ഇന്ത്യാനാപൊലിസില്‍ വെടിവെപ്പ്: മരിച്ചവരില്‍ 4 സിഖുകാര്‍; അക്രമകാരി സ്വയം വെടിവെച്ചു മരിച്ചു


അക്രമണസംഭവത്തിൽ ഇന്ത്യാനയിലെ സിഖ് സത് സംഗ് ഖേദം പ്രകടിപ്പിക്കുന്നു | Photo : NDTV

വാഷിങ്ടണ്‍: വെള്ളിയാഴ്ച പുലര്‍ച്ചെ അമേരിക്കയിലെ ഇന്ത്യാനാപൊലിസില്‍ ഫെഡ്എക്‌സ് ഡെലിവറി സ്ഥാപനത്തിലുണ്ടായ വെടിവെപ്പില്‍ ഒമ്പത് പേര്‍ മരിച്ചു. പത്തൊമ്പതുകാരനായ ബ്രാന്‍ഡണ്‍ സ്‌കോട്ട് ഹോള്‍ ആണ് വെടിയുതിര്‍ത്തതെന്ന്‌ തിരിച്ചറിഞ്ഞിട്ടുണ്ട്. ആക്രമണത്തിന് ശേഷം ഇയാള്‍ സ്വയം വെടിവെച്ച് മരിച്ചു. മരിച്ചവരില്‍ നാല് സിഖുകാര്‍ ഉള്‍പ്പെടുന്നതായി ഇന്ത്യാനയിലെ സമുദായനേതാക്കള്‍ അറിയിച്ചു.

ഡെലിവറി സ്ഥാപനത്തിലെ ജീവനക്കാരില്‍ തൊണ്ണൂറ് ശതമാനവും ഇന്ത്യന്‍ വംശജരായ അമേരിക്കക്കാരാണ്. അതില്‍ ഭൂരിഭാഗവും പ്രദേശവാസികളായ സിഖുകാരാണ്. സംഭവം അത്യന്തം ഹൃദയഭേദകമാണെന്ന് ഗുരീന്ദര്‍ സിങ് ഖല്‍സ പിടിഐയോട് പ്രതികരിച്ചു.

അമര്‍ജിത് കൗര്‍ സെഖോന്‍, ജസ് വിന്ദര്‍ കൗര്‍, അമര്‍ജിത് കൗര്‍, ജസ് വിന്ദര്‍ സിങ് എന്നിവരാണ് മരിച്ച സിഖുകാര്‍. ഇതില്‍ മൂന്ന് പേര്‍ സ്ത്രീകളാണെന്ന് പൊതുപ്രവര്‍ത്തകനായ മനീന്ദര്‍ സിങ് വാലിയ അറിയിച്ചു. ഹര്‍പ്രീത് സിങ് ഗില്‍ വെടിയേറ്റ്‌ ആശുപത്രിയില്‍ ചികിത്സയിലാണ്. മരിച്ചവരുടെ പേരുകള്‍ ഇന്ത്യാനപൊലിസ് പോലീസ് ഔദ്യോഗികമായി പുറത്തു വിട്ടിട്ടില്ല.

യുഎസ് പ്രസിഡന്റ് ജോ ബൈഡനും വൈസ് പ്രസിഡന്റ് കമലാ ഹാരിസും ആക്രമണത്തില്‍ ഖേദം പ്രകടിപ്പിച്ചു. പ്രാദേശിക സുരക്ഷാസേനയില്‍ നിന്ന് സംഭവത്തിന്റെ വിശദവിവരം ലഭിച്ചതായി ബൈഡന്‍ പ്രസ്താവനയില്‍ വ്യക്തമാക്കി.

Content Highlights: 4 Sikhs Among 8 Killed In FedEx Facility Mass Shooting In US

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented