കോവിഡ് കാലത്ത് ആത്മഹത്യ കൂടി; ജപ്പാൻ 'ഏകാന്തതാ' മന്ത്രിയെ നിയമിച്ചു


ടെറ്റ്‌സുഷി സാകാമോട്ടോ | Photo : jimin.jp

ടോക്യോ: രാജ്യത്തെ ആത്മഹത്യാനിരക്ക് കുറയ്ക്കാനും പൗരന്മാരെ സദാ സന്തുഷ്ടരാക്കാനും ജപ്പാനില്‍ പുതിയ മന്ത്രി. മിനിസ്റ്റർ ഓഫ് ലോണ്‍ലിനെസ് (ഏകാന്തതാ മന്ത്രി) എന്ന പേരിലാണ് പുതിയ മന്ത്രി.

കോവിഡ് കാലത്ത് രാജ്യത്ത് ആത്മഹത്യാനിരക്കിലുണ്ടായ വര്‍ധനവ് കണക്കിലെടുത്താണ് പുതിയ മന്ത്രിയെ നിയമിച്ചിരിക്കുന്നത്. പതിനൊന്ന് വര്‍ഷത്തിനിടെ ആത്മഹത്യ ചെയ്യുന്നവരുടെ എണ്ണം മഹാമാരിയുടെ കാലത്ത് ജപ്പാനില്‍ വര്‍ധിച്ചതായാണ് റിപ്പോര്‍ട്ടുകള്‍.

ഫെബ്രുവരി ആദ്യമാണ് ജപ്പാന്‍ പ്രധാനമന്ത്രി യോഷിഹിതെ സുഗ മന്ത്രിസഭയില്‍ മിനിസ്റ്റര്‍ ഓഫ് ലോണ്‍ലിനെസ്സിനെ (ഏകാന്തതാ മന്ത്രി) കൂടി ഉള്‍പ്പെടുത്തിയത്. 2018 ല്‍ ബ്രിട്ടനാണ് ലോകത്താദ്യമായി ഇത്തരത്തിലൊരു മന്ത്രിയെ നിയമിച്ചത്. ബ്രിട്ടന്റെ പാത പിന്തുടര്‍ന്നാണ് ജപ്പാന്‍ ടെറ്റ്‌സുഷി സാകാമോട്ടോയെ പുതിയ വകുപ്പേല്‍പിച്ചിരിക്കുന്നത്. സങ്കടത്തിലും ഏകാന്തതയിലും കഴിയുന്നവരുടെയും വളരെക്കാലമായി സമൂഹവുമായി ഇടപഴകാതിരിക്കുന്നവരുടെയും പ്രശ്‌നം പരിഹരിക്കുകയാണ് ടെറ്റ്‌സുഷി സാകാമോട്ടോയുടെ ചുമതല.

ജപ്പാനില്‍ ജനനനിരക്കിലുണ്ടായ കുറവ് പരിഹരിക്കാനുള്ള വകുപ്പും പ്രാദേശിക സമ്പദ്ഘടനകളുടെ പുനരുജ്ജീവനവും കൈകാര്യവും ചെയ്യുന്നത് ടെറ്റ്‌സുഷി സാകാമോട്ടോയാണ്. സ്ത്രീകളുടെ ആത്മഹത്യാനിരക്കിന് പ്രത്യേക ഊന്നല്‍ നല്‍കി വിഷയത്തില്‍ ആവശ്യമായ നടപടി സ്വീകരിക്കാനും സാമൂഹിക ഏകാന്തതയും ഒറ്റപ്പെടലും ഒഴിവാക്കാന്‍ അനിവര്യമായ കാര്യങ്ങള്‍ ചെയ്യാനും പ്രധാനമന്ത്രി ചുമതലപ്പെടുത്തിയതായി ടെറ്റ്‌സുഷി സാകാമോട്ടോ അറിയിച്ചു.

Content Highlights: Japan Appoints "Loneliness" Minister To Check Rising Suicide Rate


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


v muraleedharan

1 min

കേരളം കത്തുമ്പോള്‍ പിണറായി ചെണ്ടകൊട്ടി രസിച്ചു, ഒരുമഹാന്‍ കണ്ടെയ്‌നറില്‍ കിടന്നുറങ്ങി- വി മുരളീധരന്‍

Sep 24, 2022


Virat Kohli shares picture of Rafael Nadal Crying Alongside Roger Federer

1 min

'ഏറ്റവും സുന്ദരമായ കായിക ചിത്രം'; കണ്ണീരണിയുന്ന ഫെഡററുടെയും റാഫയുടെയും ചിത്രം പങ്കുവെച്ച് കോലി

Sep 24, 2022

Most Commented