ഫ്രാക്ക്ഫൂര്‍ട്ട്: കോവിഡ് വാക്സിന് ഒരു ഡോസിന് 25-30 ഡോളറിനുള്ളില്‍ വില ഈടാക്കുമെന്ന് വാക്സിന് നിര്‍മാതാക്കളായ മൊഡേര്‍ണ. ലഭിക്കുന്ന ഓര്‍ഡറിന് അനുസരിച്ചാണ് വില നിശ്ചയിക്കുകയെന്നും മൊഡേര്‍ണ സിഇഒ വ്യക്തമാക്കി. ഈ നിരക്ക് പ്രകാരം ഇന്ത്യന്‍ വിപണിയില്‍ ഇതിന് 1,854 രൂപ 2595 വരെ വിലയാകും.
ഒരു ഡോസിന് 25 ഡോളര്‍ നിരക്കില്‍ വാക്സിന് വിതരണം ചെയ്യുന്നതുമായി ബന്ധപ്പെട്ട് യൂറോപ്യന്‍ യൂണിയനുമായി ചര്‍ച്ച നടത്തിവരികയാണെന്നും മൊഡേര്‍ണ വ്യക്തമാക്കി. പക്ഷേ ഇതുവരെ കാരാറുകളില്‍ ഒന്നും ഒപ്പിട്ടിട്ടില്ലെന്നും എന്നാല്‍ യൂറോപ്പിലേക്ക് വാക്സിന് എത്തിക്കാന്‍ തങ്ങള്‍ ആഗ്രഹിക്കുന്നതായും ഇതിനായി ക്രിയാത്മക ചര്‍ച്ചകള്‍ നടത്തിവരികയാണെന്നും മൊഡേര്‍ണ വ്യക്തമാക്കി.
കോവിഡിനെ പ്രതിരോധിക്കാന്‍ തങ്ങള്‍ വികസിപ്പിച്ച വാക്സിന് 94.5% ഫലപ്രദമാണെന്ന് മൊഡേര്‍ണ അവകാശപ്പെടുന്നു. ഫൈസറിന് ശേഷം കോവിഡ് വാക്സിന് വികസിപ്പിച്ചതായി അവകാശപ്പെടുന്ന രണ്ടാമത്തെ കമ്പനിയാണ് മൊഡേര്‍ണ.
Content Highlight: Moderna Charge $25-$37 for its COVID-19 Vaccine
