ആകാശമധ്യേ 'ഐ ലവ് യു'; പിന്നാലെ വിവാഹ അഭ്യര്‍ഥനയും; വൈറലായി സ്‌കൈഡൈവിങ് വീഡിയോ


Scrrengrab: Instagram Video | Wingmanskydive

ഭൂമിയില്‍ നിന്ന് ആയിരക്കണക്കിന് അടി ഉയരെ, സാഹസികതയുടെ അനുഭവം നുകര്‍ന്ന് ആകാശത്ത് ഒഴുകി നീങ്ങുന്നതിനിടെ ഒരു വിവാഹാഭ്യര്‍ഥന-'അടിപൊളി' എന്നാണ് സോഷ്യല്‍മീഡിയയില്‍ വൈറലായ വെറൈറ്റി വീഡിയോയ്ക്ക് ലഭിച്ച കമന്റുകളേറെയും. പെണ്‍സുഹൃത്തുമൊത്തുള്ള സ്‌കൈ ഡൈവിങ്ങിനിടെയായിരുന്നു യുവാവിന്റെ 'അതിസാഹസികമായ' വിവാഹാഭ്യര്‍ഥന.

വിങ്മാന്‍സ്‌കൈഡൈവ് എന്ന ഇന്‍സ്റ്റഗ്രാം അക്കൗണ്ടിലാണ് സ്‌കൈഡൈവ് മാരേജ് പ്രൊപ്പോസല്‍ എന്ന കുറിപ്പോടെ ടിക് ടോക്ക് വീഡിയോ പോസ്റ്റ് ചെയ്തിരിക്കുന്നത്. യുവാവിന്റെ പേര് വ്യക്തമല്ലെങ്കിലും കാറ്റി എന്നാണ് പെണ്‍സുഹൃത്തിന്റെ പേരെന്ന് സൂചനയുണ്ട്. യുവാവ് പൈലറ്റാണെന്നാണ് സൂചന.

ആകാശയാത്രയുടെ ഓരോ നിമിഷവും ഇരുവരും ആസ്വദിക്കുന്നത് വീഡിയോയില്‍ വ്യക്തമാണ്. തന്റെ വായില്‍ കടിച്ചു പിടിച്ചിരിക്കുന്ന മോതിരം യുവാവ് ആദ്യം കയ്യിലെടുത്ത് കാണിക്കുന്നുണ്ട്. അതിശയകരമായ യാത്ര ഒരുക്കിയതിന് യുവതി നന്ദി പറയുന്നതിനിടെയാണ് യുവാവിന്റെ 'ഐ ലവ് യൂ'.

ഏതാനും നിമിഷത്തിന് ശേഷം 'ഓരോ ദിവസവും നിന്നോടുള്ള എന്റെ പ്രണയം വര്‍ധിക്കുകയാണെ'ന്ന് പറയുന്ന യുവാവ് തന്നെ വിവാഹം കഴിക്കാമോ എന്ന് മോതിരം നീട്ടി പെണ്‍സുഹൃത്തിനോട് ചോദിക്കുന്നു. പിന്നാലെ കാറ്റിയുടെ യെസ് പറച്ചിലും അവള്‍ സമ്മതിച്ചേ എന്നുള്ള യുവാവിന്റെ ആഹ്ലാദപ്രകടനവും വീഡിയോയില്‍ കാണാം.

എന്തായാലും വിവാഹാഭ്യര്‍ഥനയ്ക്കും വിവാഹച്ചടങ്ങുകള്‍ക്കും വിവാഹ ഫോട്ടോഗ്രാഫിയ്ക്കുമായി നൂതനാശയങ്ങള്‍ തിരയുകയും നടപ്പാക്കുകയും ചെയ്യുന്ന പുതിയ ട്രെന്‍ഡിനിടെ ഈ സ്‌കൈഡൈവിങ് പ്രൊപ്പോസല്‍ വീഡിയോ ഓണ്‍ലൈന്‍ ലോകത്ത് വന്‍ ഹിറ്റാണിപ്പോള്‍.

Content Highlights: Man proposes to his girlfriend while skydiving Viral Video

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


sreenath bhasi

1 min

അവതാരകയെ അപമാനിച്ച കേസ്; ശ്രീനാഥ് ഭാസിയെ ജാമ്യത്തില്‍വിട്ടു, കേസുമായി മുന്നോട്ടെന്ന് പരാതിക്കാരി

Sep 26, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022

Most Commented