെ മൂപ്പുമുറക്കാർ നടത്തിപ്പോരുന്നു. കുമാരനല്ലൂർ മങ്ങാട്ടില്ലത്ത് ആറന്മുളയപ്പന് നിത്യപൂജ പതിവുണ്ട്. കുമാരനല്ലൂർ ദേവിക്ക് ആറന്മുളയപ്പന്റെ സഹോദരി സങ്കല്പമുണ്ടെന്നും നാരായണ ഭട്ടതിരി പറഞ്ഞു.

തിരുവഞ്ചൂർ രാധാകൃഷ്ണൻ എം.എൽ.എ., വാർഡ് കൗൺസിലർ അഡ്വ.ജി.ജയകുമാർ, ചരിത്രകാരൻ കെ.പി.ശ്രീരംഗനാഥൻ, കോൺഗ്രസ് മണ്ഡലം പ്രസിഡന്റ് സാബു മാത്യു തുടങ്ങിയവർ യാത്രയയയ്ക്കാനെത്തിയിരുന്നു.

PRINT
EMAIL
COMMENT
Next Story

ദുരിതം...ദുരന്തം...കോവിഡ് കൂടെക്കൂടിയിട്ട് ഒരു വർഷം

പത്തനംതിട്ട : 2020 മാർച്ച് എട്ടിന് റാന്നി വഴിയായിരുന്നു വരവ്. അന്ന് പേര് കൊറോണയെന്ന് .. 

Read More
 

Related Articles

ഓണസദ്യ കിറ്റുകള്‍ ഗള്‍ഫ് ഇന്‍ഡ്യന്‍ സോഷ്യല്‍ സര്‍വ്വീസ് വിതരണം ചെയ്തു
Gulf |
Gulf |
കൊല്ലം പ്രവാസി അസോസിയേഷന്‍ ഓണക്കിറ്റും ഓണസദ്യയും കൈമാറി
Spirituality |
തൃശ്ശൂരിൽ പുലിക്കൂട്ടമിറങ്ങിയത് ഓണച്ചന്തയിലേക്ക്; ചരിത്രം കുറിച്ച് പുലികൾ
News |
ഓണം: രണ്ടാം തീയതിവരെ രാത്രി ഒന്‍പതുവരെ കടകള്‍ തുറക്കാം
 
  • Tags :
    • ONAM
More from this section
ചാലും തോടും വറ്റി,  പാടം വിണ്ടുകീറി      ഏലന്താറ്റ് പുഞ്ചയിൽ നെൽകൃഷി കരിയുന്നു
പത്തനംതിട്ട മാര്‍ച്ച് 08 ചിത്രങ്ങളിലൂടെ
കരുണ ജില്ലാ കൺവെൻഷൻ
കരുണ ജില്ലാ കൺവെൻഷൻ
കെ.പി.എസ്.ടി.എ. അടൂർ ഉപജില്ലാ സമ്മേളനം
കെ.എസ്.ആർ.ടി.സി.പെൻഷനേഴ്സ് ഓർഗനൈസേഷൻ ജില്ലാ സമ്മേളനം നടത്തി
കെ.പി.എസ്.ടി.എ. ജില്ലാ സമ്മേളനം സമാപിച്ചു
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Podcast Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
         
© Copyright Mathrubhumi 2021. All rights reserved.