വാഷിങ്ടണ്‍: ഇഞ്ചോടിഞ്ച് പോരാട്ടത്തിനൊടുവില്‍ തന്റെ വിജയം സ്വയം പ്രഖ്യാപിച്ച് ഡോണാള്‍ഡ് ട്രംപ്. പോസ്റ്റല്‍ ബാലറ്റുകളടക്കം എണ്ണി തീരേണ്ടതുണ്ടെങ്കിലും ഇനി അതൊന്നും എണ്ണേണ്ട ആവശ്യമില്ലെന്ന് ട്രംപ് പ്രവര്‍ത്തകരെ അഭിസംബോധന ചെയ്ത് സംസാരിച്ചുകൊണ്ട് പറഞ്ഞു. പുലര്‍ച്ചെ നാലുമണിക്ക് ശേഷമുളള ബാലറ്റുകള്‍ എണ്ണരുതെന്ന് ആവശ്യപ്പെട്ട് സുപ്രീംകോടതിയെ സമീപിക്കുമെന്നും ട്രംപ് അറിയിച്ചു. 'ഞങ്ങള്‍ വിജയത്തിലേക്ക് എത്തിയതായിരുന്നു. ഞങ്ങള്‍ ഇതിനകം വിജയിച്ചുകഴിഞ്ഞു.' പുലര്‍ച്ചെ 2.30 ന് വൈറ്റ്‌ഹൈസില്‍ നടത്തിയ അത്യസാധാരണമായ പ്രസംഗത്തില്‍ ട്രംപ് പറഞ്ഞു.
'നിരവധി സംസ്ഥാനങ്ങളില്‍ ഞങ്ങള്‍ വിജയിച്ചുകഴിഞ്ഞു. ഞങ്ങള്‍ അത് പ്രഖ്യാപിക്കാന്‍ ഒരുങ്ങുമ്പോഴാണ് ഈ തട്ടിപ്പുണ്ടായത്. അമേരിക്കന്‍ ജനതയെ കബളിപ്പിക്കല്‍. അത് സംഭവിക്കാന്‍ ഞങ്ങള്‍ അനുവദിക്കില്ല.' തപാല്‍ വോട്ടുകളെ പരാമര്‍ശിച്ചുകൊണ്ട് ട്രംപ് പറഞ്ഞു. അതുകൊണ്ട് ഞങ്ങള്‍ യുഎസ് സുപ്രീംകോടതിയെ സമീപിക്കും. നാലുമണിക്ക് കുറേ വോട്ടുകള്‍ നിഗൂഢമായി കണ്ടെത്തിയിട്ടില്ലെന്നും അവ എണ്ണപ്പെട്ടിട്ടില്ലെന്ന് ഉറപ്പുവരുത്തുകയും ചെയ്യും. ഇത് അമേരിക്കയ്ക്കും അമേരിക്കക്കാര്‍ക്കും നാണക്കേടാണ്. മനോഹരമായ ഒരു വിജയം ആഘോഷിക്കാന്‍ റിപ്പബ്ലിക്കന്‍മാര്‍ തയ്യാറെടുക്കുമ്പോഴാണ് പെട്ടന്ന് ഇപ്രകാരം സംഭവിച്ചതെന്നും അദ്ദേഹം കൂട്ടിച്ചേര്‍ത്തു.
ഫലങ്ങള്‍ അസാധാരണമാണ്. ഞങ്ങള്‍ തീര്‍ച്ചയായും വിജയിക്കാന്‍ പോവുകയാണ്. ഇപ്പോഴും വോട്ടെണ്ണല്‍ നടന്നുകൊണ്ടിരിക്കുന്ന സംസ്ഥാനങ്ങളില്‍ ഞങ്ങള്‍ വളരെ മുന്നിലാണ്. അവര്‍ക്ക് ഒരിക്കലും ഞങ്ങള്‍ക്കൊപ്പമെത്താനാകില്ല. തനിക്കെതിരെ ജയിക്കാന്‍ കഴിയില്ലെന്ന് ഡെമോക്രാറ്റുകള്‍ക്ക് അറിയാമായിരുന്നെന്നും പിന്തുണച്ചവര്‍ക്ക് നന്ദിയുണ്ടെന്നും പ്രസംഗത്തില്‍ ട്രംപ് പറഞ്ഞു.
പെന്‍സില്‍വാനിയ, വിസ്‌കോണ്‍സിന്‍, മിഷിഗണ്‍, ജോര്‍ജിയ എന്നിവിടങ്ങളില്‍ ഇപ്പോഴും ഫലം വ്യക്തമായിട്ടില്ല. അതേസമയം സുപ്രധാനമായ ഫ്‌ളോറിഡ, ഒഹിയോ,ടെക്‌സാസ് എന്നിവിടങ്ങളില്‍ ട്രംപ് വിജയിച്ചു. അതേസമയം അരിസോണ, വിര്‍ജിനിയ, ന്യൂ ഹാംപ്‌ഷെയര്‍ എന്നിവിടങ്ങളില്‍ ബൈഡനും.
വിജയം തനിക്കൊപ്പമാണെന്ന് പറഞ്ഞ് നേരത്തെ ജോ ബൈഡനും മാധ്യമങ്ങളെ കണ്ടിരുന്നു. ഇതിന് പിന്നാലെയാണ് ട്രംപും വിജയം അവകാശപ്പെട്ട് രംഗത്തെത്തിയത്.
Content Highlight: US Election 2020: Trump claims victory
Also Watch
RELATED STORIES
.jpg?$p=a80322e&f=1x1&w=100&q=0.8)
IN CASE YOU MISSED IT
.jpg?$p=79c0b37&f=1x1&w=100&q=0.8)
.jpg?$p=6b2ea1a&q=0.8&f=16x11&w=104)
.jpg?$p=79c0b37&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..