പാലക്കാടിന്: അത്ര മധുരമില്ല

പാലക്കാട് : എടുത്തുപറയാവുന്ന വൻകിട പദ്ധതികൾക്കോ വികസനപ്രവർത്തനങ്ങൾക്കോ പാലക്കാടിന് കാര്യമായ പരിഗണന കൊടുക്കാതെയായിരുന്നു ധനമന്ത്രിയുടെ ബജറ്റ് പ്രസംഗം. പാലക്കാട് കുഴൽമന്ദം ഗവ. ഹൈസ്കൂളിലെ എട്ടാം ക്ലാസുകാരി കെ. സ്നേഹയുടെ കവിതയോടെ തുടങ്ങിയ പ്രസംഗത്തിൽ, പാലക്കാടിനുവേണ്ടി കവിതയിൽ പറയുംപോലെ കനിവിന്റെപൂക്കൾ വിരിയുമെന്ന അകാംഷയോടെ കാത്തിരുന്നവർക്ക് അത്ര മധുരിക്കുന്നതായില്ല പ്രഖ്യാപനങ്ങൾ. കോയമ്പത്തൂർ-കൊച്ചി വ്യവസായ ഇടനാഴിക്കുവേണ്ടി പാലക്കാട്, എറണാകുളം ജില്ലയിൽ 2,321 ഏക്കർ ഭൂമി ഏറ്റെടുക്കുമെന്ന പ്രഖ്യാപനവും നിലവിലുള്ള പദ്ധതികൾ പൂർത്തിയാക്കുന്നതിനനുവദിച്ച ഫണ്ടുകളും ഇതിനിടെ ആശ്വാസമായി.

കഞ്ചിക്കോട് റൈസ് പാർക്കിന് അനുവദിച്ച 20 കോടി, ലോകബാങ്ക് സഹായത്തോടെ നടപ്പാക്കുന്ന രണ്ടാഘട്ട അണക്കെട്ട് പുനരുദ്ധാരണപദ്ധതി രണ്ടാംഘട്ടത്തിൽ ചിറ്റൂർപ്പുഴ, കാഞ്ഞിരപ്പുഴ പദ്ധതികൾക്കായി അനുവദിച്ച 25 കോടി, കഞ്ചിക്കോട് കെ.എസ്.ഐ.ഡി.സി. എൻജിനിയറിങ് ഇൻഡസ്ട്രിയൽ പാർക്കിനായി അനുവദിച്ച അഞ്ചുകോടി എന്നിവ ഏറെ ശ്രദ്ധേയമായി. മറ്റ് പ്രധാന ബജറ്റ് നിർദേശങ്ങൾ ചുവടെ;

കൊച്ചി-പാലക്കാട് ഹൈടെക് വ്യവസായ ഇടനാഴി.