പാകിസ്താന് വന്‍ തിരിച്ചടി; സൈനിക, പ്രതിരോധ സംവിധാനങ്ങള്‍ നവീകരിക്കാന്‍ ഫ്രാന്‍സ് സഹായം നല്‍കില്ല


പാക് പ്രധാനമന്ത്രി ഇമ്രാൻ ഖാൻ | Photo: AP

പാരീസ്: പാകിസ്താന്റെ സൈനിക, പ്രതിരോധ സംവിധാനങ്ങള്‍ നവീകരിക്കാന്‍ ഫ്രാന്‍സ് സഹായം നല്‍കില്ല. മിറാഷ് യുദ്ധ വിമാനങ്ങള്‍, വ്യോമ പ്രതിരോധ സംവിധാനം, അഗസ്റ്റ 90 ബി ക്ലാസ് അന്തര്‍വാഹിനികള്‍ തുടങ്ങിയവ നവീകരിക്കാനുള്ള സഹായം ഫ്രാന്‍സ് നല്‍കിയേക്കില്ലെന്നാണ് റിപ്പോര്‍ട്ടുകള്‍. ഫ്രാന്‍സില്‍ മതനിന്ദ ആരോപിച്ച് അധ്യാപകന്‍ കൊല്ലപ്പെട്ട സംഭവത്തില്‍ ഫ്രഞ്ച് പ്രസിഡന്റ് ഇമ്മാനുവല്‍ മക്രോണിനെതിരേ പാക്ക് പ്രധാനമന്ത്രി ഇമ്രാന്‍ ഖാന്‍ കടുത്ത വിമര്‍ശനം ഉന്നയിതിന് പിന്നാലെയാണ് ഫ്രാന്‍സിന്റെ തിരിച്ചടി.

മിറാഷ് 3 യുദ്ധവിമാനങ്ങള്‍ നവീകരിച്ച് നല്‍കില്ലെന്ന ഫ്രാന്‍സിന്റെ തീരുമാനം പാക്ക് വ്യോമസേനയ്ക്ക് കനത്ത തിരിച്ചടിയണ്. ഫ്രഞ്ച് കമ്പനിയായ ദസ്സോ ഏവിയേഷന്‍ നിര്‍മ്മിച്ച 150 ഓളം മിറാഷ് യുദ്ധവിമാനങ്ങള്‍ പാകിസ്താന്റെ പക്കലുണ്ട്. എന്നാല്‍ ഇതില്‍ പകുതി മാത്രമേ നിലവില്‍ ഉപയോഗിക്കാന്‍ സാധിക്കുന്നുള്ളൂ. സമാന രീതിയില്‍ ഫ്രഞ്ച്-ഇറ്റാലിയന്‍ വ്യോമ പ്രതിരോധ സംവിധാനം നവീകരിക്കുന്നതിനുള്ള പാകിസ്താന്റെ അഭ്യര്‍ഥനയും നിരസിക്കപ്പെട്ടു.

റഫാല്‍ വിമാനങ്ങളുടെ ജോലികളില്‍ പാക്ക് വംശജരായ സാങ്കേതിക വിദഗ്ദ്ധരെ ഉള്‍പ്പെടുത്തരുതെന്ന് ഖത്തറിനോട് ഫ്രാന്‍സ് ആവശ്യപ്പെട്ടിട്ടുണ്ട്. ഫ്രാന്‍സിന്റെ റഫാല്‍ യുദ്ധ വിമാനങ്ങള്‍ വാങ്ങിയ രാജ്യങ്ങളിലൊന്നാണു ഖത്തര്‍. ഈ സാഹചര്യത്തില്‍ പാക്ക് സ്വദേശികളെ അനുവദിക്കുന്നത് വിമാനത്തിന്റെ സാങ്കേതിക രഹസ്യങ്ങള്‍ ഇസ്‌ലാമാബാദിലേക്ക് ചോരാന്‍ ഇടയാക്കുമെന്നാണ് ഫ്രാന്‍സ് ഭയക്കുന്നത്.

ഫ്രാന്‍സില്‍ നിന്ന് റഫാല്‍ യുദ്ധ വിമാനങ്ങള്‍ വാങ്ങിയ ഇന്ത്യ തങ്ങളുടെ ആശങ്കകള്‍ നേരത്തെ ഫ്രാന്‍സിനെ അറിയിച്ചിരുന്നു. ഇന്ത്യയുടെ ആക്രമണത്തിന്റെ മുന്നണി പോരാളിയായ റഫാലിന്റെ വിവരങ്ങള്‍ പാകിസ്താനിലേക്ക് ചോരുമെന്നായിരുന്നു ആശങ്കകള്‍. മുന്‍കാലങ്ങളില്‍ പാകിസ്താന്‍ ചൈനയക്ക് സൈനിക രഹസ്യങ്ങള്‍ ചോര്‍ത്തി നല്‍കിയ ചരിത്രവും ഫ്രാന്‍സിനെ ആശങ്കാകുലരാക്കിയിരുന്നു. ഇതേ തുടര്‍ന്നാണ് തീരുമാനം.

ഫ്രഞ്ച് മാസികയായ ഷാര്‍ലി എബ്ദോയുടെ പാരീസ് മുന്‍ ഓഫീസിന് പുറത്തു നടന്ന കത്തി ആക്രമണത്തിന്റെയും ഇരുരാജ്യങ്ങളും തമ്മില്‍ അകന്നതിന്റേയും പശ്ചാത്തലത്തില്‍ അഭയം തേടിയുള്ള പാകിസ്താനികളുടെ അപേക്ഷകളില്‍ കര്‍ശന സൂക്ഷ്മ പരിശോധനയാണു ഫ്രാന്‍സ് നടത്തുന്നത്. സെപ്റ്റംബറില്‍, പാക് വംശജനായ അലി ഹസ്സന്‍ മാസികയുടെ മുന്‍ ഓഫീസിന് പുറത്ത് രണ്ട് പേരെ കുത്തിക്കൊലപ്പെടുത്തിയിരുന്നു.

Content Highlights: France turns the screws on Imran Khan, declines upgrade for Mirage, subs and more

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Sajjanar

5 min

നായകനില്‍നിന്ന് വില്ലനിലേക്ക്‌; പോലീസ് വാദങ്ങള്‍ ഒന്നൊന്നായി പൊളിഞ്ഞു, വ്യാജ ഏറ്റുമുട്ടല്‍ എന്തിന്?

May 21, 2022


modi

5 min

ലോകത്തെ മുഴുവൻ ഊട്ടുമെന്ന് പ്രഖ്യാപനം,തിരുത്തല്‍; ഗോതമ്പിൽ മോദി ട്രാക്ക് മാറ്റിയതെന്തിന്?

May 20, 2022


penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022

More from this section




Most Commented