മാധ്യമപ്രവർത്തകന്റെ ചോദ്യത്തിന് മറുപടിയായി അസഭ്യം; മൈക്കില്‍ 'കുടുങ്ങി' ബൈഡന്റെ വിവാദ പരാമര്‍ശം


ജോ ബൈഡൻ | ചിത്രം :AP

വാഷിംഗ്ടണ്‍: വൈറ്റ് ഹൗസില്‍ പത്രസമ്മേളനം നടത്തുന്നതിനിടെ ഫോക്സ് ന്യൂസിന്റെ മാധ്യമപ്രവര്‍ത്തകനെ അമേരിക്കന്‍ പ്രസിഡന്റ് ജോ ബൈഡന്‍ അസഭ്യം പറയുന്നത് ലൈവായി ജനം കേട്ടു. ഈ ദൃശ്യങ്ങള്‍ സമൂഹമാധ്യമങ്ങളില്‍ വൈറലായിരിക്കുകയാണ്. തിങ്കളാഴ്ചയായിരുന്നു സംഭവം. പരിപാടി കഴിഞ്ഞ് മാധ്യമപ്രവര്‍ത്തകര്‍ മുറിയില്‍ നിന്ന് ഇറങ്ങുമ്പോള്‍, ഫോക്‌സ് ന്യൂസിലെ ഒരു റിപ്പോര്‍ട്ടര്‍, വിലക്കയറ്റം ഒരു രാഷ്ട്രീയ ബാധ്യതയാണോ എന്ന് ചോദ്യം ബൈഡനോട് ഉന്നയിച്ചു.

എന്നാല്‍ തന്റെ മുന്നിലുള്ള മൈക്ക് ഓണ്‍ ആണെന്ന് അറിയാതെ 'സ്റ്റുപിഡ്, സണ്‍ ഓഫ് എ ബിച്ച്' എന്നാണ് അമേരിക്കന്‍ പ്രസിഡന്റ് ചോദ്യത്തോട് പ്രതികരിച്ചത്. എന്നാല്‍ അപ്പോള്‍ മുറിയിലെ ബഹളത്തിനിടയില്‍ യഥാര്‍ത്ഥത്തില്‍ ബൈഡന്‍ പറഞ്ഞത് എന്താണെന്ന് കോള്‍ക്കാനായില്ലെന്ന് സംഭവസ്ഥലത്തുണ്ടായിരുന്ന ഒരു റിപ്പോര്‍ട്ടര്‍ പറഞ്ഞു.

പിന്നീട് ഫോക്സില്‍ നല്‍കിയ അഭിമുഖത്തില്‍ അപമാനം നേരിട്ട മാധ്യമപ്രവര്‍ത്തകന്‍ പീറ്റര്‍ ഡൂസി സംഭവത്തെക്കുറിച്ച് പ്രതികരിച്ചു. ആരും ഇതുവരെ പ്രസിഡന്റ് പറഞ്ഞ കാര്യത്തെ ഫാക്ട് ചെക്ക് ചെയ്തതായി കണ്ടില്ലെന്നും പരിഹാസരൂപേണ പറഞ്ഞു. ഇതിന് പിന്നാലെ സമൂഹമാധ്യമങ്ങളില്‍ ഒന്നാകെ ഡൂസിയെ അനുകൂലിച്ചും ബൈഡനെതിരെയും പോസ്റ്റുകള്‍ വന്നുതുടങ്ങിയിരുന്നു.

സംഭവം വിവാദമായതോടെ ഒരു മണിക്കൂറിനുള്ളില്‍ ബൈഡന്‍ തന്നെ വിളിക്കുകയും 'ഇത് വ്യക്തിപരമായി എടുക്കേണ്ടതില്ല സുഹൃത്തേ' എന്ന് തന്നോട് പറഞ്ഞതായും പീറ്റര്‍ ഡൂസി പിന്നീട് മാധ്യമങ്ങളോട് പറഞ്ഞു. മുന്‍പ് ഇത്തരം അബദ്ധങ്ങള്‍ സംഭവിക്കുമ്പോള്‍ ഉടനെ തന്നെ വാക്കുകള്‍ പിന്‍വലിക്കാനോ വിശദീകരണം നല്‍കാനോ ശ്രമിക്കുന്ന വൈറ്റ് ഹൗസ് പക്ഷെ ഈ വിഷയത്തില്‍ കൂടുതല്‍ ഇടപെടലുകള്‍ നടത്തിയില്ലെന്നത് ശ്രദ്ധേയമാണ്‌.

ബൈഡന്റെ വിവാദ പരാമര്‍ശം ഉള്‍പ്പെടുന്ന പരിപാടിയുടെ ട്രാന്‍സ്‌ക്രിപ്റ്റ് പുറത്തുവന്നതോടെ ഈ പരാമര്‍ശം ഔദ്യോഗിക ചരിത്രരേഖയുടെ ഭാഗമായി മാറിക്കഴിഞ്ഞിരിക്കുകയാണ്.

Content Highlights: bidens swear word caught on mic

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


sabu jacob and pv sreenijan

1 min

കുന്നംകുളത്തിന്റെ മാപ്പുണ്ടോ, ഒരാള്‍ക്ക് കൊടുക്കാനാണ്- സാബുവിനെ പരിഹസിച്ച് ശ്രീനിജിന്‍

May 16, 2022


hotel

1 min

ഹോട്ടലിലെ ഭക്ഷണസാധനങ്ങള്‍ ശൗചാലയത്തില്‍; ഫോട്ടോയെടുത്ത ഡോക്ടര്‍ക്ക് മര്‍ദനം, മൂന്നുപേര്‍ അറസ്റ്റില്‍

May 16, 2022

More from this section




Most Commented