'വഴിമുടക്കി' കപ്പലിനെ ഈജിപ്ത് വിട്ടയച്ചു; എവര്‍ ഗിവണ്‍ ഒടുവില്‍ സൂയസ് കനാല്‍ കടന്നു


എവർ ഗിവൺ കപ്പൽ സൂയസ് കനാലിൽ കുടുങ്ങിക്കിടക്കുന്നതിന്റെ ഉപഗ്രഹചിത്രം| File Photo: AP

കെയ്‌റോ: സൂയസ് കനാലില്‍ വഴിമുടക്കിയ എവര്‍ ഗിവണ്‍ കപ്പലിനെ അത്ര പെട്ടെന്നൊന്നും മറന്നിട്ടുണ്ടാകില്ല. ദിവസങ്ങളോളമാണ് ''വഴിമുടക്കി കപ്പലി''നെ കുറിച്ച് ആളുകള്‍ ചര്‍ച്ച ചെയ്തത്. ഇപ്പോള്‍ നടപടിക്രമങ്ങള്‍ക്ക് ശേഷം കപ്പലിനെ ഈജിപ്ത് വിട്ടയച്ചിരിക്കുകയാണ്. മെഡിറ്ററേനിയന്‍ കടലിലേക്ക് കപ്പല്‍ യാത്ര തിരിച്ചു. ഈജിപ്തിലെ ഇസ്മായിലിയയില്‍ വെച്ച് നടന്ന ഉടമ്പടി ചര്‍ച്ചകള്‍ക്കൊടുവിലാണ് കപ്പലിനെ വിട്ടയച്ചത്.

ഏഴ് ദിവസത്തോളം വഴിമുടക്കിയ എവര്‍ ഗിവണ്‍ കപ്പലിനെ കഴിഞ്ഞ മൂന്ന് മാസത്തോളമായി ഈജിപ്ത് പിടിച്ച് വെച്ചിരിക്കുകയായിരുന്നു. 550 മില്യണ്‍ ഡോളര്‍ നഷ്ടപരിഹാരമാണ് ഈജിപ്ത് ആവശ്യപ്പെട്ടിരുന്നത്. എന്നാല്‍ എത്ര തുകയാണ് കപ്പല്‍ വിട്ടുകിട്ടാന്‍ വേണ്ടി കമ്പനി കെട്ടിവെച്ചത് എന്ന കാര്യത്തില്‍ ഔദ്യോഗിക സ്ഥിരീകരണം ഉണ്ടായിട്ടില്ല.

കഴിഞ്ഞ മാര്‍ച്ചിലായിരുന്നു ജാപ്പനീസ് കമ്പനിയായ ഷോയി കിസെന്റെ ഉടമസ്ഥതയിലുള്ള എവര്‍ ഗിവണ്‍ കപ്പല്‍ സൂയസ് കനാലില്‍ കുരുങ്ങിയത്. കനാലില്‍ കപ്പല്‍ കുരുങ്ങിയതോടെ ചരക്ക് നീക്കം പൂര്‍ണമായും നിലച്ചിരുന്നു. നിരവധി കപ്പലുകളുടെ യാത്രകള്‍ മുടങ്ങിയിരുന്നു. യൂറോപ്പിനെയും ഏഷ്യയെയും മറ്റു ഭൂഖണ്ഡങ്ങളെയും ബന്ധിപ്പിക്കുന്ന സൂയസ് കനാലില്‍ ഏഴ് ദിവസത്തോളം കപ്പല്‍ കുടുങ്ങിയതോടെ കോടിക്കണക്കിന് രൂപയുടെ നഷ്ടമാണ് ഉണ്ടായത്. ഇതില്‍ നഷ്ടപരിഹാരം ആവശ്യപ്പെട്ട് സൂയസ് കനാല്‍ അതോറിറ്റി എവര്‍ ഗിവണ്‍ കപ്പലിനെ പിടിച്ചു വെക്കുകയായിരുന്നു. നീണ്ട ചര്‍ച്ചകള്‍ക്കൊടുവിലാണ് കപ്പലിനെ വിട്ടയച്ചത്.

content highlights: deal signed: ever given ship sets sail

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ashraf tharasseri

2 min

'ബാധ്യതയെല്ലാം തീര്‍ത്തപ്പോള്‍ വേണ്ടപ്പെട്ടവര്‍ക്ക് ഞാനൊരു ബാധ്യതയായി'; അറംപറ്റിയതുപോലെ ആ വാക്കുകള്‍

Jul 5, 2022


Thalassery Overbury's Foley

1 min

തലശ്ശേരി പാര്‍ക്കിലെ കമിതാക്കളുടെ ഒളിക്യാമറ ദൃശ്യം പോണ്‍ സൈറ്റുകളില്‍; അപ്‌ലോഡ് ചെയ്തവരെ തേടി പോലീസ്

Jul 4, 2022


pinarayi and saji cheriyan

1 min

അപ്രതീക്ഷിത വിവാദം; മന്ത്രി സജി ചെറിയാനെ മുഖ്യമന്ത്രി വിളിപ്പിച്ചു, തിരക്കിട്ട ചര്‍ച്ചകള്‍

Jul 5, 2022

Most Commented