വിവാഹച്ചടങ്ങിനിടെ 2020 മോശം വര്‍ഷമാണെന്ന് വരന്റെ തമാശ, പിന്നാലെ വെള്ളിടി, വൈറലായി വീഡിയോ


Screengrab from video instagrammed by asawitsky

കല്യാണത്തിനിടയ്ക്ക് വെള്ളിടി വെട്ടിയെന്ന് എപ്പോഴെങ്കിലും കേട്ടിട്ടുണ്ടോ, എന്നാല്‍ മസ്സാച്ചുസെറ്റ്‌സിലെ ഒരു വിവാഹത്തിനിടെ അത് നടന്നു. 2020 ഒരു മോശം വര്‍ഷമാണെന്ന വരന്റെ തമാശ ശരി വെക്കുന്ന പോലെ കൃത്യമായിരുന്നു ഇടിയും മിന്നലും. ആരോണ്‍ സവിറ്റ്‌സ്‌കിയുടെയും ഡെനിസ് മക് ക്ല്യുവറിന്റെയും വിവാഹച്ചടങ്ങിനിടെ കഴിഞ്ഞ ശനിയാഴ്ചയായിരുന്നു സംഭവം.

വീടിന് പുറത്ത് ഒരുക്കിയ പന്തലിലായിരുന്നു ചടങ്ങ്. '2020 ഒരു നല്ല വര്‍ഷമല്ല, എങ്കിലും നാമതിനെ അഭിമുഖീകരിച്ചേ പറ്റൂ' ആരോണിന്റെ തമാശയ്ക്ക് തൊട്ടുപിന്നാലെ അതിശക്തമായ ഇടിമിന്നലുണ്ടായി. 'പ്രകൃതിയുടെ ഹ്യൂമര്‍ സെന്‍സ് അത്ര പോര' എന്ന കുറിപ്പോടെ സംഭവത്തിന്റെ വീഡിയോ ആരോണ്‍ ഇന്‍സ്റ്റഗ്രാമില്‍ ഷെയര്‍ ചെയ്തു. ഭാഗ്യത്തിന് ആര്‍ക്കും ഷോക്കേറ്റില്ലെന്നും മഴ ആരംഭിക്കുന്നതിന് മുമ്പ് ചടങ്ങുകള്‍ പൂര്‍ത്തിയാക്കിയെന്നും ആരോണ്‍ കൂട്ടിച്ചേര്‍ത്തു.

ആരോണിന്റെ വീഡിയോ 95,000 ത്തോളം പേര്‍ ഇന്‍സ്റ്റഗ്രാമില്‍ ഇതുവരെ കണ്ടുകഴിഞ്ഞു. ടണ്‍ കണക്കിന് ഫണ്‍ എന്ന നിലയിലായി കമന്റുകള്‍. സമയോചിതമായ ഇടിമിന്നല്‍ അടിപൊളിയായെന്ന് ഒരാള്‍ കമന്റ് ചെയ്തപ്പോള്‍ ദൗര്‍ഭാഗ്യത്തിന്റെ അനുഗ്രഹമാണിതെന്ന് മറ്റൊരാള്‍ കമന്റു ചെയ്തു. 2020 നെ കുറിച്ചുള്ള രസകരമായ തമാശകളുടെ പെരുമഴയായി പിന്നീട് കമന്റ് ബോക്‌സില്‍.

Content Highlights: Groom Makes A Joke About 2020 Right Before Lightning Strikes

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022


Droupadi Murmu

5 min

ദ്രൗപദി മുർമുവിനെ സര്‍വ്വസമ്മതയായ സ്ഥാനാര്‍ഥിയായി നിര്‍ത്തണം; സിന്‍ഹയെ പിന്‍വലിക്കണം | പ്രതിഭാഷണം

Jun 23, 2022

Most Commented