വില്‍മിങ്ടണ്‍ (ഡെലവെയര്‍): രാഷ്ട്രം ഇന്ന് യുദ്ധം ചെയ്യുന്നത് കൊറോണ വൈറസിനോടാണെന്നും പരസ്പരമല്ലെന്നും നിയുക്ത പ്രസിഡന്റ് ജൊബൈഡന്‍.
താങ്ക്‌സ് ഗിവിംഗ് ദിനത്തോടനുബന്ധിച്ചു നവംബര്‍ 26 ന് ഡെലവെയര്‍ വില്‍മിങ്ടണില്‍ വെച്ച് സന്ദേശം നല്‍കുകയായിരുന്നു ബൈഡന്‍. നമ്മുടെ മുന്നില്‍ വരാനിരിക്കുന്നത് നല്ല ദിനങ്ങളാണെന്നും ബൈഡന്‍ അഭിപ്രായപ്പെട്ടു.
കൊറോണ വൈറസ് പാന്‍ഡമിക് അതീവഗൗരവമായിട്ടാണ് ഞങ്ങള്‍ കാണുന്നതെന്നും അതോടൊപ്പം രാഷ്ട്രീയ പ്രശ്‌നങ്ങളും ഉണ്ടെന്ന് ബൈഡന്‍ പറഞ്ഞു.
ഒരു വര്‍ഷത്തോളമായി നാം വൈറസുമായി യുദ്ധത്തിലാണ് 260000 അമേരിക്കന്‍ ജനതയുടെ ജീവിതമാണ് വൈറസ് തട്ടിയെടുത്തത്. കൊറോണ വൈറസ് നമ്മെ പരസ്പരം ഭിന്നിപ്പിച്ചിരിക്കുന്നു, രോഷാകുലരാക്കിയിരിക്കുന്നു എന്നാല്‍ രെു കാര്യം നാം ഓര്‍ക്കണം നമ്മള്‍ പ്രധാനമായും വൈറസിനെയാണ് പ്രതിരോധിക്കേണ്ടത്. അതിന് എല്ലാവരും ഐക്യത്തോടെയുള്ള പ്രവര്‍ത്തനമാണ് കാഴ്ചവെക്കേണ്ടത്, ബൈഡന്‍ ഓര്‍മ്മപ്പെടുത്തി.
താങ്ക്‌സ് ഗിവിംഗ് ഡെ എന്നത് ത്യാഗത്തിന്റെയും നന്ദിയര്‍പ്പിക്കലിന്റെയും വിശേഷദിവസമാണ്. എല്ലാവര്‍ഷവും കുടുംബാംഗങ്ങള്‍ ഒരുമിച്ച് കൂടിയിരുന്ന് ആഘോഷിക്കുന്ന ഒരു ദിവസമാണ്. എന്നാല്‍ പ്രത്യേക സാഹചര്യത്തില്‍ ഈ വര്‍ഷം അതിനവസരം ലഭിച്ചില്ല. അമേരിക്കയില്‍ പ്രതിദിനം 160000 കൊറോണ വൈറസ് രോഗികളാണ് പുതിയതായി റിപ്പോര്‍ട്ട് ചെയ്യപ്പെടുന്നത്.
ദേശഭക്തിയുള്ള ഓരോ അമേരിക്കക്കാരന്റെയും ഉത്തരവാദിത്വം കോവിഡ്19 വ്യാപനം തടയുക എന്നതായിരിക്കണമെന്നും അതിന് അധികൃതര്‍ നല്‍കുന്ന മാര്‍ഗനിര്‍ദേശങ്ങള്‍ പാലിക്കാന്‍ തയ്യാറാകണമെന്നും ബൈഡന്‍ അഭ്യര്‍ത്ഥിച്ചു.
വാര്‍ത്തയും ഫോട്ടോയും : പി.പി.ചെറിയാന്‍
