ഓസ്ട്രേലിയന്‍ കാട്ടുതീ; കോലകളെ കാറില്‍ കാട്ടില്‍ നിന്നും പുറത്തെത്തിച്ച് സുഹൃത്തുക്കള്‍


കോലകളുടെ ജന്മദേശമാണ് ഓസ്‌ട്രേലിയ. ഏറ്റവും കൂടുതല്‍ കോലകള്‍ ഉള്ളതും ഈ മേഖലയില്‍ തന്നെ. കംഗാരു ദ്വീപിനെ കാട്ടുതീ വിഴുങ്ങുമ്പോള്‍ കോലകളുടെ നിലനില്‍പ്പും വലിയ ഭീഷണിയിലാണ്.

Image:Reddit|Humansbeing

സ്‌ട്രേലിയന്‍ തീരത്ത് കാട്ടുതീ വ്യാപിക്കുന്ന വാര്‍ത്തകള്‍ പുറത്തുവന്നുകൊണ്ടിരിക്കുകയാണ്. ദുരിതത്തിന്റെ വ്യാപ്തി ദിവസം തോറും കൂടുന്നു. ലക്ഷക്കണക്കിന് ഹെക്ടര്‍ ഭൂമി കത്തിനശിച്ചു. കോടിക്കണക്കിന് മൃഗങ്ങള്‍ വെന്തു വെണ്ണീറായി. കാല്‍ ലക്ഷത്തോളം കോല കരടികള്‍ തീയില്‍ വെന്തു വെണ്ണീറായെന്നാണ്‌ റിപ്പോര്‍ട്ടുകള്‍.

ഇതിനിടിയില്‍ സ്വന്തം കാറില്‍ കോലകളെ രക്ഷിച്ച് പുറത്തേക്കെത്തിക്കുന്ന രണ്ട് സുഹൃത്തുക്കളുടെ വീഡിയോ സോഷ്യല്‍ മീഡിയയില്‍ ശ്രദ്ധ നേടുകയാണ്. പതിനെട്ടുകാരനായ കലേബും പത്തൊമ്പതുകാരനായ മിക്കയും ചേര്‍ന്നാണ് കാറില്‍ കോലകളെ കാട്ടുതീ മേഖലയില്‍ നിന്നും പുറത്തെത്തിച്ചത്. മുപ്പതോളം കോലകളെയാണ് ഇരുവരും ചേര്‍ന്ന് പുറത്തെത്തിച്ചത്. കാട്ടിലേക്ക് തിരിച്ചുവിടാന്‍ ആവുന്നിടത്തോളം കോലകളെ സംരക്ഷിക്കാനാണ് ഇവര്‍ ഉദ്ദേശിക്കുന്നത്. കോലകളെ കാറിനകത്താക്കിയിരിക്കുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്. റെഡ്ഡിറ്റില്‍ പോസ്റ്റ് ചെയ്തിരിക്കുന്ന വീഡിയോ ലക്ഷക്കണക്കിന് പേരാണ് ഇതിനോടകം കണ്ടത്.

ഇവരെ പോലെ നിരവധി സന്നദ്ധസംഘടനകള്‍ കാട്ടുതീയില്‍പ്പെട്ട മൃഗങ്ങള്‍ക്ക് ആശ്വാസവുമായി രംഗത്തെത്തിയിട്ടുണ്ട്. മൃഗങ്ങള്‍ക്ക് വെള്ളം കൊടുക്കുന്ന, അവശരായ മൃഗങ്ങളെ രക്ഷിക്കുന്നതിന്റെ ദൃശ്യങ്ങളും ഇതിനോടകം പുറത്തുവന്നിട്ടുണ്ട്.

കോലകളുടെ ജന്മദേശമാണ് ഓസ്‌ട്രേലിയ. ഏറ്റവും കൂടുതല്‍ കോലകള്‍ ഉള്ളതും ഈ മേഖലയില്‍ തന്നെ. കംഗാരു ദ്വീപിനെ കാട്ടുതീ വിഴുങ്ങുമ്പോള്‍ കോലകളുടെ നിലനില്‍പ്പും വലിയ ഭീഷണിയിലാണ്. ഓസ്‌ട്രേലിയയിലുള്ള ആകെ കോലകളുടെ പകുതിയോളം എണ്ണം കാട്ടുതീയില്‍പ്പെട്ടിട്ടുണ്ടാവുമെന്നാണ് ഓസ്‌ട്രേലിയന്‍ വൈല്‍ഡ് ലൈഫ് പാര്‍ക്കിന്റെ ഉടമസ്ഥനായ സാം മിച്ചല്‍ അഭിപ്രായപ്പെടുന്നത്.

Content Highlights: Australia fire, Australia Bushfires, Teens Fill Car With Koalas To Rescue Them From Australia Bushfires

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Sreejith Ravi

1 min

കുട്ടികള്‍ക്ക് മുന്നില്‍ നഗ്നതാ പ്രദര്‍ശനം; നടന്‍ ശ്രീജിത്ത് രവി പോക്‌സോ കേസില്‍ അറസ്റ്റില്‍

Jul 7, 2022


Sreejith Ravi

1 min

ആദ്യകേസ് കെട്ടിച്ചമച്ചതാണെന്ന് ശ്രീജിത്ത് രവി, വീണ്ടും സമാനകേസില്‍ പിടിയില്‍

Jul 7, 2022


Swapna Suresh

1 min

സ്വപ്‌ന സുരേഷിനെ എച്ച്ആര്‍ഡിഎസ് പിരിച്ചുവിട്ടു

Jul 6, 2022

Most Commented