ട്രക്ക്‌ മറിഞ്ഞു; ഇരുട്ടി വെളുത്തപ്പോള്‍ 'പാലൊഴുകും പുഴ'യായി ഡുലെയ്‌സ് നദി


Photo : Twitter | @NatResWales

ഒരു ദിവസം പുലരുമ്പോള്‍ സമീപത്തുള്ള ജലാശയം ഒരു പാല്‍പ്പുഴയായി മാറിയ കാഴ്ച നമ്മെ അദ്ഭുതപ്പെടുത്തും. കെട്ടുകഥകളില്‍ മാത്രം കേട്ടുപരിചയിച്ച ഇത്തരം അദ്ഭുതക്കാഴ്ചകള്‍ യാഥാര്‍ഥ്യമായെങ്കില്‍ എന്ന് കുട്ടിക്കാലത്ത് ആശിക്കാത്തവര്‍ ചുരുക്കം. യുകെയിലെ ലാന്‍വാര്‍ഡയില്‍ ഇതേ പോലെ ഒരു 'അദ്ഭുതം' നടന്നു. പ്രദേശവാസികളെ അമ്പരപ്പിച്ചു കൊണ്ട് സമീപത്തുള്ള ഡുലെയ്‌സ് നദി ഒരു പാല്‍പ്പുഴയായി. പക്ഷെ നടന്നത് ഇന്ദ്രജാലമൊന്നുമല്ല, ഒരു അപകടമായിരുന്നു, പാല്‍വണ്ടി മറിഞ്ഞുണ്ടായ അപകടം.

നിറയെ പാലുമായി വന്ന ഒരു ടാങ്കര്‍ മറിഞ്ഞാണ് അപകടമുണ്ടായത്. വാഹനത്തിലുണ്ടായിരുന്ന പാല്‍ മൊത്തം നദിയിലേക്കൊഴുകി. നദിയിലെ വെള്ളം മുഴുവന്‍ പാല്‍നിറമായി. മേയ് ലൂയിസ് എന്ന ഉപയോക്താവ് ട്വിറ്ററില്‍ ഷെയര്‍ ചെയ്ത ആറ് സെക്കന്‍ഡ് മാത്രമുള്ള വീഡിയോ ആയിരക്കണക്കിന് പേരാണ് ഇതു വരെ കണ്ടത്. ഒരു പാലത്തിന് മുകളില്‍നിന്ന് പകര്‍ത്തിയ വീഡിയോയില്‍ നദിയാകെ 'പാലൊഴുകും പുഴ'യായി കാണാം.

നിരവധി പേര്‍ രസകരമായ പ്രതികരണങ്ങളാണ് രേഖപ്പെടുത്തിയത്. പാലിന് പകരം വണ്ടിയില്‍ തേനായിരുന്നെങ്കിലോ എന്ന് ഒരാള്‍ പ്രതികരിച്ചപ്പോള്‍ നദിയിലെ മത്സ്യങ്ങളുടെ എല്ലുകള്‍ക്കും പല്ലുകള്‍ക്കും പാലിലെ കാല്‍സ്യം നല്ല ബലം നല്‍കുമെന്ന് മറ്റൊരാള്‍ പ്രതികരിച്ചു. ജലാശയം എത്രയും വേഗം ശുചീകരിച്ചില്ലെങ്കില്‍ ജലജീവികള്‍ക്ക് ഭീഷണിയാകുമെന്നാണ് പരിസ്ഥിതി പ്രവര്‍ത്തകരുടെ വാദം.

Content Highlights:UK River Turns White After Milk Truck Overturns And Spills Contents

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


SDPI

1 min

പോപ്പുലര്‍ ഫ്രണ്ട്‌ മാര്‍ച്ചില്‍ കുട്ടിയുടെ പ്രകോപനപരമായ മുദ്രാവാക്യം; പോലീസ് അന്വേഷണം തുടങ്ങി

May 23, 2022


vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022

More from this section




Most Commented