ബ്രിട്ടനിൽ ചൈനീസ് ടെലിവിഷൻ നിരോധിച്ചതിന് മറുപടി; ചൈനയിൽ ബിബിസിക്കും നിരോധനം


ബിബിസി | Photo :AFP

ബെയ്ജിങ്: ബിബിസി വേള്‍ഡ് ന്യൂസ് ചൈനയില്‍ സംപ്രേഷണം ചെയ്യുന്നത് നിരോധിച്ചു. വെള്ളിയാഴ്ച മുതലാണ് നിരോധനം നിലവില്‍ വന്നിരിക്കുന്നത്. ബ്രിട്ടണില്‍ സംപ്രേഷണം ചെയ്യാനുളള ചൈനീസ് സ്‌റ്റേറ്റ് ടെലിവിഷന്റെ (CGTN) ലൈസന്‍സ് ബ്രിട്ടണിലെ മീഡിയ റെഗുലേറ്റര്‍ റദ്ദാക്കിയതിന് പിറകേയാണ് ചൈനയുടെ നീക്കം.

ചൈനയുമായി ബന്ധപ്പെട്ട ബിബിസി റിപ്പോര്‍ട്ടുകളില്‍ വാര്‍ത്തകള്‍ യഥാര്‍ഥവും ഉചിതവുമായിരിക്കണമെന്നുതുള്‍പ്പടെയുളള ഗുരുതരമായ നിയമലംഘനങ്ങള്‍ നടന്നതായി അന്വേഷണത്തില്‍ കണ്ടെത്തിയെന്ന് ചൈനയുടൈ നാഷണല്‍ റേഡിയോ ആന്‍ഡ് ടെലിവിഷന്‍ അഡ്മിനിസ്‌ട്രേഷന്‍ പറയുന്നു. റിപ്പോര്‍ട്ടുകള്‍ രാജ്യത്തിന്റെ ദേശീയ താല്പര്യങ്ങളില്‍ വിളളല്‍ വീഴ്ത്തിയെന്നും ദേശീയ ഐക്യത്തെ അട്ടിമറിച്ചതായും പറയുന്നു.

ചൈനയില്‍ വിദേശ ചാനലുകള്‍ സംപ്രേഷണം ചെയ്യുന്നതിനാവശ്യമായ ഉപാധികളൊന്നും ബിബിസി പാലിക്കുന്നില്ലെന്നും അതിനാല്‍ സംപ്രേഷണം ചെയ്യാന്‍ ആവശ്യപ്പെട്ടുകൊണ്ട് ചാനല്‍ നല്‍കിയ അപേക്ഷ നിരാകരിക്കുന്നുവെന്നും ചൈനീസ് അധികൃതര്‍ വ്യക്തമാക്കി.

ചൈനയിലെ ഭൂരിഭാഗം ടിവി ചാനല്‍ പാക്കേജുകളിലും ബിബിസി വേള്‍ഡ് ഉള്‍പ്പെടുത്തിയിട്ടില്ല. എന്നാല്‍ ചില ഹോട്ടലുകളിലും വസതികളിലും ചാനല്‍ ലഭ്യമായിരുന്നു. നിലവില്‍ ചാനല്‍ വെക്കുമ്പോള്‍ സ്‌ക്രീന്‍ ശൂന്യമാണെന്നാണ് റിപ്പോര്‍ട്ട്.

ചൈനയുടെ നടപടിയെ ബ്രിട്ടീഷ് വിദേശകാര്യമന്ത്രി ഡൊമിനിക് റാബും, യുഎസ് സ്റ്റേറ്റ് ഡിപ്പാര്‍ട്ട്‌മെന്റും അപലപിച്ചു. നിരാശാജനകമെന്നായിരുന്നു ബിബിസിയുടെ പ്രതികരണം.

'ലോകത്തെ ഏറ്റവും വിശ്വാസ്യതയുളള അന്താരാഷ്ട്ര ന്യൂസ് ബ്രോഡ്കാസ്റ്ററാണ് ബിബിസി. ലോകത്തിന്റെ വിവിധ ഭാഗങ്ങളില്‍ നിന്നുളള വാര്‍ത്തകള്‍ നീതിപൂര്‍വ്വവും പക്ഷപാതരഹിതമായും ഭയമോ ആനുകൂല്യമോ ഇല്ലാതെയുമാണ് ബിബിസി റിപ്പോര്‍ട്ട് ചെയ്യുന്നത്.'- ചാനല്‍ വ്യക്തമാക്കി.

Content Highlights: BBC world news barred in China


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented