ഇൻഡൊനീഷ്യയില്‍ ഓക്‌സിജന്‍ ക്ഷാമം; കോവിഡ് കേസുകള്‍ ഉയരുന്നു 


സിങ്കപ്പൂരിൽ നിന്നെത്തിയ മെഡിക്കൽ സഹായം | Photo:AP

ജക്കാർത്ത: കോവിഡ് വ്യാപനത്തിന്റെ രണ്ടാം തരംഗം രൂക്ഷമായതിനെ തുടർന്ന് ആരോഗ്യമേഖലയിൽ കടുത്ത പ്രതിസന്ധി നേരിട്ട ഇന്ത്യക്ക് ആയിരക്കണക്കിന് ടാങ്ക് ഓക്സിജനെത്തിച്ച് നൽകിയ രാജ്യമാണ് ഇൻഡൊനീഷ്യ. എന്നാൽ കോവിഡ് വ്യാപനം രൂക്ഷമായതോടെ ഓക്സിജൻ ക്ഷാമം നേരിടുകയാണ് ഈ രാജ്യം. സിങ്കപ്പുർ, ചൈന ഉൾപ്പടെ നിരവധി രാജ്യങ്ങളോട് അടിയന്തരമായി ഓക്സിജൻ എത്തിച്ച് സഹായിക്കണമെന്ന് ആവശ്യപ്പെട്ടിരിക്കുകയാണ് ഇൻഡൊനീഷ്യൻ സർക്കാർ.

1000 ഓക്സിജൻ സിലിണ്ടറുകൾ, കോൺസൻട്രേറ്ററുകൾ, വെന്റിലേറ്ററുകൾ ഉൾപ്പടെയുളള മെഡിക്കൽ ഉപകരണങ്ങൾ വെള്ളിയാഴ്ച സിങ്കപ്പുർ ഇൻഡൊനീഷ്യയിൽ എത്തിച്ചിട്ടുണ്ട്. ഓസ്ട്രേലിയയും 1000 വെന്റിലേറ്ററുകൾ ഇൻഡൊനീഷ്യൽ എത്തിച്ചിട്ടുണ്ട്. ഇതിനുപുറമേ 36,000 ടൺ ഓക്സിജനും 10,000 കോൺസൻട്രേറ്റേഴ്സും സിങ്കപ്പുരിൽ നിന്ന് വാങ്ങാനുളള തീരുമാനത്തിലാണ് ഇൻഡൊനീഷ്യയെന്ന് മന്ത്രി ലുഹുത് ബിൻസാർ പണ്ഡ്ജെയ്തൻ പറഞ്ഞു. ചൈനയെയും സഹായത്തിനായി സമീപിച്ചിട്ടുണ്ട്. യുഎസും യുഎഇയും സഹായം വാഗ്ദാനം ചെയ്തിട്ടുണ്ട്.

ലോകത്തെ നാലാമത്തെ ജനബാഹുല്യമുളള രാജ്യമാണ് ഇൻഡൊനീഷ്യ. 2.4 മില്യൺ കോവിഡ് 19 കേസുകളാണ് ഇവിടെ സ്ഥിരീകരിച്ചിട്ടുളളത്. 63,760 മരണങ്ങളാണ് റിപ്പോർട്ട് ചെയ്തിട്ടുളളത്. വ്യാഴാഴ്ച 39,000 പുതിയ കോവിഡ് കേസുകൾ ഇൻഡൊനീഷ്യയിൽ സ്ഥിരീകരിച്ചിരുന്നു. കോവിഡ് രോഗികൾ വർധിച്ചതോടെ ആശുപത്രികൾ നിറഞ്ഞുകവിഞ്ഞ അവസ്ഥയിലാണ്. അടിയന്തര ചികിത്സയ്ക്കായി കാത്തുകിടക്കുന്നവരും വീട്ടിൽ ഐസൊലേഷനിൽ കഴിയുന്നവരും മരിക്കുന്ന സംഭവങ്ങളും ഇവിടെ നിന്ന് റിപ്പോർട്ട് ചെയ്യുന്നുണ്ട്.

കോവിഡ് വ്യാപനം രൂക്ഷമാകുന്നതിൽ പരിഭ്രാന്തി പൂണ്ട് ആളുകൾ ഓക്സിജൻ സിലിണ്ടറുകൾ വാങ്ങിവെക്കുന്നതും രാജ്യത്തെ ഓക്സിജൻ ക്ഷാമത്തിന് കാരണമായിട്ടുണ്ടെന്നാണ് കണക്കുകൂട്ടൽ. യോഗ്യകാർതയിലെ ഒരു ആശുപത്രിയിൽ 63 കോവിഡ് രോഗികളാണ് ഒരു ദിവസം മരിച്ചത്.

3400 ഓക്സിജൻ സിലിണ്ടറുകളും കോൺസൻട്രേറ്റേഴ്സുമാണ് ഇൻഡൊനീഷ്യ ഇന്ത്യക്ക് സംഭാവന ചെയ്തത്. രാജ്യത്ത് കോവിഡ് രൂക്ഷമായതോടെ 2000 സിലിണ്ടറുകൾ കൂടി ഇന്ത്യയിലേക്ക് അയക്കാനുളള പദ്ധതിയിൽ നിന്ന് ഇൻഡൊനീഷ്യ പിൻവാങ്ങിയിരുന്നു. പ്രതിദിനം 1928 ടൺ ഓക്സിജനാണ് ഇൻഡൊനീഷ്യക്ക് നിലവിൽ വേണ്ടത്. 2,262 ടൺ ഓക്സിജനാണ് രാജ്യം പ്രതിദിനം ഉല്പാദിപ്പിക്കുന്നതെന്ന് സർക്കാർ ഡേറ്റകൾ വ്യക്തമാക്കുന്നു. അടുത്ത രണ്ടാഴ്ച ഇൻഡൊനീഷ്യയെ സംബന്ധിച്ചിടത്തോളം നിർണായകമാണെന്നാണ് വിലയിരുത്തൽ.

Content Highlights:Indonesia short on oxygen seeks help as virus cases soar

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022

Most Commented