50 കോടി ഡോസ് വാങ്ങും: മറ്റ്‌ രാജ്യങ്ങള്‍ക്ക് ഫൈസര്‍ വാക്‌സിന്‍ വിതരണം ചെയ്യാന്‍ യു.എസ്‌


ജോ ബൈഡൻ| Photo: AP

വാഷിങ്ടണ്‍: ലോകരാജ്യങ്ങള്‍ക്ക് വിതരണം ചെയ്യാന്‍ അമ്പതുകോടി ഡോസ് ഫൈസര്‍ വാക്‌സിന്‍ വാങ്ങാനൊരുങ്ങി അമേരിക്ക. ജോ ബൈഡന്‍ ഭരണകൂടവുമായി ബന്ധപ്പെട്ട ഉന്നതവൃത്തങ്ങളെ ഉദ്ധരിച്ച് യു.എസ്. മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. ബ്രിട്ടനില്‍ ഈയാഴ്ച നടക്കുന്ന ജി-7 യോഗത്തില്‍ ബൈഡന്‍ ഇക്കാര്യം ഔദ്യോഗികമായി പ്രഖ്യാപിക്കുമെന്നാണ് വിവരം.

ലാഭേച്ഛയില്ലാത്ത ഇടപാടാണ് യു.എസ്. നടത്തുന്നതെന്നും ഇരുപതുകോടി ഡോസ് വാക്‌സിന്‍ ഇക്കൊല്ലവും മുപ്പതുകോടി ഡോസ് വാക്‌സിന്‍ അടുത്തകൊല്ലവും വിതരണം ചെയ്യുമെന്നുമാണ് റിപ്പോര്‍ട്ടുകള്‍.

ഉത്പാദിപ്പിക്കപ്പെട്ട വാക്‌സിനുകളുടെ ഭൂരിഭാഗവും സമ്പന്നരാജ്യങ്ങള്‍ സംഭരിച്ചതിനു പിന്നാലെ ആഗോളതലത്തിലെ രൂപപ്പെട്ട വാക്‌സിന്‍ ക്ഷാമം പരിഹരിക്കാന്‍ അമേരിക്ക ഇടപെടണമെന്ന സമ്മര്‍ദം ശക്തമായിരുന്നു. ഇതിനു പിന്നാലെയാണ് സര്‍ക്കാര്‍ നീക്കം. ജനസംഖ്യയുടെ പകുതിയിലധികം പേര്‍ക്ക് അമേരിക്ക ഇതിനോടകം വാക്‌സിന്‍ നല്‍കിക്കഴിഞ്ഞു. രാജ്യത്ത് രോഗബാധനിരക്കും കുത്തനെ കുറഞ്ഞിട്ടുണ്ട്.

വാക്‌സിന്‍ നയത്തെ കുറിച്ചുള്ള ചോദ്യത്തിന് ജി-7 യോഗത്തില്‍ പങ്കെടുക്കാന്‍ പുറപ്പെടുന്നതിന് തൊട്ടുമുന്‍പായി ബൈഡന്‍ ചില സൂചനകള്‍ നല്‍കുകയും ചെയ്തിരുന്നു. ലോകരാജ്യങ്ങള്‍ക്കു വേണ്ടി എന്തെങ്കിലും വാക്‌സിന്‍ നയം ഉണ്ടോ എന്ന ചോദ്യത്തിന്- തന്റെ പക്കല്‍ ഒരു നയമുണ്ടെന്നും അത് പ്രഖ്യാപിക്കുമെന്നുമായിരുന്നു ബൈഡന്റെ മറുപടി. പ്രഖ്യാപന സമയത്ത് ഫൈസര്‍ സി.ഇ.ഒ. ആല്‍ബര്‍ട്ട് ബൗര്‍ളയും ബൈഡന്റെ ഒപ്പമുണ്ടാവുമെന്നാണ് സൂചന.

content highlghts: us to buy 500 million dose pfizer vaccine dose and will donate globally

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nupur Sharma

1 min

ഉത്തരവാദി നിങ്ങളാണ്, രാജ്യത്തോട് മാപ്പ് പറയണം: നൂപുര്‍ ശര്‍മയോട് സുപ്രീംകോടതി

Jul 1, 2022


veena vijayan

2 min

പിണറായിയുടെ മകളായിപ്പോയെന്ന ഒറ്റകാരണത്താല്‍ വേട്ടയാടപ്പെടുന്ന സ്ത്രീ; പിന്തുണച്ച് ആര്യ രാജേന്ദ്രന്‍

Jun 30, 2022


Rahul Dravid jumps with delight as Rishabh Pant scored hundred

1 min

ഋഷഭ് പന്തിന്റെ സെഞ്ചുറിയില്‍ സന്തോഷത്താല്‍ മതിമറന്ന് ദ്രാവിഡ്; ദൃശ്യങ്ങള്‍ വൈറല്‍

Jul 1, 2022

Most Commented