ഗാസയുടെ പുനര്‍നിര്‍മാണത്തിന് അമേരിക്ക സഹായം നല്‍കുമെന്ന് യു.എസ് വിദേശകാര്യ സെക്രട്ടറി


ഗാസയുടെ നിയന്ത്രണമുള്ള ഹമാസിന് യാതൊരു സഹായവും ലഭിക്കില്ലെന്ന് അമേരിക്ക ഉറപ്പാക്കുമെന്നും ബ്ലിങ്കന്‍ വ്യക്തമാക്കിയിട്ടുണ്ട്.

Photo: AFP

ജറുസലേം: ഗാസ നഗരത്തിന്റെ പുനര്‍നിര്‍മാണത്തിന് അമേരിക്ക സഹായം നല്‍കുമെന്ന് യു.എസ് വിദേശകാര്യ സെക്രട്ടറി ആന്റണി ബ്ലിങ്കന്‍. രക്തച്ചൊരിച്ചില്‍ ഉണ്ടാകാതിരിക്കാന്‍ അടിയന്തരമായി ദുരിതാശ്വാസ സഹായം എത്തിക്കേണ്ടതുണ്ടെന്ന് ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹുവുമായി നടത്തിയ കൂടിക്കാഴ്ചയ്ക്കുശേഷം അദ്ദേഹം പറഞ്ഞു. എന്നാല്‍ ഗാസയുടെ നിയന്ത്രണമുള്ള ഹമാസിന് യാതൊരു സഹായവും ലഭിക്കില്ലെന്ന് അമേരിക്ക ഉറപ്പാക്കുമെന്നും ബ്ലിങ്കന്‍ വ്യക്തമാക്കിയിട്ടുണ്ട്.

നിലവിലെ വെടിനിര്‍ത്തല്‍ തുടരുന്ന സാഹചര്യം ഒരുക്കാനാണ് ഗാസയുടെ പുനര്‍നിര്‍മാണത്തിന് യു.എസ് സഹായം നല്‍കുന്നത്. ആക്രമണങ്ങളെ പ്രതിരോധിക്കാനുള്ള ഇസ്രയേലിന്റെ അവകാശത്തെ അമേരിക്ക പിന്തുണയ്ക്കുമെന്നും അദ്ദേഹം വ്യക്തമാക്കി.

ഇസ്രയേലും പലസ്തീനിലെ തീവ്രവാദി സംഘടനകളും തമ്മില്‍ 11 ദിവസമായി നടന്ന ഏറ്റുമുട്ടലിനിടെ 250 ലധികം പേരാണ് കൊല്ലപ്പെട്ടതെന്ന് ബിബിസി റിപ്പോര്‍ട്ടുചെയ്തു. ഗാസയിലാണ് കൂടുതല്‍ മരണങ്ങളും. ഈജിപ്തിന്റെ മധ്യസ്ഥതയില്‍ വെള്ളിയാഴ്ചയാണ് പോരാട്ടം അവസാനിച്ചത്.

അതിനിടെ ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹുവുമായി ജറുസലേമില്‍ നടത്തിയ കൂടിക്കാഴ്ചയ്ക്കുശേഷം അമേരിക്കന്‍ വിദേശകാര്യ സെക്രട്ടറി ആന്റണി ബ്ലിങ്കന്‍ മൂന്ന് ദിവസത്തെ മിഡില്‍ ഈസ്റ്റ് സന്ദര്‍ശനത്തിന് തുടക്കം കുറിച്ചു. സമാധാന അന്തരീക്ഷം തകര്‍ത്ത് ഇസ്രയേലിനെതിരെ ആക്രമണം നടത്താന്‍ ഹമാസ് മുതിര്‍ന്നാല്‍ തിരിച്ചടി ശക്തമായിരിക്കുമെന്ന് കൂടിക്കാഴ്ചക്കിടെ നെതന്യാഹു മുന്നറിയിപ്പ് നല്‍കി. റോക്കറ്റ് ആക്രമണങ്ങള്‍ പ്രതിരോധിക്കുന്നതിനുള്ള അയണ്‍ ഡോം മിസൈല്‍ പ്രതിരോധ സംവിധാനത്തിന്റെ പോരായ്മകള്‍ പരിഹരിക്കുന്ന കാര്യവും ചര്‍ച്ചയായി.

വെടിനിര്‍ത്തല്‍ യാഥാര്‍ഥ്യമാക്കാന്‍ അമേരിക്കന്‍ പ്രസിഡന്റ് ജോ ബൈഡനും പരിശ്രമിച്ചുവെന്ന് ബ്ലിങ്കന്‍ കൂട്ടിച്ചേര്‍ത്തു. പുനര്‍നിര്‍മാണ പ്രവര്‍ത്തനങ്ങളും ഇനി നടത്തേണ്ടതുണ്ടെന്നാണ് അമേരിക്ക കരുതുന്നത്. ആക്രമണങ്ങള്‍ ഇനിയും ഉണ്ടാകാതിരിക്കാന്‍ നിലവിലുള്ള പ്രശ്‌നങ്ങള്‍ പരിഹരിക്കപ്പെടാനുള്ള അനുകൂല അന്തരീക്ഷം സൃഷ്ടിക്കേണ്ടതുണ്ട്. പുനര്‍നിര്‍മാണം സംബന്ധിച്ച പ്രഖ്യാപനങ്ങള്‍ ഉടന്‍ ഉണ്ടാകുമെന്നും അദ്ദേഹം വ്യക്തമാക്കി.

Content Highlights: Blinken promises US support to rebuild Gaza

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022


AMIT SHA-NITISH KUMAR

1 min

2 ദിവസം മുമ്പും അമിത്ഷാ നിതീഷിനെ വിളിച്ചു, ഒന്നും പേടിക്കേണ്ടെന്ന് മറുപടി; പക്ഷെ നൈസായങ്ങ് ഒഴിവാക്കി

Aug 10, 2022

Most Commented