ബര്‍മിങ്ഹാം: സ്‌നേഹം മണ്ണില്‍ മനുഷ്യനായി പിറന്നതിന്റെ ഓര്‍മ്മക്കായി ലോകമെമ്പാടും ക്രിസ്മസ് ആഘോഷിക്കുമ്പോള്‍ ബര്‍മിങ്ഹാം സെന്റ് ജോര്‍ജ് യാക്കോബായ പള്ളിയില്‍ ജനനപ്പെരുന്നാളും വിശുദ്ധ കുര്‍ബാനയും ഡിസംബര്‍ 24 ന് ആഘോഷിക്കപ്പെടുന്നു. രാവിലെ 10 മണിക്ക് തുടങ്ങുന്ന ശുശ്രൂഷകള്‍ക്ക് പള്ളി വികാരി ഫാ.പീറ്റര്‍ കുറിയാക്കോസ് നേതൃത്വം നല്‍കുന്നതായിരിക്കും. വിശുദ്ധ കുര്‍ബാനക്കു ശേഷം സ്നേഹവിരുന്നും തുടര്‍ന്ന് കുട്ടികളുടെ കലാപരിപാടികളും കരോള്‍ സര്‍വീസും ഉണ്ടായിരിക്കും.
പള്ളിയില്‍ നിന്നുള്ള കരോള്‍ സംഘം ഡിസംബര്‍ 17, 18 ദിവസങ്ങളില്‍ ഇടവകാംഗങ്ങളുടെ ഭവനങ്ങള്‍ സന്ദര്‍ശിക്കുന്നതായിരിക്കും. ഡിസംബര്‍ 17 ന് ബര്‍ട്ടണ്‍, സ്റ്റാഫോര്‍ഡ്, ടെല്‍ഫോര്‍ഡ് എന്നീ സ്ഥലങ്ങളിലും ഡിസംബര്‍ 18 ന് ബിര്‍മിങ്ഹാം റെഡിച്ച്, വൂര്‍സ്റ്റര്‍, മാല്‍വണ്‍ എന്നീ സ്ഥലങ്ങളിലും കരോള്‍ സംഘം എത്തുന്നതായിരിക്കും.
വാര്‍ത്ത അയച്ചത് - രാജു വേലംകാല
