പിരിച്ചുവിട്ട കലിപ്പില്‍ മണ്ണുമാന്തിയന്ത്രം കൊണ്ട് മുതലാളിയുടെ വീട് പൊളിച്ച് പ്രതിഷേധം


Screengrab: Twitter Video

ജോലിയില്‍ നിന്ന് പിരിച്ചുവിട്ടതിന് തൊഴിലുടമയുടെ മുന്നില്‍ കരയാനോ കാലുപിടിക്കാനോ നില്‍ക്കാതെ ഭൂവുടമയുടെ കായലോരത്തെ ആഡംബരവസതികള്‍ മണ്ണുമാന്തിയന്ത്രം ഉപയോഗിച്ച് പൊളിച്ചുകളഞ്ഞും പ്രദേശം മുഴുവന്‍ താറുമാറാക്കിയും തൊഴിലാളിയുടെ പ്രതിഷേധം. കാനഡയിലെ കല്‍ഗറിയിലാണ് സംഭവം.

പോലീസെത്തുന്നതിന് മുമ്പ് ക്യാമറയില്‍ പകര്‍ത്തിയ 'പ്രതിഷേധ'ദൃശ്യങ്ങള്‍ പ്രദേശവാസി ട്വിറ്ററില്‍ ഷെയര്‍ ചെയ്തു. ജോലിയില്‍ നിന്ന് പിരിച്ചുവിട്ടതിന്റെ രോഷം തീര്‍ക്കാന്‍ തടാകത്തിന്റെ സമീപത്തുള്ള പ്രദേശം മുഴുവന്‍ ആ തൊഴിലാളി നശിപ്പിച്ചു എന്ന കുറിപ്പോടെയാണ് വീഡിയോ ട്വീറ്റ് ചെയ്തിരിക്കുന്നത്.

ട്വീറ്റാകട്ടെ വൈകാതെ വൈറലാവുകയും ചെയ്തു. പോരാത്തതിന് നിരവധി പേര്‍ രസകരമായി കമന്റ് ചെയ്യുകയും ചെയ്തു. 'ഒടുവില്‍ തൊഴിലാളിസമൂഹം ഉണര്‍ന്നിരിക്കുന്നു' എന്ന് ഒരാള്‍ പ്രതികരിച്ചപ്പോള്‍ 'ഇതിനെ കുറിച്ച് നേരത്തെ അറിയാമായിരുന്നെങ്കില്‍ ഇയാള്‍ അറസ്റ്റിലായേനെ' എന്ന് മറ്റൊരാള്‍ പ്രതികരിച്ചു. ചിലര്‍ തൊഴിലാളിക്കൊപ്പം നിന്നപ്പോള്‍ അയാളെ പരിഹസിക്കാനും കുറ്റപ്പെടുത്താനും ചിലര്‍ മുതിരുകയും ചെയ്തു.

പിന്നീട് അധികൃതര്‍ സ്ഥലത്തെത്തി അമ്പത്തിയൊമ്പതുകാരനെ അറസ്റ്റ് ചെയ്തതായി ഡെയ്‌ലി സ്റ്റാര്‍ റിപ്പോര്‍ട്ട് ചെയ്തു. ഇയാള്‍ക്ക് വലിയൊരു തുക പിഴ ചുമത്തുകയും ചെയ്തിട്ടുണ്ട്. അനിഷ്ടസംഭവത്തില്‍ താമസക്കാര്‍ക്ക് അപകടം സംഭവിക്കാത്തത് ഭാഗ്യമായി കരുതുന്നതായി ഭൂവുടമ ജോര്‍ഡി ന്യൂലാന്‍ഡ്‌സ് പറഞ്ഞു. ലക്ഷക്കണക്കിന് രൂപയുടെ നഷ്ടമുണ്ടായതായും ന്യൂലാന്‍ഡ്‌സ് കൂട്ടിച്ചേര്‍ത്തു.

Content Highlights: Angry Worker, Destroys, Luxury Homes, After Getting Fired, Malayalam News

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


Nitish Kumar, Tejashwi Yadav

1 min

നിതീഷ് കുമാറിന്റെ സത്യപ്രതിജ്ഞ ബുധനാഴ്ച ഉച്ചയ്ക്ക് രണ്ടിന്; തേജസ്വി യാദവ് ഉപമുഖ്യമന്ത്രിയാകും

Aug 9, 2022


05:31

മാവില വിറ്റും പണം കണ്ടെത്താം; ഇത് കുറ്റ്യാട്ടൂർ പെരുമ

Apr 12, 2022

Most Commented