ഇസ്‌ലാമാബാദ്: രാജ്യദ്രോഹമുള്‍പ്പെടെ നിരവധി കേസുകളില്‍ പാകിസ്താനില്‍ വിചാരണ നേരിടുന്ന മുന്‍ പ്രസിഡന്റ് പര്‍വേസ് മുഷറഫ് രാജ്യം വിട്ടു. കഴിഞ്ഞ ദിവസം സുപ്രീം കോടതി മുഷറഫിന്റെ യാത്രാ വിലക്ക് പിന്‍വലിച്ചിരുന്നു. ഇതിന് പിന്നാലെയാണ് മുഷറഫ് ദുബായിലെത്തിയത്.
നട്ടെല്ലിന്റെ ചികിത്സക്കുവേണ്ടിയാണ് മുഷറഫ് ദുബായിലെത്തിയതെന്നാണ് അദ്ദേഹത്തിന്റെ അഭിഭാഷകന്‍ പറഞ്ഞത്. അത്യാവശ്യമായി സുഷുമ്‌ന നാഡിക്കു നടത്തേണ്ട ചികിത്സ പാകിസ്താനില്‍ ലഭ്യമല്ലെന്നും അദ്ദേഹം വ്യക്തമാക്കി.
ചികിത്സക്കു ശേഷം കേസ് വിചാരണക്കായി പാകിസ്താനില്‍ തിരിച്ചെത്തുമെന്നും മുഷറഫ് പറഞ്ഞു. എന്നാല്‍ മുഷറഫിന്റെ ഈ വാഗ്ദാനത്തെ നിരീക്ഷകര്‍ സംശയത്തോടെയാണ് നോക്കിക്കാണുന്നത്.
മുഷറഫിന്റെ യാത്രാവിലക്ക് നീക്കാന്‍ സിന്ധ് ഹൈക്കോടതി വിധിക്കെതിരെ സര്‍ക്കാര്‍ നല്‍കിയ അപ്പീല്‍ കഴിഞ്ഞ ദിവസമാണ് സുപ്രീംകോടതി തള്ളിയത്.
.jpg?$p=5580217&f=1x1&w=100&q=0.8)
.jpg?$p=6e57a3f&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..