60 മീറ്റർ താഴ്ചയില്‍ സ്‌കൂബ ഡൈവിങ്; ലൈബ്രറിയുള്‍പ്പെടെ സൗകര്യങ്ങള്‍, വിസ്മയാനുഭവം ദുബായില്‍


Photo : NDTV

ലോകത്തിലെ ഏറ്റവും ആഴമേറിയ നീന്തല്‍ക്കുളത്തില്‍ മുങ്ങാംകുഴിയിടാന്‍ ഇനി ദുബായിലേക്ക് ഒരു യാത്ര നടത്തിയാല്‍ മതി. ലോകത്തിലെ ഏറ്റവും ഉയരമേറിയ അംബരചുംബിയ്ക്കും ഏറ്റവും വലിപ്പമേറിയ ഷോപ്പിങ് മാളിനുമൊപ്പം വിനോദസഞ്ചാരികള്‍ക്കായി ഒരദ്ഭുതം കൂടി ദുബായില്‍ തയ്യാറായിരിക്കുകയാണ്. ലോകത്തിലെ മറ്റേതൊരു ഡൈവിങ് പൂളിനെക്കാളും പതിനഞ്ച് മീറ്ററോളം ആഴവും നാല് മടങ്ങിലേറെ വലിപ്പവുമുള്ള ഈ നീന്തല്‍ക്കുളത്തിന് ലോകത്തിലെ ഏറ്റവും ആഴമേറിയ നീന്തല്‍ക്കുളമെന്ന ഗിന്നസ് വേള്‍ഡ് റെക്കോഡ്‌സിന്റെ അംഗീകാരം ജൂണ്‍ 27 ന് ലഭിച്ചു.

ദുബായ് കിരീടാവകാശിയായ ഷെയ്ഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂമിന്റെ നിര്‍ദേശപ്രകാരമാണ് ഏകദേശം 5,000 ചതുരശ്രമീറ്റര്‍ വിസ്തൃതിയില്‍ പേള്‍ ഡൈവിങ് പൂള്‍ നിര്‍മിച്ചത്. പരിശീലനത്തിനും, വിനോദത്തിനും വിദ്യാഭ്യാസത്തിനുമുള്ള സൗകര്യങ്ങളോടു കൂടിയാണ് ഈ ഇന്‍ഡോര്‍ സ്‌കൂബ ഡൈവിങ് സംവിധാനം ഒരുക്കിയിരിക്കുന്നതെന്ന് പ്രസ്താവനയില്‍ ഗിന്നസ് വ്യക്തമാക്കി.

ആഴങ്ങളിലെ ഒരു അദ്ഭുതനഗരത്തിന് സമാനമാണ് പേള്‍ ഡൈവിങ് പൂള്‍. '60 മീറ്റര്‍(196 അടി) ആഴത്തിലേക്കുള്ള ഡീപ് ഡൈവില്‍ ഒരു പ്രപഞ്ചം മുഴുവനായി നിങ്ങള്‍ക്കായി കാത്തിരിക്കുകയാണ്'. നീന്തല്‍ക്കുളത്തിന്റെ വീഡിയോ ട്വിറ്ററില്‍ പങ്കുവെച്ച് ഷെയ്ഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം കുറിച്ചു. മരങ്ങളും ഗ്രന്ഥശാലകളും ബില്യാഡ്‌സ്, കാരംസ് തുടങ്ങി പലവിധ ഇന്‍ഡോര്‍ ഗെയിമുകളും കുളിമുറികളും തുടങ്ങി നിരവധി സൗകര്യങ്ങള്‍ ആഴത്തില്‍ ഒരുക്കിയിരിക്കുന്നതായി വീഡിയോയില്‍ കാണാം.

14 ദശലക്ഷം ലിറ്റര്‍ ശുദ്ധജലമാണ് നീന്തല്‍ക്കുളത്തില്‍ നിറച്ചിരിക്കുന്നത്. ഒളിംപിക് നീന്തല്‍ക്കുളങ്ങളിലെ ജലത്തിന്റെ ആറ് മടങ്ങോളം വരുമിത്. വെള്ളത്തിന്റെ താപനില 30 ഡിഗ്രി സെല്‍ഷ്യസായി ക്രമീകരിച്ചിരിക്കുന്നു. ലോകത്തില്‍ ആഴമേറിയ മറ്റ് നീന്തല്‍കുളങ്ങളുണ്ടെങ്കിലും പേള്‍ ഡൈവിങ് പൂള്‍ അവയില്‍ നിന്ന് തികച്ചും വ്യത്യസ്തമാണെന്ന് ഡീപ് ഡൈവ് ദുബായ് ഡയറക്ടര്‍ ജറോഡ് ജബ്ലോന്‍സ്‌കി പറഞ്ഞു. നിലവില്‍ ക്ഷണിതാക്കള്‍ക്ക് മാത്രമാണ് പേള്‍ ഡൈവിങ് പൂള്‍ ആസ്വാദ്യമാകുന്നത്. ഈ വര്‍ഷം അവസാനത്തോടെ പൊതുജനങ്ങള്‍ക്കായി നീന്തല്‍ക്കുളം തുറന്നു നല്‍കും.

Content Highlights: Dubai Crown Prince Shares Stunning Video Of World's Deepest Pool

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented