കുല്‍ഭൂഷണ്‍ കേസില്‍ വാദം കേള്‍ക്കുന്നത് ഒക്ടോബര്‍ 5 വരെ പാകിസ്താന്‍ കോടതി മാറ്റിവച്ചു


കുൽഭൂഷൺ ജാധവ്| File Photo: PTI

ഇസ്ലാമാബാദ്: ചാരവൃത്തി ആരോപിച്ച് പാകിസ്താന്‍ സൈനിക കോടതി വധശിക്ഷയ്ക്ക് വിധിച്ച കുല്‍ഭൂഷണ്‍ ജാധവിന് അഭിഭാഷകനെ നിയമിക്കണമെന്ന സര്‍ക്കാരിന്റെ അപേക്ഷയില്‍ വാദം കേള്‍ക്കുന്നത് ഒക്ടോബര്‍ 5 വരെ പാകിസ്താന്‍ കോടതി മാറ്റിവച്ചു. രാജ്യത്തെ ഉന്നത നിയമ ഉദ്യോഗസ്ഥന്റെ അഭ്യര്‍ഥന മാനിച്ചാണ് കേസ് മാറ്റിവെച്ചതെന്ന് പാക് മാധ്യമങ്ങള്‍ റിപ്പോര്‍ട്ട് ചെയ്തു.

ചൊവ്വാഴ്ച കേസ് പരിഗണിച്ച ഇസ്ലാമാബാദ് ഹൈക്കോടതി പാകിസ്താന്‍ അറ്റോർണി ജനറൽ ഖാലിദ് ജാവേദ് ഖാന്റെ അഭ്യര്‍ഥന മാനിച്ച് ജാധവിന് അഭിഭാഷകനെ നിയമിക്കണമെന്ന സര്‍ക്കാരിന്റെ അപേക്ഷയില്‍ വാദം കേള്‍ക്കുന്നത് ഒക്ടോബര്‍ 5 വരെ മാറ്റിവെയ്ക്കുകയായിരുന്നു. അടുത്ത വാദം കേള്‍ക്കുന്ന തീയതിയില്‍ കോടതിയില്‍ ഹാജരാകാന്‍ ഇന്ത്യന്‍ ഹൈക്കമ്മീഷന്റെ അഭിഭാഷകന് കോടതി നോട്ടീസും നല്‍കി.

മെയ് 7-ന് കേസില്‍ വാദം കേട്ട ഇസ്ലാമാബാദ് ഹൈക്കോടതി ബെഞ്ച്, ജൂണ്‍ 15-നകം ജാധവിന് അഭിഭാഷകനെ നിയമിക്കാന്‍ ഇന്ത്യക്ക് മറ്റൊരു അവസരം കൂടി നല്‍കിയിരുന്നു. എന്നാല്‍, ജാദവിന് വേണ്ടി പാകിസ്താന്‍ കോടതിയില്‍ അഭിഭാഷകന്‍ ഹാജരാകുന്നത് കോടതിയുടെ അധികാരപരിധിക്ക് വിധേയമാകലാണെന്നും ഇത് രാജ്യത്തിന്റെ പരമാധികാരത്തെ മറികടക്കലാണെന്നും ഇന്ത്യ വാദിച്ചതായി ഖാലിദ് ജാവേദ് ഖാന്‍ കോടതിയെ അറിയിച്ചിരുന്നു.

മുന്‍ നേവി ഉദ്യോഗസ്ഥനായ കുല്‍ഭൂഷണ്‍ ജാധവിനെ 2016-ലാണ് പാകിസ്താന്‍ രഹസ്യാന്വേഷണ ഏജന്‍സി ഇറാന്‍-പാകിസ്താന്‍ അതിര്‍ത്തിയില്‍വെച്ച് പിടികൂടിയത്. റോ ഏജന്റാണ് ജാധവ് എന്നാണ് പാകിസ്താന്‍ ആരോപിക്കുന്നത്. ജാധവിനെതിരേ ചാരവൃത്തി, ഭീകരവാദം എന്നീ കുറ്റങ്ങള്‍ ചുമത്തിയ പാകിസ്താന്‍ സൈനിക കോടതി 2017 ഏപ്രിലില്‍ അദ്ദേഹത്തെ വധശിക്ഷയ്ക്ക് വിധിച്ചു.

തുടര്‍ന്ന് വധശിക്ഷയെ ചോദ്യം ചെയ്തും കുല്‍ഭൂഷണ്‍ ജാധവിന് അഭിഭാഷകരെ അനുവദിക്കാത്തതിനുമെതിരേ ഇന്ത്യ അന്താരാഷ്ട്ര നീതിന്യായ കോടതിയെ സമീപിച്ചിരുന്നു. ജാദവിന്റെ വധശിക്ഷ സംബന്ധിച്ച് പാകിസ്താന്‍ പുനപരിശോധന നടത്തണമെന്നും നയതന്ത്ര സഹായം ലഭ്യമാക്കണമെന്നും ഹേഗ് ആസ്ഥാനമായുള്ള അന്താരാഷ്ട്ര നീതിന്യായക്കോടതി 2019 ജൂലൈയില്‍ വിധിച്ചു.

Content Highlights: Pakistan court adjourns Kulbhushan Jadhav's case till October 5

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
നരേന്ദ്രമോദി, നിതീഷ് കുമാര്‍

2 min

ചിലത് കാണാനിരിക്കുന്നതേയുള്ളൂവെന്ന് നിതീഷ് കുമാര്‍; മോദിയെ തളര്‍ത്തുമോ 2024?

Aug 12, 2022


priya varghees

1 min

റിസര്‍ച്ച് സ്‌കോര്‍ ഏറ്റവും കുറവ്; പ്രിയ വര്‍ഗീസിന്റെ വിവാദ നിയമനത്തില്‍ നിര്‍ണായക രേഖ പുറത്ത്

Aug 13, 2022


One of the Rajasthan Royals owners slapped me 3-4 times after I got a duck Ross Taylor reveals

1 min

ഡക്കായതിന് മൂന്ന് നാല് തവണ മുഖത്തടിച്ചു; ഐപിഎല്‍ ടീം ഉടമയ്‌ക്കെതിരായ വെളിപ്പെടുത്തലുമായി ടെയ്‌ലര്‍

Aug 13, 2022

Most Commented