ഗാര്‍ലന്റ് (ഡാലസ്): ഇന്ത്യ പ്രസ് ക്ലബ് ഓഫ് നോര്‍ത്ത് അമേരിക്ക ഡാലസ് ചാപ്റ്റര്‍ 2020-2022 വര്‍ഷത്തേക്കുള്ള ഭാരവാഹികളെ തിരഞ്ഞെടുത്തു.
ഗാര്‍ലന്റ് ഇന്ത്യ ഗാര്‍ഡന്‍സ് റസ്റ്റോറന്റില്‍ ഡിസംബര്‍ 8 ന് വൈകീട്ട് ചേര്‍ന്ന വാര്‍ഷിക പൊതുയോഗത്തില്‍ പ്രസിഡന്റ് ടി.സി. ചാക്കോ അധ്യക്ഷത വഹിച്ചു. സംഘടനയുടെ വാര്‍ഷിക റിപ്പോര്‍ട്ട് സെക്രട്ടറി ബിജിലി ജോര്‍ജ് അവതരിപ്പിച്ചു. ന്യൂ ജേഴ്സിയില്‍ ചേര്‍ന്ന ഐ.പി. സി.എന്‍.എയുടെ ദേശീയ സമ്മേളനം വിജയിപ്പിക്കുന്നതിന് ഡാലസ് ചാപ്റ്ററിന് പ്രധാന പങ്കുവഹിക്കുവാന്‍ കഴിഞ്ഞതായി സെക്രട്ടറി പറഞ്ഞു. ഡാലസ് ചാപ്റ്റിനെ പ്രതിനിധീകരിച്ച് സമ്മേളനത്തില്‍ പങ്കെടുത്ത പ്രസിഡന്റ് ടി.സി. ചാക്കോ സ്പെഷല്‍ റിപ്പോര്‍ട്ട് അവതരിപ്പിച്ചു. തുടര്‍ന്ന് വാര്‍ഷിക വരവ് ചിലവുകള്‍ യോഗം ചര്‍ച്ച ചെയ്തു അംഗീകരിച്ചു.
പുതിയ വര്‍ഷത്തെ ഭാരവാഹികളായി സണ്ണി മാളിയേക്കല്‍ (പ്രസിഡന്റ്), ബിജിലി ജോര്‍ജ് (സെക്രട്ടറി), ജോസ് പ്ലാക്കാട്ട് (വൈസ് പ്രസിഡന്റ്), ബെന്നി ജോണ്‍ (ട്രഷറര്‍) എന്നിവരേയും എക്സിക്യൂട്ടീവ് അംഗങ്ങളായി ടി.സി. ചാക്കോ, പി.പി. ചെറിയാന്‍, സിജു വി. ജോര്‍ജ്, മാര്‍ട്ടിന്‍ വിലഞ്ഞോലില്‍, എബ്രഹാം തോമസ്, എബ്രഹാം തെക്കേമുറി എന്നിവരെ യോഗം ഐക്യകണ്ഠേന തിരഞ്ഞെടുത്തു. മീനു എലിസബത്ത്, ഷാജി രാമപുരം, സുധ ജോസ്, അജ്ജു ബിജിലി, തോമസ് കോശി, രവി എടത്വ എന്നിവരെ അസോസിയേറ്റ് അംഗങ്ങളായും തിരഞ്ഞെടുത്തു.
