പെന്‍ഷനുവേണ്ടി അമ്മയുടെ ശരീരം ഫ്രീസറില്‍ സൂക്ഷിച്ച മകള്‍ അറസ്റ്റില്‍, Woman arrested for keeping 93-year-old mom’s body in freezer, police say

11 July 2022, 01:13 PM IST

സെബാസ്റ്റ്യന്‍ (ഫ്‌ളോറിഡ): അംഗവൈകല്യമുള്ളവര്‍ക്ക് ലഭിക്കുന്ന പെന്‍ഷന്‍ തട്ടിയെടുക്കുക എന്ന ലക്ഷ്യത്തോടെ 93-ാം വയസില്‍ മരിച്ച അമ്മയുടെ ശരീരം ഫ്രീസറില്‍ ഒളിപ്പിച്ചുവെച്ച മകളെ പോലീസ് അറസ്റ്റ് ചെയ്തു.

സെബാസ്റ്റിയനില്‍ താമസിക്കുന്ന മിഷേല്‍ ഹോസ്‌കിന്‍സിനെയാണ് (69) ജൂലായ് 8 വ്യാഴാഴ്ച പോലീസ് അറസ്റ്റ് ചെയ്തത്. മൃതശരീരം മറച്ചുവെച്ചതിനും തെളിവുകള്‍ നശിപ്പിച്ചതിനും ഇവര്‍ക്കെതിരെ പോലീസ് കേസെടുത്തു. ഇന്ത്യന്‍ റിവര്‍ കൗണ്ടി ജയിലിലടച്ച ഇവര്‍ക്ക് 10000 ഡോളറിന്റെ ജാമ്യം അനുവദിച്ചിട്ടുണ്ട്.

ഏപ്രില്‍ മാസമായിരുന്നു കേസിനാസ്പദമായ സംഭവം. വെല്‍ഫെയര്‍ ചെക്കിന് വേണ്ടിയാണ് ഇവര്‍ താമസിക്കുന്ന വീട്ടില്‍ പോലീസ് എത്തിയത്. അന്വേഷണത്തില്‍ ഇവരുടെ അമ്മയുടെ ശരീരം ചെസ്റ്റ് ഫ്രീസറില്‍ കണ്ടെത്തുകയും ഇതുമായി ബന്ധപ്പെട്ട് പോലീസ് ചോദ്യം ചെയ്തപ്പോള്‍ മാതാവ് വീട്ടില്‍ മരിച്ചു കിടക്കുന്നത് കണ്ടുവെന്നും തുടര്‍ന്ന് വലിയൊരു ചെസ്റ്റ് ഫ്രീസര്‍ വാങ്ങി മൃതദേഹം അവിടെ ഒളിപ്പിക്കുകയായിരുന്നുവെന്നും മകള്‍ വെളിപ്പെടുത്തി.

ഫ്രീസര്‍ വാങ്ങിയതിന് രണ്ടാഴ്ച മുമ്പു തന്നെ മരണം നടന്നിരുന്നതായി കൂടുതല്‍ അന്വേഷണത്തില്‍ പോലീസ് കണ്ടെത്തി. സ്വാഭാവികമരണമായിരുന്നുവെന്നും സ്ഥിരീകരിച്ചിട്ടുണ്ട്.

വാര്‍ത്തയും ഫോട്ടോയും : പി.പി.ചെറിയാന്‍

Content Highlights: Woman arrested for keeping 93-year-old mom’s body in freezer, police say

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)