ഫ്‌ളോറിഡ: അര്‍ബുദരോഗത്തെ പിടിയില്‍ നിന്നും അത്ഭുതകരമായി രക്ഷപ്പെട്ട 29 വയസുകാരി ഹെയ്‌ലി അര്‍സീനാജ് ഈ വര്‍ഷാവസാനം ഫ്‌ളോറിഡയില്‍ നിന്നും വിക്ഷേപിക്കുന്ന ഫാല്‍ക്കന്‍ 9 എന്ന റോക്കറ്റില്‍ ബഹിരാകാശത്തേക്ക് കുതിക്കും.
ഫെബ്രുവരി 22 ന് സെന്റ് ജൂഡ് ഹോസ്പിറ്റലാണ് ഔദ്യോഗിക പ്രഖ്യാപനം നടത്തിയത്. കാന്‍സര്‍ രോഗി എന്നതിലുപരി കൃത്രിമ കാല്‍മുട്ട് വെച്ചു പിടിപ്പിച്ച ഹെയ്‌ലി എന്ന ബഹിരാകാശ സഞ്ചാരിയുടെ യാത്ര ചരിത്ര രേഖകളില്‍ എഴുതിചേര്‍ക്കപ്പെടും.
പത്തു വയസുമുതല്‍ കാന്‍സര്‍ രോഗത്തിന് സെന്റ് ജൂഡ് ഹോസ്പിറ്റലില്‍ ചികിത്സയിലായിരുന്നു ഹെയ്‌ലി. ഫിസിഷ്യന്‍ അസിസ്റ്റന്റായി പ്രവര്‍ത്തിക്കുന്ന ഹെയ്‌ലി ജനുവരിയിലാണ് സ്വകാര്യ വ്യക്തിയുടെ സിവിലിയന്‍ സ്‌പെയ്‌സ് മിഷനിലേക്ക് തിരഞ്ഞെടുക്കപ്പെടുന്നത്. നാസ കെന്നഡി സ്‌പെയ്‌സ,് സെന്ററില്‍ നിന്നാണ് പേടകം കുതിച്ചുയരുക.
ലോകത്ത് ആദ്യമായാണ് സ്വകാര്യ വ്യക്തി ഇങ്ങനെയൊരു സ്‌പെയ്‌സ,് മിഷന്‍ സംഘടിപ്പിക്കുന്നത്. നാലു ദിവസമായിരിക്കും ഈ പേടകം ഭൂമിക്കു ചുറ്റും കറങ്ങുക.
മൊഗാള്‍ എലോണ്‍ മസ്‌ക് എന്ന വന്‍കിടവ്യവസായി സ്ഥാപിച്ച സ്‌പെയ്‌സ് എക്‌സ കമ്പനിയിലാണ് ബഹിരാകാശത്തേക്ക് പുറപ്പെടുന്ന ഫാല്‍ക്കന്‍9 എന്ന റോക്കറ്റ് നിര്‍മിക്കുന്നത്.
പ്രൊഫഷന്‍ ബഹിരാകാശ സഞ്ചാരികള്‍ ആരുമില്ലാതെ കമാന്‍ഡര്‍ ജറീഡ ഐസക്മാനും ഹെയ്‌ലിയും മറ്റു രണ്ടുപേരുമാണ് ഇപ്പോള്‍ തിരഞ്ഞെടുക്കപ്പെട്ടിരിക്കുന്നത്.
സെന്റ് ജൂഡ് ചില്‍ഡ്രന്‍സ് റിസര്‍ച്ച് ആശുപത്രിയുടെ വികസനത്തിന് 200 മില്യണ്‍ ഡോളര്‍ സമാഹരിക്കുക എന്നതാണ് ഈ ദൗത്യംകൊണ്ടുദ്ദേശിക്കുന്നത്. ആറുപേര്‍ക്ക് സഞ്ചരിക്കാവുന്ന റോക്കറ്റില്‍ രണ്ടു സീറ്റുകള്‍ കൂടി ലഭ്യമാണ്. 20 മില്യണ്‍ ഡോളറാണ് സീറ്റിന് വില നിശ്ചയിച്ചിരിക്കുന്നത്.
വാര്‍ത്തയും ഫോട്ടോയും : പി.പി.ചെറിയാന്‍
