ഉരുകിയൊലിക്കുന്ന ലാവ പോലെ തിരകള്‍; ആളിക്കത്തുന്ന ജ്വാലകള്‍; വൈറലായി കടലിലെ തീ


Photo : NDTV

ലയടിക്കുന്ന കടല്‍പ്പരപ്പിന് മുകളില്‍ വൃത്താകൃതിയില്‍ ആളിക്കത്തുന്ന തീ, ഉരുകിയൊലിക്കുന്ന ലാവ പോലെ കാണപ്പെടുന്ന കടല്‍വെള്ളം. ഇത്തരത്തിലൊരു കാഴ്ച കണ്ണില്‍ പെട്ടാല്‍ ഒരു ഹോളിവുഡ് സിനിമയുടെ ഭാഗമെന്നാവും ആദ്യമുണ്ടാകുന്ന തോന്നല്‍. സമീപത്ത് കപ്പലുകളോ മറ്റോ കാണപ്പെടുന്നില്ലെങ്കില്‍ എണ്ണച്ചോര്‍ച്ചയുടെ സാധ്യതയും നമ്മള്‍ തള്ളിക്കളയും.

എന്നാല്‍ മെക്‌സികോ ഉള്‍ക്കടലിന്റെ ഉപരിതലത്തില്‍ പടര്‍ന്ന തീ ഒരു ചോര്‍ച്ചയുടെ ഫലമായിരുന്നു. മെക്‌സികോയുടെ യുകാട്ടന്‍ ഉപദ്വീപിലായിരുന്നു തീപ്പിടിത്തം. കടലിനടിയിലൂടെയുള്ള ഒരു പൈപ്പ് ലൈനില്‍ നിന്നുള്ള ഗ്യാസ് ലീക്കിനെ തുടര്‍ന്നായിരുന്നു ഈ 'വിസ്മയക്കാഴ്ച' പ്രത്യക്ഷപ്പെട്ടത്. ചുവപ്പുരാശി കലര്‍ന്ന തിളക്കമേറിയ തീപ്പടര്‍പ്പുകളായിരുന്നു കാഴ്ചയുടെ ആകര്‍ഷണം. പിന്നീട് തീയണച്ചെങ്കിലും കടല്‍ത്തീയുടെ ഫോട്ടോകളും വീഡിയോയും സാമൂഹികമാധ്യമങ്ങള്‍ ഏറ്റെടുത്തിരിക്കുകയാണ്.

സമുദ്രത്തിനടിയിലെ പൈപ്പ്‌ലൈനിലായിരുന്നു ആദ്യം അഗ്നിബാധയുണ്ടായതെന്ന് പെമക്‌സ് എണ്ണക്കമ്പനി അറിയിച്ചു. പെമക്‌സില്‍ നിന്ന് കു മാലൂബ് സാപ് ഓയില്‍ ഡെവലപ്‌മെന്റിലേക്കുള്ള എണ്ണക്കുഴലാണത്. മെക്‌സികോ ഉള്‍ക്കടലിന്റെ തെക്കേ അരികിലാണ് കു മാലൂബ് സാപ്. പുലര്‍ച്ചെ 5.15 ഓടെയായിരുന്നു തീപ്പിടിത്തം. രാവിലെ പത്തരയോടെ തീ പൂര്‍ണമായും കെടുത്താന്‍ സാധിച്ചതായി പെമക്‌സ് വക്താവ് അറിയിച്ചു. തീപ്പിടിത്തത്തിന്റെ കാരണത്തെ കുറിച്ച് അന്വേഷണം നടത്തുമെന്നും അദ്ദേഹം അറിയിച്ചു.

Content Highlights: Fire Rages In The Middle Of Ocean Near Mexico Video Viral

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
image

1 min

അബുദാബിയില്‍ പാചകവാതക സിലിണ്ടര്‍ പൊട്ടിത്തെറിച്ച് രണ്ട് മരണം; 120 പേര്‍ക്ക് പരിക്ക്

May 23, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022


penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022

More from this section




Most Commented