ലോകത്തെ ഏറ്റവും വലിയ ചോക്കലേറ്റ് നിര്‍മാണ കമ്പനിയില്‍ സാല്‍മൊണല്ല ബാക്ടീരിയ; വിപണനം നിര്‍ത്തി


പ്രതീകാത്മകചിത്രം | Photo : AFP

ബ്രസ്സല്‍സ്: ലോകത്തിലെ ഏറ്റവും വലിയ ചോക്കലേറ്റ് നിര്‍മാണകേന്ദ്രത്തില്‍ സാല്‍മാെണല്ല ബാക്ടീരിയയുടെ സാന്നിധ്യം കണ്ടെത്തി. ബാരി കാലിബോട്ട് എന്ന സ്വിസ് കമ്പനിയുടെ ബെല്‍ജിയന്‍ നഗരമായ വീസില്‍ പ്രവര്‍ത്തിക്കുന്ന ഫാക്ടറിയിലാണ് ബാക്ടീരിയസാന്നിധ്യം കണ്ടെത്തിയത്. ഇതിനുപിന്നാലെ 73 വിവിധ കണ്‍ഫെക്ഷണറികള്‍ക്കായി ദ്രവരൂപത്തിലുള്ള ചോക്കലേറ്റിന്റെ മൊത്തവ്യാപാരം നടത്തുന്ന കമ്പനിയിലെ നിര്‍മാണപ്രവര്‍ത്തനങ്ങള്‍ താത്ക്കാലികമായി നിര്‍ത്തി വെച്ചതായി കമ്പനി വക്താവ് കൊര്‍ണീല്‍ വാര്‍ലോപ് എഎഫ്പിയോട് പറഞ്ഞു.

പരിശോധന നടത്തിയ സമയം മുതലുള്ള എല്ലാ ഉത്പന്നങ്ങളും തടഞ്ഞതായി വാര്‍ലോപ് കൂട്ടിച്ചേര്‍ത്തു. ഇനിയൊരറിയിപ്പുണ്ടാകുന്നതു വരെ വീസിലെ ചോക്കലേറ്റ് നിര്‍മാണം നിര്‍ത്തിവെച്ചതായും അദ്ദേഹം അറിയിച്ചു. അണുബാധയുണ്ടായതായി കരുതുന്ന വിപണനം ചെയ്ത ചോക്കലേറ്റ് കൈപ്പറ്റിയ ഇടപാടുകാരെ ബന്ധപ്പെട്ടു കൊണ്ടിരിക്കുകയാണെന്നും വാര്‍ലോപ് പറഞ്ഞു. അണുബാധയുണ്ടായതായി കണ്ടെത്തിയ ചോക്കലേറ്റിന്റെ ഭൂരിഭാഗവും ഫാക്ടറിയില്‍ തന്നെയുണ്ടെന്നും വാര്‍ലോപ് അറിയിച്ചു. കമ്പനിയില്‍ നിന്ന് വാങ്ങിയ ചോക്കലേറ്റ് കൊണ്ട് നിര്‍മിച്ച ഉത്പന്നങ്ങള്‍ വിപണനത്തിനെത്തിക്കരുതെന്ന് ഇടപാടുകാരോട് കമ്പനി ആവശ്യപ്പെട്ടു.

ഹെര്‍ഷെ, മോണ്ടലെസ്, നെസ് ലെ, യൂണിലിവര്‍ തുടങ്ങി വമ്പന്‍ വ്യവസായികള്‍ക്ക് ചോക്കലേറ്റ് വിതരണം ചെയ്യുന്നത് ബാരി കാലിബോട്ടാണ്. ചോക്കലേറ്റ് നിര്‍മാണമേഖലയില്‍ പ്രഥമസ്ഥാനത്തുള്ള കമ്പനിയുടെ 2020-21 കാലയളവിലെ വാര്‍ഷിക വില്‍പന 2.2 മില്യണ്‍ ടണ്‍ ആണ്. 13,000 ലധികം ജീവനക്കാരുള്ള കമ്പനിയ്ക്ക് ആഗോളതലത്തില്‍ 60 ലേറെ നിര്‍മാണകേന്ദ്രങ്ങളാണുള്ളത്.

ആമാശയസംബന്ധമായ രോഗങ്ങള്‍ക്ക് കാരണമാകുന്ന സാല്‍മൊണല്ല ദഹനവ്യവസ്ഥയിലെ അവയവങ്ങളേയും ബാധിക്കും. ഗുരുതരരോഗമായ ടൈഫോയ്ഡിനും സാല്‍മൊണല്ല കാരണമാകുന്നു. രക്തചംക്രമണത്തില്‍ പ്രവേശിക്കുന്ന ബാക്ടീരിയ ശരീരമാസകലം വ്യാപിക്കുകയും അവയവങ്ങളില്‍ കടന്നുകൂടുകയും ചെയ്യും. എന്‍ഡോടോക്‌സിനുകള്‍ ഉത്പാദിപ്പിക്കുന്നതിലൂടെ ജീവന് തന്നെ സാല്‍മൊണല്ല ഭീഷണിയാകും. ആഹാരപദാര്‍ഥങ്ങളിലൂടെയാണ് സാല്‍മൊണല്ല പ്രധാനമായും ശരീരത്തില്‍ പ്രവേശിക്കുന്നത്. ആന്റിബയോട്ടിക്കുകളാണ് പ്രധാനമായും ഈ ബാക്ടീരിയക്കെതിരെ ഫലപ്രദമാകുന്നത്.

Content Highlights: Salmonella Bacteria, Belgian Chocolate Plant, Barry Callebaut, Malayalam News

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


08:52

ഒറ്റ രാത്രിയില്‍ രജീഷിന് നഷ്ടം 40 ലക്ഷം; ഒലിച്ചുപോയത് നാലേക്കര്‍ പൈനാപ്പിള്‍ തോട്ടം

Aug 5, 2022


04:08

എന്താണ് ലോൺ ബോൾസ്? കോമണ്‍വെല്‍ത്ത് ഗെയിംസില്‍ ഇന്ത്യ സ്വര്‍ണമണിഞ്ഞ ലോണ്‍ ബോള്‍സിനെ കുറിച്ച് അറിയാം..

Aug 6, 2022

Most Commented