മിസോറിയില്‍ വീണ്ടും മേയറായി മലയാളി; മെറിലാന്‍ഡില്‍ ലെഫ്. ഗവര്‍ണറായി ആദ്യ ഇന്ത്യന്‍ വംശജ


റോബിൻ ഇലക്കാട്ട്, അരുണ മില്ലർ | Photo: https://www.missouricitytx.gov/370/Mayor, AFP

ഹൂസ്റ്റന്‍: യു.എസ്. ഇടക്കാല തിരഞ്ഞെടുപ്പില്‍ മിസോറി സിറ്റി മേയറായി മലയാളിയായ റോബിന്‍ ഇലക്കാട്ട് രണ്ടാമതും തിരഞ്ഞെടുക്കപ്പെട്ടു. യോലാന്‍ഡാ ഫോര്‍ഡിനെ പരാജയപ്പെടുത്തിയാണ് കോട്ടയം കുറുമുള്ളൂര്‍ ഗ്രാമത്തില്‍ ജനിച്ച റോബിന്‍ വീണ്ടും മേയറാവുന്നത്. കഴിഞ്ഞ രണ്ടുവര്‍ഷം മേയറെന്ന നിലയില്‍ നടത്തിയ പ്രവര്‍ത്തനങ്ങളാണ് റോബിനെ വീണ്ടും മേയര്‍ സ്ഥാനത്ത് എത്തിച്ചത്.

കോട്ടയം ജില്ലയിലെ കുറുമുള്ളൂര്‍ ഗ്രാമത്തിലാണ് റോബിന്‍ ജനനം. അഞ്ചാം ക്ലാസില്‍ പഠിക്കുമ്പോഴാണ് യു.എസിലേക്ക് കുടിയേറിയത്. വിദ്യാഭ്യാസം പൂര്‍ത്തിയാക്കിയ ശേഷം ആരോഗ്യമേഖലയില്‍ ജോലി നോക്കി. പിന്നീട് 2009ലും 2011ലും 2013ലും കൗണ്‍സില്‍ മെമ്പറായി തിരഞ്ഞെടുക്കപ്പെട്ടു. 2015 മുതല്‍ 2020വരെ രാഷ്ട്രീയത്തില്‍ നിന്നും മാറി നിന്ന റോബിന്‍ 2020ല്‍ ആദ്യമായി മിസോറി മേയറായി. ഷിക്കാഗോ ക്‌നാനായ കത്തോലിക് യൂത്ത് ലീഗ് പ്രസിഡന്റായും നോര്‍ത്ത് അമേരിക്കന്‍ ക്‌നാനായ കത്തോലിക് യൂത്ത് ലീഗ് പ്രസിഡന്റായും പ്രവര്‍ത്തിച്ചിട്ടുണ്ട്. 2005 മുതല്‍ ഹൂസ്റ്റനിലാണ് താമസം.



അതേസമയം, മെറിലാന്‍ഡിന്റെ പ്രഥമ ഇന്തോ- അമേരിക്കന്‍ ലഫ്റ്റനന്റ് ഗവര്‍ണറായി അരുണ മില്ലര്‍ തിരഞ്ഞെടുക്കപ്പെട്ടു. വെസ് മൂറിനൊപ്പമാണ് 58-കാരിയായ അരുണ മില്ലര്‍ ലഫ്റ്റനന്റ് ഗവര്‍ണറായത്. റിപ്പബ്ലിക്കന്‍ പാര്‍ട്ടിയിലെ സ്ഥാനാര്‍ഥികളെ പരാജയപ്പെടുത്തിയാണ് ഡെമോക്രാറ്റുകളായ ഇരുവരും തിരഞ്ഞെടുക്കപ്പെട്ടത്. നേരത്തെ, മെറിലാന്‍ഡ് ഹൗസിലെ പ്രതിനിധിയായിരുന്നു അരുണ.

ഇന്ത്യന്‍ വംശജയായ വൈസ് പ്രസിഡന്റ് കമലാ ഹാരിസും, പ്രസിഡന്റ് ജോ ബൈഡനും അരുണയുടേയും മൂറിന്റേയും പ്രചാരണങ്ങള്‍ക്കായി എത്തിയിരുന്നു. ഹിന്ദുത്വ ആശങ്ങളോട് അടുപ്പം കാണിക്കുന്നുവെന്ന് അരുണയ്‌ക്കെതിരെ ആരോപണമുണ്ടായിരുന്നു. ട്രംപിനെ അനുകൂലിക്കുന്ന റിപ്പബ്ലിക്കന്‍ പാര്‍ട്ടിക്കാരും അരുണയ്ക്ക് പരസ്യപിന്തുണയുമായി എത്തിയിരുന്നു. പ്രമുഖ റിപ്പബ്ലിക്കനായ ജസ്ദീപ് സിങ് ജസ്സീയടക്കം അരുണയ്ക്ക് തിരഞ്ഞെടുപ്പ് ഫണ്ട് ശേഖരിക്കാന്‍ മുന്നിട്ടിറങ്ങിയിരുന്നു.

ആന്ധ്രാ പ്രദേശില്‍ ജനിച്ച അരുണ മില്ലര്‍ മാതാപിതാക്കള്‍ക്കൊപ്പം അമേരിക്കയിലേക്ക് കുടിയേറുകയായിരുന്നു.

Content Highlights: Aruna Miller First Indian-American Lt Governor Of Maryland robin elackatt missouri mayor


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022


04:02

'ലൈലാ ഓ ലൈലാ...' എവർ​ഗ്രീൻ ഡിസ്കോ നമ്പർ | പാട്ട് ഏറ്റുപാട്ട്‌

Sep 26, 2022


Arif Muhammed Khan

1 min

143 ദിവസം സംസ്ഥാനത്തിനു പുറത്ത്, ചെലവാക്കിയത് 1 കോടിയിലധികം; മാര്‍ഗനിര്‍ദേശങ്ങള്‍ പാലിക്കാതെ ഗവര്‍ണർ

Dec 5, 2022

Most Commented