വാഷിങ്ടണ്‍ ഡിസി: ജനുവരി 6 ന് യു.എസ്. കാപ്പിറ്റോളില്‍ നടന്ന റാലിയോടനുബന്ധിച്ച് കാപ്പിറ്റോള്‍ മന്ദിരത്തിലേക്ക് ഇരച്ചുകയറി. ഹൗസ് സ്പീക്കര്‍ നാന്‍സി പെലോസിയുടെ കോണ്‍ഫറന്‍സ് റൂമില്‍ കിടന്നിരുന്ന കസേരയില്‍ ഇരുന്ന് മേശയില്‍ കാല്‍കയറ്റിവെച്ച സംഭവത്തില്‍  പ്രതി കുറ്റക്കാരനാണെന്ന് സെപ്റ്റംബര്‍ 23 ന് വാഷിങ്ടണ്‍ ഡിസി ഫെഡറല്‍ കോടതി കണ്ടെത്തി.

ആറുമാസത്തെ ജയില്‍ ശിക്ഷയും 5000 ഡോളര്‍ പിഴയുമാണ് ഈ കേസില്‍ സാധാരണ ശിക്ഷയായി ലഭിക്കുക.

കസേരയില്‍ കയറിയിരുന്ന മേശയില്‍ കാല്‍ കയറ്റിവെക്കുന്നത് സെല്‍ഫിയെടുത്ത് സാമൂഹികമാധ്യമങ്ങളില്‍ പ്രചരിപ്പിക്കുകയും ചെയ്തത് ഗുരുതര ക്രിമിനല്‍ കുറ്റമാണെന്നാണ് കോടതി വിധിച്ചത്. പെലോസിയുടെ റൂമിലുണ്ടായിരുന്ന മിനി റഫ്രിജറേറ്ററില്‍ നിന്നും ബിയര്‍ എടുത്തതും ഇയാള്‍ സെല്‍ഫിയില്‍ കാണിച്ചിരുന്നു.

സെല്‍ഫി ഫോട്ടോ കോടതി തെളിവായി സ്വീകരിച്ചു. 1.4 മില്യണ്‍ ഡോളറോളം നാശനഷ്ടങ്ങള്‍ ഉണ്ടാക്കിയ കേസില്‍ ഒക്‌ലഹോമയില്‍ നിന്നും പ്രതിയാകുന്ന രണ്ടാമത്തെ വ്യക്തിയാണ് ഇന്നലെ കുറ്റക്കാരനാണെന്ന് കണ്ടെത്തിയ എറിക്‌സണ്‍.

നിയമവിരുദ്ധമായി കാപ്പിറ്റോള്‍ ബില്‍ഡിംഗില്‍ പ്രകടനം നടത്തിയതും ഇയാള്‍ക്കെതിരെയുള്ള കുറ്റപത്രത്തില്‍ ചേര്‍ത്തിരുന്നു.

ഡിസംബര്‍ 10 നാണ് കേസ് വിധി പറയാന്‍ മാറ്റിവെച്ചിരിക്കുന്നത്. പരിപാവനമായി സൂക്ഷിക്കേണ്ട കാപ്പിറ്റോള്‍ മന്ദിരത്തില്‍ കയറി അക്രമം പ്രവര്‍ത്തിക്കുകയും അവിടെയുള്ള സാധനങ്ങള്‍ നശിപ്പിക്കുകയും ചെയ്യുന്നത് ജനാധിപത്യ വിശ്വാസികളോടുള്ള വെല്ലുവിളിയായി മാത്രമേ കാണാനാവൂ എന്നാണ് ഇതിനെക്കുറിച്ച് വിദഗ്ധര്‍ അഭിപ്രായപ്പെട്ടത്.

വാര്‍ത്തയും ഫോട്ടോയും : പി.പി.ചെറിയാന്‍