ആക്‌സിലറേറ്ററിലൊന്ന് കാലമര്‍ന്നതാ; 81 ലക്ഷത്തിന്റെ പോര്‍ഷെ ലാന്‍ഡ് ചെയ്തത് മറ്റൊരു കാറിന് മീതെ


പോർഷെ കാർ മറ്റൊരു നിയന്ത്രണം വിട്ട് താഴെയുള്ള കാറിന് മുകളിലേക്ക് വീഴുന്നു | Screengrab: Twitter Video | @oldschoolbiker4

വെറുമൊരു കാറപകടം, ഒന്ന് കൈവിട്ടു പോയതാണ്. പക്ഷെ സാമൂഹികമാധ്യമങ്ങളിലൂടെ പ്രചരിച്ച അപകടത്തിന്റെ വീഡിയോ നാല് ദിവസങ്ങള്‍ക്കുള്ളില്‍ ട്വിറ്ററിലൂടെ മാത്രം കണ്ടത് 43 ലക്ഷത്തിലധികം പേരാണ്. ഒരു പോര്‍ഷെ കാറാണ് പാര്‍ക്ക് ചെയ്യുന്നതിനിടെ അപകടത്തില്‍ പെട്ടത്.

യുകെയിലെ എസ്സെക്‌സിലാണ് വൈറലായ ഈ അപകടം നടന്നത്. ഒരു ചെറിയ കയറ്റത്തിലേക്ക് കാറോടിച്ച് കയറ്റുന്നതാണ് ആദ്യം വീഡിയോയില്‍. വളരെ പതുക്കെ ശ്രദ്ധയോടെയാണ് വളവ് തിരിഞ്ഞ് കാര്‍ വഴിയിലേക്ക് കയറുന്നത്. പിന്നെയെല്ലാം ഞൊടിയിടയിലാണ് നടക്കുന്നത്. നിയന്ത്രണം വിട്ട് മുന്നിലുള്ള എസ് യു വിയില്‍ ഒന്നിടിച്ച് കാറിന്റെ 'ക്രാഷ് ലാന്‍ഡിങ്ങാ'ണ് പിന്നെ, അതും കയറ്റത്തിന് താഴെ പാര്‍ക്ക് ചെയ്തിരുന്ന മറ്റൊരു കാറിന് മുകളില്‍.

കൈവിട്ടു പോയതെന്ന് പറയുന്നതിനേക്കാള്‍ കാല്‍ വിട്ടു പോയന്ന് പറയുന്നതാവും ഈ അപകടത്തിന്റെ കാര്യത്തില്‍ യോജിക്കുന്നത്. ആക്‌സിലറേറ്ററില്‍ ഡ്രൈവറൊന്നമര്‍ത്തി ചവിട്ടിയതാണ് അപകടകാരണം. കാറോടിച്ചിരുന്നയാള്‍ പരിക്കുകളില്ലാതെ രക്ഷപ്പെട്ടതായാണ് വിവരം. 81 ലക്ഷം രൂപ വിലവരുന്ന കാര്‍ അപകടത്തിന് അഞ്ച് ദിവസം മുമ്പ് മാത്രമാണ് വാങ്ങിയത്. ഡ്രൈവറിന് പരിക്കൊന്നുമില്ലെങ്കിലും കാറിന്റെ സ്ഥിതി അതല്ലെന്നാണ് സൂചന.

ആദ്യം യൂട്യൂബില്‍ അപ് ലോഡ് ചെയ്ത വീഡിയോ പിന്നീട് മറ്റ് സോഷ്യല്‍ മീഡിയ പ്ലാറ്റ് ഫോമുകളില്‍ ഷെയര്‍ ചെയ്യപ്പെടുകയായിരുന്നു. ഡ്രൈവറുടെ 'കാറോടിക്കല്‍ പ്രാവീണ്യ'ത്തെ കുറിച്ച് നിരവധി കമന്റുകളാണ് വീഡിയോയ്ക്ക് ലഭിച്ചു കൊണ്ടിരിക്കുന്നത്.

Content Highlights: Porsche Drives Over Wall, Lands On Another Car In Viral Video

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


10:51

പട്ടാളമില്ലെങ്കിലും സേഫായ രാജ്യം, ഉയര്‍ന്ന ശമ്പളം, വിശേഷദിനം ഓഗസ്റ്റ് 15 | Liechtenstein

Jul 25, 2022

Most Commented